نۇمۇس ھەممىدىن ئەلا

نۇمۇس ھەممىدىن ئەلا

         ئەسسالامۇ ئەلەيكۇم ئالىپ تورىنىڭ قىزغىن ئىشتىراكچىلىرى، مەن مۇشۇ مۇنبەر ئەزاسى idikut510 ، ئىسمىم ئابدىراخمان رىشىت. ئالىپ تورىغا ئەزا بولغاندىن تارتىپ بۇ تور بەتتىن ياخشى پايدىلنىۋاتىمەن، شۇنداقلا كۈچىمنىڭ يېتىشىچە باشقىلارغا چ چ ، تېلفۇن ، ئۇچۇر ۋە تور بەت يۈزى ئارقىلىق ياردەم قىلىپ كېلىۋاتىمەن. ھەمدە باشقىلار يوللىغان ئۇيغۇرچە روم ۋە ئەپلەردىنمۇ تولۇق پايدىلنىۋاتىمەن.  بۇ يەردە ئالىپ ئەپەندىنىڭ مۇشۇنداق قولاي بولغان پىكىر ئالماشتۇرۇش سەھنىسىىنى ھازىرلاپ بەرگەنلىكىگە رەھمەت ئېيتىمەن.
       ئەمما يېقىندىن بېرى، بەزى بىر نومۇسسىز تور بىكەت شۇنداقلا نومۇسسىز ئەپ ئوغرىلىرى ئاز تولا ھالدا مېنىڭ ئاچچىغىمنى كەلتۈرۈپ قويدى، ئەزا بولغاندىن تارتىپ نۇرغۇن تېمىلارنى يوللىدىم، ھەمدە يەتتە دانە ئەپنى تەرجىمە قىلىپ مۇشۇ مۇنبەرگە يوللىدىم. ئەمما يېقىندا باشقا مۇنبەرلەردە مەن تەرجىمە قىلغان ئەپلەرنى ئۆز پېتى كۆچۈرۈپ ئۆز ئەمگىكى سۈپىتىدە تورغا يوللىغانلىقىنى كۆردۈم، شۇنىڭ بىلەنئۇيغۇرچە ئىزدەش بەتلىرى ئارقىلىق مەن تەرجىمە قىلغان ئەپلەرنى ئىزدەپ كۆرسەم نۇرغۇن توربەتلەردە بار بۇلۇپ چىقتى.
                مەن تەرجىمە قىلغان ئەپلەرنى باشقا تور بەتلەرگە يوللاشقا قارشى ئەمەس، ئەمما ئەڭ بولمىغاندا ئەپ تەرجىمە قىلغۇچى ۋە ئالىپ تورىنى ئەسكەرتىپ قويۇشى كېرەك ئىدىغۇ.(باشقا توربەتكە يوللاشقا ئالىپ ئەپەندى قانداق پىكىردە بۇنىسى ماڭا نامەلۇم) ئەمما ئۇلار بۇ ئەپلەرنى ئاللىقاچان ئۆزىنىڭ نامى بىلەن ئېلان قىلغان.
يۇقارقى تور بىكەت باشلىقلىرى بەلكىم ھەممە سەۋەبنى ئەزالارغا دۆڭگەپ قويۇشى مۇمكىن ئەمما ھەممىمىز بىلىمىز، مۇناسىۋەتلىك تور بەتلەر باشقا توربەتلەرنى كۈندە كۆرۈپ تۇرۇشى ناھايىتى ئېنىق، ئاشۇ تور بىكەت باشقۇرچىلىرى چوقۇم ئالىپ تورىنى كۈندە دېگىدەك كۆرۈپ تۇرىدۇ، بۇ دىتاللارنىڭ تونجى بولۇپ ئالىپ تورىدا ئېلان قىلىنغانلىقىنىمۇ چوقۇم بىلىدۇ، ئەمما نېمىشقا ئاشۇنداق نومۇسسىز ئىشلارغا يول قويىدۇ؟ بۇنداق بۇلىۋەرسە يەنە كىمنىڭمۇ ئەپ تەرجىمە قىلغۇسى كېلىدۇ؟
        باشقىلارنىڭ ئەمگىكىگە ھۆرمەت قىلىپ تېخىمۇ ياخشى بولغان تور مۇھىتى بەرپا قىلىپ ، ئەپ ۋە روم تەرجىمانلىرىغا ئىلھام ۋە مەدەت بېرىپ ئۇيغۇر يېزىقى ئۈچۈن بىر ئاز بولسىمۇ ھەسسىمىزنى قوشايلى!

