ئاندىرويىد سىستېمىسى ھەققىدىكى بەش خىل خاتا قاراش

ئاندىرويىد نۆۋەتتە دۇنيا بويىچە بىرىنچى چوڭ مەشغۇلات سىستېمىسى بولۇپ، يوقلۇقتىن بارلىققا كېلىپ، ھازىرقىدەك زور بازارنى ئىگەللىشىگىچە بولغان ئارىلىقتا، نۇرغۇنلىغان شانلىق مۇساپىلەرنى بېسىپ ئۆتتى. بەزىلەر ئۇنىڭ ئوچۇق كودلۇق ۋە يۇقىرى دەرىجىدە خاسلاشتۇرۇشنى قوللايدىغان تەرىپىنى ئىنتايىن ياخشى كۆرسە، يەنە بەزىلەر ئۇنى مۇرەككەپ ۋە بىخەتەر ئەمەس دەپ زەربە بىرىۋاتىدۇ. ھالبۇكى مەيلى ئاندىرويىد ھەۋەسكارلىرى بولسۇن ۋە ياكى ئۇنىڭ ئەڭ چوڭ رىقابەتچىسى بولغان سىستېمىسىنىڭ سادىق قوغدىغۇچىلىرى بولسۇن، ئىككىلا تەرەپ زادى قايسى سىستېما ياخشى دىگەن مەسىلە ئۈستىدە بىرلىككە كىلەلىگىنى يوق. بۇ جەرياندا ئاندىرويىد سىستېمىسى ھەققىدە بەزىبىر خاتا قاراشلار تارقىلىپ، ئىستېمالچىلارنىڭ ئاندىرويىد سىستېمىلىق ئۈسكۈنىلەرنى سېتىۋىلىشىغا ئاز بولمىغان تەسىرلەرنى پەيدا قىلدى.
يېقىندا چەتئەلدىكى داڭلىق تېخنىكا تور بېكىتىنىڭ يازغۇچىسى مەخسۇس مۇشۇ مەسىلە ئۈستىدە ئۆزىنىڭ ئوي-پىكىرلىرىنى ئوتتۇرىغا قويۇپ، ئاندىرويىد ھەققىدىكى خاتا قاراشلارغا رەددىيە بەردى، ئەمەلىيەتتە ئاندىرويىد سىستېمىسىدا كىشىلەر ئويلىغاندەك چوڭ مەسىلىلەر يوق، مەسىلە بولغان تەقدىردىمۇ ئۇنچە ئېغىر ئەمەس. ئۇنداقتا، تۆۋەندە تور دۇنياسىدا تارقىلىپ يۈرگەن ئاندىرويىد سىستېمىسى ھەققىدىكى بەش خىل خاتا قاراش ئۈستىدە توختىلىپ ئۆتەيلى.
بىرىنچى خاتا قاراش: ئاندىرويىد سىستېمىسىنىڭ مەشغۇلاتى مۇرەككەپ

ئەڭ يېڭى سانلىق مەلۇماتلارغا قارىغاندا، يەرشارىدىكى %80 دىن ئارتۇق ئەقلىي ئىقتىدارلىق يانفون سىستېمىسى ئاندىرويىد ئىكەن. ئەگەر بۇ سىستېما باشقىلار ئېيتقاندەك شۇنچە مۇرەككەپ بولسا، ئۇنداقتا نېمە ئۈچۈن شۇنچە كۆپ ئادەم ئۇنى ئىشلىتىدۇ؟ ئۇلار ئۆزىگە «ئاۋارىچىلىق» تېپىشقا ئامراقمۇ-يا؟
تۈزۈت قىلماستىن ئېيتىشقا بولىدۇكى، ئاندىرويىد سىستېمىسى مۇرەككەپ، شۇنداقلا ئادەتتىكى ئابونتلارغا ماس كەلمەيدۇ دىيىش تۈپتىن خاتالاشقانلىق، شۇنداقلا بۇ ئاشۇ ئادەتتىكى ئىستېمالچىلارنىڭ ئەقلىي سەۋىيىسىگە بولغان ھاقارەتتۇر.

