|
1-قارارلىق Android ئەمەلىي ئىقتىدار كۇرسى مۇۋەپپەقىيەتلىك ئاياغلاشتى
7-ئاينىڭ 15-كۈنى باشلانغان 1-قارارلىق Android ئەمەلىي ئىقتىدار كۇرسى 8-ئاينىڭ 1-كۈنى 120 سائەت دەرسنى تولۇق تاماملاپ غەلىبىلىك ئاياغلاشتى. كورلا، ئاقسۇ، قىزىلسۇ، قەشقەردىن قاتارلىق جايلاردىن يىغىلغان، ئوخشاش بولمىغان سەۋىيىدىكى كۇرسانتلار دەرس مەزمۇنىغا بىرلەشتۈرۈپ، ئۆز-ئارا پىكىر ۋە تەجرىبە ئالماشتۇرۇپ رازىمەنلىك تۇيغۇسى بىلەن قايتىشتى. بەزى كۇرسانتلارنىڭ خەنزۇچە سەۋىيىسىنىڭ يۇقىرى ئەمەسلىكى ئۇلارنىڭ ئۆگىنىشىگە توسقۇنلۇق قىلالمىدى، بەزى كۇرسانتلارنىڭ تەجرىبىسىنىڭ كەملىكى، قالغان تەجرىبىلىك كۇرسانتلار تەرىپىدىن تولۇقلاندى.
بۇ قېتىمقى كۇرستا Samsung, Sony, HTC, HuaWei, Lenovo, Coolpad, ZTE قاتارلىق جۇڭگو ۋە چەتئەلنىڭ داڭلىق ماركىلىق يانفونلىرىغا، شۇنداقلا جۇڭگودا ئىشلەنگەن ئارىلاشما ماركىلىق، ياكى ماركىسىز يانفونلارغا سىستېما يېزىپ ئەمەلىي مىساللار ئارقىلىق سۆزلەندى ۋە ھەربىر كۇرسانت قول سېلىپ مەشىق قىلدى. بۇنىڭدىن باشقا كومپيۇتېرغا سىستېما قاچىلاش، كومپيۇتېر سىستېمىسى ۋە كومپيۇتېر بىخەتەرلىكى قاتارلىق مەزمۇنلارمۇ قوشۇپ سۆزلەندى. ئەپ تەرجىمە قىلىش، ئەپ بېزەش، رۇم ئۇيغۇرچىلاشتۇرۇش قاتارلىق مەزمۇنلار سەل قىيىن تۇيۇلغان بولسىمۇ يەنىلا يۇقىرى دەرىجىدە قىزىقىپ تۇرۇپ ئۆگەندى.
ئىگىلىك تىكلەش، خۇسۇسىي ئىگىلىكنى تەرەققىي قىلدۇرۇش، كارخانا قۇرۇش ۋە باشقۇرۇش قاتارلىقلارنى مەزمۇن قىلغان، ئەمەلىيەتكە تويۇنغان لېكسىيە ئۇلارنىڭ كەلگۈسىگە بولغان ئىشەنچىنى ئاشۇرۇپ، ئۆز كەسپىگە، كەلگۈسىگە ئۈمىد بىلەن قارايدىغان ھالەتنى شەكىللەندۈردى.
تۇنجى قارارلىق Android ئەمەلىي ئىقتىدار سىنىپى كۇرسانتلىرى
ئومۇمەن ئالغاندا شىنجاڭ رايونىدا تۇنجى قېتىم ئېچىلغان Android ئەمەلىي ئىقتىدار كۇرسى، دەرس پروگراممىسىدىكى بارلىق مەزمۇنلارنى تولۇق تۈگىتىپ، كۇرسانتلارنىڭ رازىمەنلىكى بىلەن غەلىبىلىك ئاياغلاشتى. شۇنداقلا بۇ قېتىمقى كۇرس ئارقىلىق نۇرغۇن يېتەرسىزلىكلەرنى تولۇقلاپ، كۇرسانتلارنىڭ قىمەمتلىق تەكلىپ-پىكىرلىرىنى قوبۇل قىلىپ كېيىنكى قېتىملىق كۇرسنىڭ تېخىمۇ مۇكەممەل بولۇشى ئۈچۈن مۇھىت ھازىرلىدى. | 
دېۋان تالىشىش
