|
|
ئەسسالامۇ ~ ئەلەيكۇم ئالىپ ئەپەندىم ، ۋە ئەسسالامۇ ~ ئەلەيكۇم بارلىق ئالىپ مۇسۇلمانلىرى ، ھەممىڭلارنىڭ تېنى ئامان بولسۇن ، ھەممىڭلار ياخشى تۇرۇۋاتامسىلەر ؟ سىلەرنى ھەقىقەتەن قېرىنداشلىرىمدەك كۆرىمەن ، مەن چەكسىز تور كارتىسى سەۋەبلىك قىسمەن قېرىنداشلىرىمنىڭ دىلىغا ئازار بەردىم ، مېنى ئاللاھ كەچۈرسۇن ، ئالىپتىكى قېرىنداشلىرىممۇ كەچۈرۈڭلار ! مەن ھەقىقەتەن بىر مەرت ئوغۇلبالا ئىدىم ، ئەمما بۇ ئىشلار مۇشۇنداق مۇرەككەپلىشىپ كەتتى ، سىلەردىن مېنى كەچۈرۈشىڭلارنى تۆۋەنچىلىك بىلەن سورايمەن ، تۆۋەندە سىلەرگە كارتىلارنى بېرەلمىگەنلىكىمنىڭ سەۋەبىنى قىسقىچە بايان قىلاي :
بىرىنچىدىن : مەن تېلگىراف خادىمى ئەمەس ئىدىم ، بىجىرىش يولۇم بارغانچە تارىيىپ ، قاتمۇقات قىيىنچىلىقلارغا يولۇقتۇردى !
ئىككىنچىدىن : مەن بىجىرگەن كارتا چوقۇم يەرلىك كىملىككە بىجىرىلىدىغان بوپقالدى ، ئاندىن يېقىنلىرىمنىڭ نامىدا بىجىرگەن ، ئاندىن ئۇنى جەنۇب شىمالغا سالدىم ، ئۇلار ئاشۇ كارتىدا چەكلەنگەن تورلارغا چىقسا مېنى تۇتىدىكەن ! شۇ ۋەجىدىن بىجىرىشتىن توختىدىم ،
ئۈچىنچىدىن : بىجىرگۈچى مېنى بەكمۇ ئالدى كەينىگە دەسسىتىۋەتتى ، ئۇ ماڭا بىجىرگىلى بولىدۇ دېسە بولىدۇ دېدىم ، ئۇ 5 كۈن ساقلاڭ دېسە مەنمۇ 5 كۈن دېدىم ، 10 كۈن دېسە 10 كۈن دېدىم ، قەتئىي بولمايدۇ دېسە مەنمۇ قەتئىي بولمايدۇ دېدىم ، ئاخرىدا ساقلاپ ساقلاپ مۇشۇ كۈنگە قالدىم
تۆتىنچىدىن : ئادەم بەك جىق بولۇپ كېتىپ ، قەتئىي يېتىشەلمىدىم ، كۈندە كېلىدىغان ئۇچۇرنىڭ كۆپلىكىدىن نورمال تۇرمۇشۇم ئاستىن ئۈستۈن بولدى ، تىنچلىققا ئىنتىلەتتىم ، شۇ سەۋەبلىك ئاسان چېچىلىدىغان بوپقالدىم ، قېرىنداشلىرىمنىڭ مېنى دەپ يېزا يېزىلاردىن ناھىيە شەھەرلەرگە مەن ئۈچۈن چېپىۋاتقانلىقىنى ئۇنۇتتۇم ، قېرىنداشلىرىمنىڭ سەمىىمىي ھالدىكى تۆۋەنچىلىك بىلەن ئۆتۈنۈشلىرىگە سەل قارىدىم ، دۇنياغا بېرىلىپ ئاخىرەتنى ئۇنتۇپ سىلەرگە كۆپ مالال يەتكۈزدۈم ،
بەشىنچىدىن : پايدا خېلى قېلىۋاتقاندىكى (ماڭا نىسبەتەن) مال بۇيرۇتقانلارغا پۇلنى ئۇرغۇزىۋېرىپتىمەن ، پۇلنىمۇ خەجلەپتىمەن ئاخىرىدا قېرىنداشلىرىمغا بىجىرىپ بېرەلمىدىم ، پۇلنىمۇ ۋاقتىدا قايتۇرالمىدىم !