ھەي ئامال يوق بۇنداق خەقلەرگە ،تېما ،ئەپلەر  ئىجازەتسىز باشقا توربەتكە ئېلان قىلىش بارغانسىرى ئېغىر لىشىپ كېتىپ بارىدۇ .

ئەمما ئەڭ بولمىغاندا ئەپ تەرجىمە قىلغۇچى ۋە ئالىپ تورىنى ئەسكەرتىپ قويۇشى كېرەك ئىدىغۇ.(باشقا توربەتكە يوللاشقا ئالىپ ئەپەندى قانداق پىكىردە بۇنىسى ماڭا نامەلۇم)

===========================================================
مىنىڭچە ئالىپكاممۇ سىز بىلەن ئوخشاش پىكىردە.

شۇنداقتىمۇ باشقىلارنىڭ ئەمگىكىگە ھۆرمەت قىلىشى كىرەك دە.来自: Android客户端

راست زادى قوللايمەن  ئەمىليەتتە بۇمۇ بىر كىشىنىڭ  ھەققىگە خىيانەت قىلىش قىلمىشى  .ئاللاھ ۋە ئاخىرەتكۈنىدىن  پەقەت ئاللاھنىڭ تەقۋادار بەندىلىرى  قورقىدۇ

پۇلغا ساتمىغاندىكىن بولدىغۇ来自: Android客户端

شۇڭا مەن تەرجىمە قىلغان ئەپلىرىمنى مۇنبەرگە يوللىمايمەن. ئەتراپىمدىكى دوس بۇرادەرلىرىم ۋە يانفۇن كەسپى بىلەن شۇغۇللىندىغان كىشلەرگىلا تەمىنلەپ بىرىمەن. چۈنكى ئۇلار ئىشلىتىشنىلا بىلىدۇ.ئۆزنامىغا ئايلاندۇرۋالمايدۇ.
ئەمەلىيەتتە ئەپ تەرجىمە قىلىش ئۇنچىۋالا تەس ئەمەس. تىلفۇنىڭىزدا ئەپ تەھرىرلەش دىتالى ۋە سىزنىڭ بەلگىلىك دەرىجىدە خەنزۇچە سەۋىيەرىڭىز بولسىلا ئەپ تەرجىمە قىلىش ئۇنچىۋالا تەسكە چۈشمەيدۇ.来自: Android客户端

imkan يوللىغان ۋاقتى  2013-11-10 20:04
پۇلغا ساتمىغاندىكىن بولدىغۇ

پۇلغا ساتمىغان بىلەن بىر ئادەم مىڭ بىرجاپادا تەييار قىلغان نەرسىنى سوراپمۇ قويماي يوتكەپ ئەكتىپ ئوزنىڭ قىلۋالسا    بۇ قانداق بولدۇ