ئىككىنچى خاتا قاراش: ئاندىرويىد سىستېمىسى ۋەزىپە باشقۇرغۇچتىن ئايرىلالمايدۇ

ئاندىرويىد سىستېمىسى ئوتتۇرىغا چىققاندىن كېيىن، ھەرخىل ۋەزىپە باشقۇرغۇچ تۈرىدىكى ئەپلەر شىددەت بىلەن كۆپەيدى ھەمدە ئابونتلارنىڭ ياقتۇرۇپ ئىشلىتىشىگە مۇيەسسەر بولدى. كىشىلەرنىڭ ئاغزىدا ئاندىرويىد سىستېمىسى ۋەزىپە باشقۇرغۇچتىن ئايرىلالمايدۇ دىگەندەك گەپ-سۆزلەرمۇ كۆپىيىپ كەتتى. ئۇنداقتا، ئەگەر ئاندىرويىد يانفونىڭىزغا ۋەزىپە باشقۇرغۇچ قاچىلىمىسىڭىز قانداق بولا؟ ئەجەبا، ۋەزىپە باشقۇرغۇچ راستىنلا يانفون سۈرئىتىنى تېزلىتەلەمدۇ؟
ئەمەلىيەتتە، بۇ خىلدىكى ۋەزىپە باشقۇرغۇچلارنىڭ ئەمەلىي رولىغا قارىغاندا، پىسخىكىلىق رولى تېخىمۇ چوڭ. ئىشەنمىسىڭىز، يانفونىڭىزدىكى ۋەزىپە باشقۇرغۇچنى ئۆچۈرۋىتىپ سىناپ كۆرۈڭ، زادى قانچىلىك پەرق باركىن؟!

ئۈچىنچى خاتا قاراش: ئاندىرويىد سىستېمىسى ئاسانلا يامان نىيەتلىك پروگراممىلارنىڭ ھۇجۇمىغا ئۇچرايدۇ

بۇ يەردە ھەرگىزمۇ ئاندىرويىد سىستېمىسى ۋىروس بىلەن يۇقۇملانمايدۇ دىمەكچى ئەمەسمىز، دىمەكچى بولغىنىمىز، باشقىلارنىڭ بۇ ھەقتىكى كۆز-قارىشى ھەرگىزمۇ يۇقۇملىنىش دىگەن دەرىجە بىلەن چەكلەنمەيدۇ، ئۇلارنىڭ كۆرسىتىۋاتقىنى ئاندىرويىد سىستېمىسىنىڭ قانچىلىك خەتەرلىك ئىكەنلىكى. ھالبۇكى، ئادەتتىكى يانفون ئىشلەتكۈچىلەر ئۈچۈن ئېيتقاندا، ئاندىرويىد سىستېمىسىنىڭ ھىچقانداق خەتىرى يوق. چۈنكى ئابونتلار ھەر قېتىم قاچىلىماقچى بولغان ئەپ چوقۇم سىستېمىنىڭ ھوقوق بىرىشىدىن ئۆتۈشى كىرەك، ئۇندىن باشقا، ئەپنى قاچىلاشتىن بۇرۇن ئۇنىڭ ئىچىدە ۋېروس ياكى يامان نىيەتلىك پىروگرامما بار-يوقلۇقىنى تەكشۈرۈشكە بولىدۇ.

تۆتىنچى خاتا قاراش: ئاندىرويىد يانفونلىرىنىڭ ھەممىسى ئوخشاش بىر خىل

ئىشىنىمەنكى، كۆپلىگەن تورداشلار ئاندىرويىد سىستېمىلىق يانفونلارنى ئانچە ياراتمايدۇ، ئۇلار ھە دىسىلا ئاندىرويىد ئۇنداق ناچار، بۇنداق قولايسىز دىگەندەك گەپ-سۆزلەرنى ئېغىزىدىن چۈشۈرمەيدۇ.ھالبۇكى، بۇ خىلدىكى كىشىلەر ئۈستىدە ئازراق چوڭقۇرلاپ تەكشۈرۈش ئېلىپ بارسىڭىز شۇنى بىلەلەيسىز، ئەمەلىيەتتە ئۇلارنىڭ قولىدىكىسى ئەڭ تۆۋەن سەپلىمىلىك ئاندىرويىد يانفونلار.
گۇگېل شىركىتى ھازىر ئاندىرويىد سىستېمىسىنى ئىمكانىيەتنىڭ بارىچە ئەلالاشتۇرۇپ، نۇرغۇن قولايلىق مۇلازىمەتلەرنى ئوتتۇرىغا چىقىرىۋاتىدۇ. يۇقىرى سەپلىمىلىك بايراقدار ئاندىرويىد يانفونى ئىشلىتىۋاتقانلار ئۇنىڭ ھوزۇرىنى راسا سۈرۈۋاتىدۇ.
باشقىچە ئېيتقاندا، ھىچقانداق بىر ئايفون ھەۋەسكارى ھەرگىزمۇ iPhone 3GS نىڭ iPhone 5S دەك راۋان ئىشلىشىنى قارىغۇلارچە ئۈمىد قىلمايدۇ. چۈنكى بۇ ئەقىلگە ئۇيغۇن ئەمەس، ئاندىرويىدمۇ دەل شۇنداق.

بەشىنچى خاتا قاراش؛ ئاندىرويىد سىستېمىسى نىسبەتەن قالاق شۇنداقلا مۇقىم ئەمەس.