ئالتىنچىدىن : قەشقەردىن بىزنىڭ تەۋەلىكتىكى تېلگىرافتىكى ئىدارە باشلىقىغا تېلفون قىلىپ مېنى پاش قىلدى ، ۋە مۇدىر مېنى چاقىرتىپ ئەيىپلىدى ، مەن تاكاللاشتىم ، مېنىڭ كارتا بىجىرىشىمنى چەكلىدى !
خۇلاسىلەپ ئېيتقاندا ئالىپتىكى مۆئمىن قېرىنداشلىرىمنىڭ دىلىغا ئازار بەردىم ھەتتا قېرىنداشلىرىم abdulla5 ۋە tanha dilkar قاتارلىقلارمۇ مېنىڭ بۇنداق قىلىپ قويغىنىمنى ئەقلىگە سىغدۇرالمايۋاتقان بولۇشى مۇمكىن ، بىر ھەدىس بار ئىدى رىۋايەت قىلغۇچىنىڭ كىملىكىنى ئۇنتۇپ قاپتىمەن كىمكى بىراۋدىن قەرز ئالغۇچىلىك بېرىشنى نىيەت قىلىپ ئالسا ، ئاللاھ شۇ كىشىنىڭ قەرزنى قايتۇرۇشىغا ئاسانلىق يارىتىپ بېرىدىكەن ، بەرمەسلىكنى نىيەت قىلىپ ئالسا قايتۇرۇشىنى قىيىنلاشتۇرۇۋېتىدىكەن . مەن ئەسلىدىلا ‹‹ قايتۇرۇشنى ›› نىيەت قىلغانىدىم ، ئاللاھ خالىسا قايتۇرىمەن يىگىرمىدەك ئادەم با ، بىردىن بىردىن قايتۇرىۋېتىمەن بۇ مېنىڭ ئاللاھقا ئاندىن قالسا سىلەردەك قېرىنداشلىرىمغا قىلغان ۋەدەم !
ئاخىرىدا ئالىپ ئەپەندىگە يۈرەك سۆزۈمنى دەۋالاي ، مەن سىزگىمۇ ئازار بەردىم ، مېنىڭدىن رازى بولۇڭ ، مەن سەۋەبلىك تور بېتىڭىزگە داغ تەگكەن بولۇشى مۇمكىن ، مەن سىزدىن سەمىمىي ئەپۇ سورايمەن ، ئاخىرىدا ھەممىڭلارغا بىر خۇشخەۋەر ~ مەن بۈگۈن ھىدايەت تاپتىم ، ئىماننىڭ لەززىتىنى تېتىشقا مۇيەسسەر بولدۇم ، ئاللاھقا رەھمەت ، بىرىنچى بولۇپ قېرىنداشلىرىم خىيالىمغا كەلدى ، سىلەردەك دىندار ئاقكۆڭۈل قېرىنداشلىرىمغا بەرگەن ئازارلىرىمنى ئاللاھ دىلىمغا سالدى ، شۇئان بۇ تېمىغا تۇتۇش قىلدىم ، ئاللاھ خالىسا ھەممىڭلارنى رازى قىلىمەن ، دەرھاللا پۇلۇڭلارنى قايتۇرۇشقا ئىمكانىم ھازىرچە يوق ، ئەمما سىلەرنى چوقۇم رازى قىلىمەن ئىنشائاللا ! |
|
دېۋان تالىشىش