نۇمۇس ھەممىدىن ئەلا دىگەن گىپىڭىز سەل نىرۋامغا تەگدى
مەن خېلى جىق ئەپلەرنى تەرجىمە قىلدىم ، ئەپلەپ سەپلەپ ياساپمۇ چىقتىم.
ئۇ ئەپلەرمۇ خېلى كۆپ مۇنبەردە تارقىلىپتۇ. كۆپرەك قېرىندىشىمىز پايدىلانسۇن دەپ باشقا تورلارغا يوللىنىپتۇ.
باشقىلار ئەمەس ئۆز قېرىنداشلىرىمىز زۇۋانداشلىرىمىز پايدىلىنىۋېتىپتۇ.
مەن بۇنىڭدىن خۇشال ئۇلارمۇ ئۇيغۇر مەنمۇ ئۇيغۇر شۇ ئارقىلىق مەنپەئەتلىنىۋاتقانلارمۇ سىز ۋە ماڭا ئوخشاش ئۇيغۇر.
لېكىن مەن سىزدەك ئويلىمايمەن بۇنى نۇمۇسقا چېتىۋالمايمەن.
سىز ئارتۇقچە ئويلاپ كىتىپسىز تىيمىڭىزنى باشقىلار كۈچۈرۈشىنى ياقتۇرمىسىڭىز بەزى گەپلىرىڭىزنى ئازراق سىلىقلاشتۇرۇپ تىيما يازسىڭىزمۇ بولاتتى.(ئۇلارمۇ مەنبەسىنى ئەسكەرتىپ كۈچۈرگەن بولسا بەلكىم ياخشىراق بۇلار ئىدى)
ئىشقىلىپ سىز سەل پەل گەپنى قۇپال قىلىپ قويۇپسىز ئۇلار ئۆز قېرىندىشىڭىز ئىدى.
نۇرغۇن ئادەم كۈرىدىغان تىيمىدا قاراپ تۇرۇپ باشقا تور بەتلەرنى ئىسمىنى گاڭگو قىلىپ نۇمۇسسىز قاتارغا چىقارسىڭىز بولامدۇ؟
ھەممىمىز بىرە ئىككى تال دىتالىمىزغا چىدىغان بولساق مۇكەممەل ئەپ.بازىرى چىققان بولاتتى بەيدۇ ۋەندۇجىيا دەك تەرەققى قىلاتتى ئەپسۇس تولىمۇ ئەپسۇس.
سىزدەك ئويلايدىغانلاردىن نەچچىسى بادۇ'

ئاخىرىدا سىزدىن سۇراپ باقاي.
سىز ئەپنى نىمە ئۈچۈن تەرجىمە قىلىسىز؟

بىزنىڭ ھالىمىز مۇشۇ تۇرسا قاچانمۇ پۇرچاق، بەيدۇ، 91 قاتارلىقلاردەك ئەپ بازىرىمىز بۇلار؟؟؟
زادى قاچان؟؟؟؟؟؟

بۇ تىمىنى نىمە دەيمىز ئەمدى？توغرا گەپنى قىلغاندا سىزمۇ ئەپ ئاچقان ئادەم ياكى ئورۇندىن رۇخسەت ئىلىپ تەرجىمە قىلمىدىڭىز ھەقاچان،سىزمۇ ئۆز شەخسى قىزىقىشىڭىز بىلەن تەرجىمە قىلدىڭىز،ھەم ھەقسىز تارقاتتىڭىز،باشقىلار تارقاتسىمۇ سىز بەك ئويلىشىپ كەتسىڭىز بولمايدۇ

ۋاي شۇناھايتى دودىجوئويۇنىكەنغۇ.سىزتەرجىمەقىلغان قىماۋازنىڭ قارتىنى كۆپرەك ئادەم ئوينىساسىزگىمۇپايدىسى تىگىدۇئەمەسمۇ

سۇبات786 يوللىغان ۋاقتى  2013-11-10 20:23
نۇمۇس ھەممىدىن ئەلا دىگەن گىپىڭىز سەل نىرۋامغا تەگدى
م ...

سىزنىڭ گېپىڭىز توغرا قېرىندىشىم ئۇيغۇرچە ئەپلەرنى يا بەسەيلەر ئشلىتىۋالمىسا ئىشلەتكەنلەر ئۈزىمىزنىڭ قېرىندىشىغۇ ؟ئەلۋەتتە مەنبەسىنى ئەسكەرتكەن بوسا ياخشىتى .ئونداق قىلىشىپ كەتمەيلى قېرىنداشلار بىز مۇشۇنداق بىر بىرىمىزگە چىداشماي يۈرىۋەرسەك مەڭگۈ تەرەققى قىلالمايمىز .تىما ئىگىسىگە دەيدىغىنىم سىزمۇ تەرجىمە قىلغا ن ئەپنى ياسىغان ئاپتۇردىن سوراپ تەرجىمە قىلغانما؟نۇمۇس ھەممىدىن ئەلا دىگەن گېپىڭىز ئۈزىڭىزگە يېنىپ قالماسما.ئەپ ياسىماق تەسمۇ ياكى تەرجىمە قىلماق تەسمۇ؟قېرىنداشلار كۆڭلى كۆكسىمىزنى كەڭ تۇتايلى

altun يوللىغان ۋاقتى  2013-11-10 20:50
ئاللا ئاللا مەن ھازىر دىمەكچى بولغان گەپلەرنى دەپسىز  ...

