- جۇغلانما
- 1833
UID3923
تىزىملاتقان2011-11-5
ئاخىرقى قېتىم2015-3-22
توردا661 سائەت
ئالىي ئەزا
ئاناتىلىم جان تىلىم ئانا تىلىم
- نادىر
- 0
- جۇغلانما
- 1833
- ئاقچا
- 1
|
كومپيۇتېرنى يىراقتىن قوزغىتىش ھەققىدە چۈشەنچە
ئالدىنقى MAC ئادرېسى ھەققىدىكى يازمىدا «كومپيۇتېرنى يىراقتىن ئويغۇتۇش» دەيدىغان بىر ئۇقۇمنى دەپ ئۆتۈپ كەتكەن ئىدۇق.
ئۈستەل كومپيۇتېرى ئىشلىتىدىغان دوستلار بەلكىم دىققەت قىلغان بولۇشى مۇمكىن. كومپيۇتېرنى نورمال ئۆچۈرگەندىن كىيىن، كومپيۇتېر تور كارتىسىنىڭ چىرىقى يېنىپ قالدىغان ئەھۋاللار بار. بۇ خىل ئەھۋال ماركىلىق كومپيۇتېرلاردا ئەڭ كۆپ كۆرۈلىدۇ، قوراشتۇرما كومپيۇتېرلاردا بولسا، بەزىلىرىدە بار، بەزىلىرىدە يوق. مۇشۇنداق ئەھۋال كۆرۈلگەن كومپيۇتېرلار كومپيۇتېرنى يىراقتىن ئويغۇتۇش ئىقتىدارىنى ھازىرلىغانلىقىنى بىلدۈرىدۇ. قوراشتۇرما كومپيۇتېرلارنىڭ بەزىلىرىدە بولماسلىقنىڭ سەۋەبى، توك مەنبەسى ۋە ئاساسى تاختا ۋە تور كارتىلىرنىڭ بەزى سەپلىمە پارامىتېرلىرى ماس كەلمىگەنلىكتىن ئىبارەت.
بۇ يازمىمىزدا مانا مۇشۇ تېخنىكا ھەققىدە تەپسىلىي توختىلىپ ئۆتىمىز.
كومپيۇتېرنى يىراقتىن قوزغىتىش بولسا، يىراقتىن ئويغىتىش تېخنىكىسى (Wake onLAN) دەپمۇ ئاتىلىدىغان بولۇپ، كەسپى ماتېرياللاردا WOL دەپ قىسقارتىپ ئىلىنىدۇ. بۇ تېخنىكىدا توك سىمى ئۇلانغان لىكىن ئۆچۈك ھالەتتىكى كومپيۇتېرغا، قىسمى تور، ئىنتېرنت تورى ۋە باشقا ئالاقە ئۇسۇللىرىدىن پايدىلىنىپ، كومپيۇتېر تور كارتىسى ياكى ئاساسى تاختىغا ئالاھىدە بىكىتىلگەن سىگىنالنى يوللاش ئارقىلىق ئۇ كومپيۇتېرنى قوزغىتىشقا بولىدۇ.
يىراقتىن قوزغىتىشتا ئىشلىتىدىغان ئۇسۇل ۋە تېخنىكىلار، شارائىت ۋە مۇھىتقا قاراپ ئوخشىمايدىغان بولۇپ، تۆۋەندە بىز كۆپ ئۇچىرايدىغان بىر قانچە خىل ئۇسۇل بىلەن تونۇشۇپ ئۆتىمىز.
1. قىسمى توردا قوزغىتىش
بۇ ئۇسۇل ئادەتتە بىر قىسمى توردا بولغان كومپيۇتېرلاردا قوللىنىدۇ. (بۇ يەردە دىيىلگەن قىسمى تور ئادەتتە ئۆزىمىز قۇرۇپلا ئىشلەتكەن قىسمى تور بولۇپ، «ئۈچ قەۋەتلىك سىۋىچ (三层交换器)»، مەۋھۇم قىسمى تور، VLAN, VPN قاتارلىق ئىككى قەۋەتتىن يۇقۇرى TCP/IP كىلىشىمى ئاستىدىكى تور مۇھىتىدا ئىشلىمەيدۇ.)
قوللىنىشقا ئەڭ ماس كىلىدىغان ئورۇنلار، تورخانا، مەكتەپ ياكى باشقا ئورۇنلارنىڭ ئىلىكتېر دەرىسخانا كومپيۇتېرلىرى بولۇپ، بۇ خىل ئورۇنلاردا باشقۇرۇشقا ئىشلىتىدىغان 红蜘蛛، 万象 قاتارلىق دىتاللارنىڭ ياردىمىدە ئوقوغۇچى كومپيۇتېرلارنى بىۋاستە قوزغىتىشقا بولىدۇ. ناۋادا مۇشۇ دىتاللاردا، يىراقتىن قوزغىتىش كارغا كەلمىسە، ئوقوغۇچى كومپيۇتېرنىڭ CMOS تەڭشىكىدىكى Wake Up On LAN ياكى Resume by LAN ئىقتىدارى ئېچىلمىغان بولىدۇ. بۇ ۋاقىتتا CMOS نىڭ Power ManagementSetup تىزىملىكىدىن مۇشۇ ئىككى خىل ئىقتىدارنىڭ قايسى بولسا شۇنى Enable ياكى On ھالەتكە ئەكىلىپ قويساق بولىدۇ.