ئاندىرويىد سىستېمىسى دەسلەپ ئوتتۇرىغا چىقىرىلغان مەزگىللەردە، ھەقىقەتەنمۇ يۇقاردا دىيىلگەنگە ئوخشاش، سۈپىتى ناچار ۋە مۇقىم ئەمەسلىكتەك مەسىلىلەر مەۋجۇت ئىدى. ھالبۇكى، ھەرقانداق بىر مەشغۇلات سىستېمىسى بارا-بارا مۇكەممەللىشىش ۋە يېڭىلىنىش باسقۇچىنى باشتىن ئۆتكۈزىدۇ.
ئىشىنىمىزكى، كۆپ خىل مەشغۇلات سىستېمىسى ئىشلىتىپ باققان ھەرقانداق بىر ئىستېمالچى يانفون ئەپلىرىنىڭ قېتىپ قىلىش ۋە تۇيۇقسىز ئىشلىمەسلىكىدەك ئەھۋاللارنى باشتىن كەچۈرگەن، ھالبۇكى، ئاندىرويىدتا بۇ خىل ئەھۋاللار ئېغىر دىگۈچىلەرنىڭ كۆپىنچىسى دەل يۇقاردا ئېيتقاندەك، تۆۋەن سەپلىمىلىك يانفون ئىشلىتىۋاتقانلار ياكى سىستېما يېڭىلىمىغانلاردۇر



مەنبە: نۇرتورى

بىلىۋالدىم

ھەقىقەتەن  ئادەمنى  قايىلقىلارلىق来自: Android客户端

ھەقىقەتەن راس گەپلەر

ھەقىقەتەن  ئادەمنى  قائىلقىلارلىق گەپلەر

راستىنى ئېيتسام جۇڭگودا ئىشلەنگەن يانفۇنلار مۇشۇ ئاندىرويىد سېستىما بولمىغان بولسا ھېچقانداق ئۈنۈم يارىتالماي تۈگۈشۈپ كېتەتتى...

ئىشقىلىپ بەزىلەر ئالمىنى راھەت دەيدىكەن لىكىن تاريەردە گۇش يىگۇچە كەڭرى يەردە مۇش يە دىگەندەك پەقەتلام ئالما بىلەن كىلىشەلمىدىم ئاندىرويد بەلكىم ئالمىدەك راۋان ئەمەستۇ لىكىن نىمەقىلىمەن دىسە قىلغىلى بولغاندىكىن پايدىلىنىشچانلىقى يۇقىرى دە

تووغرا

ئاندىرويىت يانفۇنلار ئەرزان قۇلايلىق ئالماچۇ ئەڭ تۆتجى ئەۋلات بەشىنجى ئەۋلات دىگەنلىرىگ ئازدىگەندە تۆت بەشمىڭ خەژلەيدىغان گەپ ئىقتىسات بولساچۇ hts iphone5 لەرنى ھەممە ئادەم ئىشلىتىپ باققۇسى بار بىرە مىڭ يۇنلىك يانفۇنلارنى ئىشلىتىپ تۇرايلى来自: Android客户端

ئالما دىگەن ئالمىدە  

ئەمەلىيەتتە ئاندروئدتا قىلىغىلى بولىدغان ئەڭ چوڭ ئىش -ئۇيغۇرچە كونۇپكا تاختىسى .
مەن مۇشۇ تەرىپىنى ئەڭ چوڭ بىلىمەن.
ئۇنىڭدىن باشقا نىمە قىلسا قىلغۇدەك نان تەككۈدەك ئشمۇ تايىنلىق.

مەن موشۇ ئالمىنى ياقتۇرۇپ قالدىم

KONA يوللىغان ۋاقتى  2013-11-25 20:44
مەن موشۇ ئالمىنى ياقتۇرۇپ قالدىم

مىنىڭچە يەنلام ئاندىروئىد ياخشى جىمۇ

ئالمىنىڭ سېستىمىسى ھەقىقەتەن راۋان ، بۇ جەھەتتە ئاندىروئىد پاسسىپ . لىكىن ئالمىنىڭ تېلفۇنلىرى بەكلا قىممەت ، ماڭا ياقمايدىغان يېرى دەل مۇشۇ . شوڭا كۈچۈم يەتكەن 8813 نى ئىشلىتىۋاتىمەن . مىنىڭ بارلىق ھاجىتىمدىن تۇلۇق چىقىدۇ . ئەلۋەتتە كۆپرەڭلك پۇللۇق بوپ قالغان چاغدا چۇقۇم ئالمىنىمۇ ئىشلىتىپ باقىمەن

esl يوللىغان ۋاقتى  2013-11-25 20:42:18
ئەمەلىيەتتە ئاندروئدتا قىلىغىلى بولىدغان ئەڭ چوڭ ئىش -

شەخسى كۆزقاراش来自: Android客户端