|
|
ئەگەر سىز ئاندىرويىد سىستېمىسى قاچىلانغان يانفون ياكى پەد ئارقىلىق مەلۇم بىر سىمسىز تورغا تېزىملىتىپ كىرسىڭىز، ئۇ ھالدا گۇگېل شىركىتى سىز ئىشلەتكەن بۇ مەخپىي نۇمۇرنى شۇ ھامانلا بىلەلىشى مۇمكىن. ھازىر ئاندىرويىد سىستېمىسى دۇنيا مىقياسىدا كەڭ كۆلەمدە تارقالدى، بۇ نۇقتىدىن ئىلىپ ئېيتقاندا، گۇگېل شىركىتىنىڭ قولىدا يەرشارىدىكى مۇتلەق كۆپ قىسىم سىمسىز تور نۇقتىلىرىنىڭ مەخپىي نۇمۇرى بولۇشى مۇمكىن.
يىقىندا بازار تەكشۈرۈش شىركىتى IDC بىر پارچە دوكلات ئېلان قىلغان بولۇپ، ئۇنىڭدا بۇ يىل 2-پەسىل ئىچىدىكى ئاندىرويىد يانفونلىرىنىڭ مال چىقىرىش مىقدارىنىڭ 187 مىليون دانىگە يەتكەنلىكى ئوتتۇرىغا قويۇلغان. ئۇنداقتا، ھىسابلاپ كۆرسەك، بىر يىل ئىچىدىكى ئاندىرويىد يانفونلرىنىڭ مال چىقىرىش مىقدارى 748 مىليون ئەتراپىدا بولىدىغانلىقىنى بىلگىلى بولىدۇ. ئەلۋەتتە بۇ ساننىڭ ئىچىدە ئاندىرويىد سىستېمىسى قاچىلانغان پەدلەر يوق.
ئاندىرويىد يانفونى ۋە پەد ئىشلەتكۈچىلەرنىڭ كۆپ قىسمى ئۆزى ئىشلەتكەن سىمسىز تورنىڭ مەخپىي نۇمۇرىنى گۇگېلغا ئۇقۇشماي ئەۋەتىپ بىرىشى مۇمكىن. گەرچە گۇگېل تەرەپ بۇ ئىشنى ھەرگىز ئوچۇق-ئاشكارا تىلغا ئالمىسىمۇ، بىراق، ئەمەلىيەتتە ئۇ بۇ خىل مەخپىي نۇمۇرغا ناھايىتى ئاسانلا ئېرىشەلەيدۇ.( C H. Q$ e7 |. m8 S) d$ N2 [
ئاندىرويىد 2.2 سىستېمىسى ئوتتۇرىغا چىقىرىلغاندىن بۇيان، ئاندىرويىد سىستېمىسى ئاپتوماتىك ھالدا سىمسىز تور مەخپىي نۇمۇرىنى گۇگېل شىركىتىنىڭ باش مۇلازىمېتىرىغا يوللاپ بىرىدىغان قىلىپ تەڭشەلگەن. كۆپلىگەن كىشىلەر يانفون ئىشلەتكەندە، ئىقتىدارى رايۇنىدىكى تەڭشەكلەرنى ئاساسەن ئۆزگەرتىپ كەتمەيدۇ. ئامېرىكا بىخەتەرلىك مۇتەخەسىسى Michael Horowitz دىگەن كىشى ComputerWorld ناملىق بىر IT تور بېكىتىدە ماقالە ئېلان قىلىپ،ئۆزىنىڭ ئاندىرويىد ئىشلەتكۈچىلىرىنىڭ ئەزەلدىن سىمسىز تور مەخپىي نۇمۇرىنىڭ گۇگېلغا يوللىنىپ كېتىشىنى ئۆزگەرتىدىغان ئىقتىدارنى كۆرۈپ باقمىغان دەپ ئويلايدىغانلىقىنى ئوتتۇرىغا قويغان. ئەلۋەتتە، يانفوندىكى كۆپ قىسىم ئىقتىدارلارنى خالىغانچە تەڭشىۋىلىشقا بولىدۇ، بىراق، ئەگەر بىراۋ تەڭشەش رايۇنىدىن بۇ خىل ئىقتىدارنى بايقاپ قالدىمۇ دەيلى، ئۇنىڭ بۇ ئىقتىدارنىڭ ئۆزىنىڭ مەخپىيەتلىكىنى ئاشكارىلاپ قويىدىغانلىقى ئويلاپ يېتەلىشى ناتايىن.
مەنبە：www.uyphone.com |
|
دېۋان تالىشىش
