سامسۇڭنىڭ تېلېفون قىلغىلى بولىدىغان ئاپپاراتى

tajalli · ۋاقتى: 2013-6-14 11:28:33

سامسۇڭ شىركىتىنىڭ يېقىنقى بىر قانچە يىلدىن بۇيانقى ئادىتى بولسا ئۆزىنىڭ يېڭى بازارغا سېلىنغان بايراقدار مەھسۇلاتلىرىنىڭ ئاساسىدا تېخىمۇ كۆپ خىل تىپلىق مەھسۇلاتلارنى ئىشلەپچىقىرىش بولغان بولۇپ، دەل مۇشۇ ئادىتىنىڭ تۈرتكىسىدە، سامسۇڭ شىركىتىنىڭ ئەڭ يېڭى بايراقدار يانفونى-Galaxy S4 نىڭ ئۈچتىن مۇداپىئەلىنىش نۇسخىلىق، mini نۇسخىلىق ھەم رەسىمگە تارتىش ئىقتىدارى كۈچەيتىلگەن نۇسخىلىقتىن ئىبارەت نۇرغۇنلىغان تىپلىرىمۇ بارلىققا كەلگەنىدى.
سامسۇڭ شىركىتى بۈگۈن Galaxy S4 يانفونىنىڭ ئەڭ يېڭى بىر ئەزاسى- Galaxy S4 Zoom نى ئېلان قىلغان بولۇپ، بىز بۇ مەھسۇلاتىنى ئەمەلىيەتتە Galaxy S4 يانفونىنىڭ رەسىمگە تارتىش ئىقتىدارى كۈچەيتىلگەن بىر خىل نۇسخىسى دەپ قارىساقمۇ بولىدۇ.
Galaxy S4 Zoom نىڭ سەپلەنمىسى جەھەتتە، ئۇنىڭغا 4.3 دىيۇملۇق چەكمە كونتروللۇق ئېكران ئىشلىتىلگەن بولۇپ، يانفون ئېكرانىنىڭ سېزىمچانلىق دەرىجىسى 960×540 غا يەتكۈزۈلگەن. ئۇنىڭغا يەنە 1.5GHz لىق قوش يادروكلۇق بىر تەرەپ قىلغۇچ سەپلەنگەن بولۇپ، ئۇنىڭغا يەنە 1.5GB لىق ئىچكى سىغىم ساقلىغۇچ ھەم 8GB لىق سىغىم ساقلاش بوشلۇقى سەپلىنىلگەن. تور جەھەتتە بۇ ئۈسكۈنە HSPA+ تورى ھەم LTE تورىنى قوللىيالايدىغان بولۇپ، ئۇنىڭغا Android 4.2 مەشغۇلات سېستىمىسى ئىشلىتىلگەن.
Galaxy S4 Zoom غا يەنە 19 مىليون پېكسىللىق كامىرا سەپلىنىلگەن بولۇپ سامسۇڭ شىركىتى تەرەپ ھازىرچە بۇ ئۈسكۈنىنىڭ سېتىلىش باھاسىنى تېخى ئاشكارىلىمىغان بولۇپ، لېكىن بۇ مەھسۇلات بۇ يىل يازدا رەسمىي بازارغا سېلىنىدىكەن.