بۇ توردىشىمىزنىڭ تىيمىسىنى باشقا يەرگە كۆچۈرۈپ پايدىلىنىشىنى ياقتۇرماسلىقىنى توغرا چۈشەندىم، ھەر كاللىدا ھەر خىيال بۇ نۇرمال ئەھۋال.
لېكىن باشقىلارنى تىلغا ئېلىپ ئاشكارا ئەيىپلەپ يۈز ئابرويىنى تۆكۈشىنى زادىلا ياقتۇرمىدىم. ھېچقانچە قىلىپمۇ توغرىسىنى چۈشىنەلمىدىم.
خالىمىغان بولسا ئاۋال شۇلارغا دىيىشى كېرەك ئۇلار ئۇنىمىسا ئاندىن بۇندا قىلىشنى ئويلاشقان بولسىمۇ بۇنى توغرا چۈشەنگىلى بولاتتى.


باشقىلارنىڭ يۈز ئابرويىنى ھەقسىز تۆكۈش ئۇنى ئۆلتۈرگەنگە باراۋەر.
ــــــــــــ پەيغەمبەر ئەلەيھىسالام

دىققەت  قىلىڭلا  كۆچۈرمىكەشلە来自: Android客户端

كۆچۈرمىكەشلىك قىلسا سىلەرچە توغرا بولىدىكەن-دە.
ھەممە تور بەت كۆچۈرمىكەشلىك قىلسا ئاندىن تەرەققى قىلامدۇ ياكى ئۆزىگە خاس ئۇسلۇب ياراتسا ئاندىن تەرەققىي قىلامدۇ.
تەرجىمە قىلغان ئەپنى ئىگىسىدىن سورىدىڭمۇ دېگۈچىلەرگە:
ئاندرويد ئۇچۇق كودلۇق سىستېما ئىگىسىدىن سورىسا ياخشى بولاتتى، سورىمىسىمۇ ھېچنىمە بولمايدۇ. خەنزۇچە ماتېرىياللارنى ئۇيغۇر قاتارلىق ئاز سانلىق مىللەت تىلىغا تەرجىمە قىلسا نەشىر ھوقۇقى سۈرۈشتۈرۈلمەيدۇ.
كىيۇكىيۇ قاتارلىق ئەپنى تەرجىمە قىلىپ ساتتى دېگۈچىلەرگە:
ئۇ تورداشنىڭ ساتقىنى كىيۇكىيۇنىڭ ئۆزى ئەمەس، تەرجىمە قىلغان تىل ھۆججىتى.
تېما ئىگىسىنىڭ بىر نەچچە تور بەتنىڭ ئىسمىنى تىلغا ئېلىشى توغرا بولماپتۇ، تەھرىرلەندى. دېمەكچى بولغىنى ئەسلى مەنبەسىنى ئەسكەرتىپ كۆچۈر دەپتىغۇ. مەنبەسىنى ئەسكەرتىش شۇنچە تەسما؟ ياكى كۆچۈرمىكەشلىك قىلغىندىن خىجىل بولۇپ شۇنداق قىلامدۇ؟
ئالپ تورىدىمۇ بەزىدە تورداشلار باشقا تور بەتلەردىن مەنبەسىنى ئەسكەرتمەي كۆچۈرۈپ ئەكەلگەن تېمىلارنى باشقۇرغۇچىلار بايقىيالماي تەستىقلاپ قويىدىغان ئەھۋال بولغان. ئەسلى تېما ئىگىسى كۆچۈرۈپتۇ دەپ ئىنكاس قىلغاندىن كېيىن شۇ ھامان ئۆچۈرۈلگەن.
خۇلاسە كالام، كۆچۈرمىكەشلىك نومۇس.