ئۇنىڭدىن باشقا، ئىشخانا قاتارلىق ئورۇنلاردا قارشى تەرەپنىڭ MAC ئادىرىسىنى بىلسىڭىز. NetWaker دىگەن پىروگرامما ئارقىلىق MAC ئادىرىسىنى كىرگۈزۈپ، ھىچقانداق دەلىللەش ئىلىپ بارمايلا ئۇ كومپيۇتېرنى قوزغىتالايسىز. (MAC ئادىرىسىنى نەدىن تىپىشنى بىلمىسىڭىز، «كومپيۇتېر تور كارتىسىنىڭ MAC ئادرىسىغا ئىرىشىش ئۇسۇلى» دىگەن يازمىنى ئوقۇڭ.)
2. مودىم ئارقىلىق يىراقتىن قوزغىتىش
بۇ بىر قەدەر قەدىمى ئۇسۇل بولۇپ، بۇ يەردە دىيىلگەن مودىم، ھەرگىزمۇ ھازىر كەڭ بەلباغ تورىدا ئىشلىتىۋاتقان مودىمنى كۆرسەتمەيدۇ، بەلكى كەڭ بەلباغ تورىدىن بۇرۇن، نومۇر بۇراپ تورغا چىقىشقا ئىشلەتكەن 56kb لىق مودىمنى كۆرسىتىدۇ. كۆپلىگەن ئاساسىي تاختىلاردا «مودىمدىن قوزغىتىش Wake-Up On InternalModem» دەيدىغان بىر ئىقتىدار بولۇپ، مۇشۇ ئىقتىدار ئېچىلغاندىن كىيىن، مودىمغا مۇقىم تېلفۇن سىمىنى چىتىپ، شۇ تېلفۇنغا تېلفۇن قىلساقلا كومپيۇتېر قوزغىلىدۇ. (كومپيۇتېر ۋە تۇرمۇش ژۇرنىلىرىنىڭ بۇرۇنقى سانلىرىنىڭ بىرسىدە «ئۆيۈمگە تېلفۇن كەلسىلا كومپيۇتېرىم قوزغىلىپ كىتىدۇ؟» دەيدىغان بۇر سۇئال بېسىلغان، بۇ مەسىلە، دەل مۇشۇ ئىقتىدار سەۋەبلىك بولىدۇ.)
ئادەتتە كونا ماركىلىق كومپيۇتېرلاردا مودىم بىلەن ئاساسى تاختىنىڭ WOM سىمى (يىڭنە) بىللە ئۇلىناتتى. ھازىرقى كومپيۇتېرلار بۇ خىل ئىقتىدار بىۋاستە تەمىنلەنمەيدۇ. شۇڭا مودىمنى كومپيۇتېرغا سالغاندىن كىيىن، مودىمنىڭ ئۈستىدىكى يىڭنە سىم بىلەن ئاساسى تاختىدىكى WOM يىڭنە سىمىنى (5V SB+) ئۇلاپ قويساق بولىدۇ. ناۋادا CMOS تا Wake-Up On InternalModem دەيدىغان ئىقتىدار بولمىسا، بۇ ئۇسۇلنى ئىشلەتكىلى بولمايدۇ.
3. مەخسۇس تىزگىن قوراللار ئارقىلىق قوزغىتىش
نۇرغۇنلىغان تور باشقۇرغۇچىلارنىڭ ئېھتىياجىغا ئاساسەن، Oray، netman قاتارلىق شىركەتلەر مەخسۇس، كومپيۇتېرنى قوزغىتىش كارتىسىنى بازارغا سالغان بولۇپ، بۇ كارتىلارنى كومپيۇتېرغا سالغاندىن كىيىن، يانفون كارتىسىنى سىلىش، مۇقىم تېلفۇن سىمىغا ئۇلاش قاتارلىق ئۇسۇللار ئارقىلىق يىراقتىن قوزغىتىش مەقسىتىگە يەتكىلى بولىدۇ. ئىشلەتكۈچى پەقەت نىشان كومپيۇتېرغا قىسقا ئۇچۇر يوللاش، تېلفۇن قىلىپ كۆرسەتمە ئاۋازى بويىچە مەشخۇلات قىلىش، ھەتتا iPhone غا مۇناسىۋەتلىك پىروگراممىسىنى قاچىلاش ئارقىلىق، يىراقتىكى كومپيۇتېرنى قوزغىتالايدۇ.
Orayنىڭ يىراقتىن قوزغىتىش كارتىسى:
http://sunlogin.oray.com/zh_CN/wakeup
netman نىڭ يىراقتىن قوزغىتىش كارتىسى:
http://netman123.cn/hardware.asp
بۇنىڭدىن باشقا، ئىنتېرنىت تورى ئارقىلىقمۇ كومپيۇتېرنى قايتا قوزغاتقىلى بولىدۇ، لىكىن بۇنىڭ ئۈچۈن كومپيۇتېر ۋە يىتەكلىگۈچ (路由器) دا بىر قاتار مۇرەككەپ تەڭشەكلەرنى قىلىشقا توغرا كىلىدۇ ھەم بەلگىلىك تور تېخنىكا بىلىملىرى بولۇش تەلەپ قىلىنىدۇ، شۇڭا ئانچە تەۋسىيە قىلىپ كەتمەيمەن، لىكىن بۇ ھەقتە يەنە ئايرىم ماقالە ئىلان قىلىمەن.
مەنبەسى: كۆك كەپتەر تور تېخنىكىسى |
|
دېۋان تالىشىش
