Google Nexus One يانفۇنى بارلارغا مۇراجەت!

eqawandaz

ئەسسالامۇ ئەلەيكۇم ئالىپ تورىدىكى يانفۇن ھەۋەسكارلىرى!كەمىنە بىر ئاندرويىد ھەۋەسكارى بولۇش سۈپىتىم بىلەن ئاندرويىدقا مۇناسېۋەتلىك خەۋەرلەرگە ئىزچىل دىققەت قىلىپ كەلدىم.بۇ يەردە ئالدى بىلەن ئاندرويىد تەتقىقاتى ئۈچۈن ئۇزاقتىن بۇيان ئەجىر سىڭدۈرۈپ،تەتقىقات ئىلىپ بىرىپ،بەلگىلىك نەتىجىلەرنى يارىتىپ،خەلقىمىزگە سۇنغان «ئۇيغۇر يۇمشاق دىتال ئىجادىيەت تورى تەجىرىباخانىسى»دىكى ئۇستازلارغا ۋە ئالىپ تورىدىكى ئۇستازلارغا تەشەككۈرۈمنى بىلدۈرىمەن!مىللىتىمىز ۋە ئانا تىلىمىز ئۈچۈن جاپا چەكتىڭىلار!
باشقىلارنىڭ قىممەتلىك ئەجىرىنىڭ نەتىجىسىنى كۆرۈپ ئولتۇرۇش،ئۇنىڭدىن ھوزۇرلىنىش ياخشى ئىش،ئەمما تەڭداشسىز ئىگىمىز بىزنىمۇ باشقىلارغا ئوخشاش ياراتقان،شۇڭا بىز ھوزورلىنىشنىلا بىلىپ،ئەجىر قىلمىساق بولمايدۇ ئەلۋەتتە،شۇ سەۋەب مەن ئاندرويىدقا قىزىقىش بىلەن بىرگە ئۇنىڭغا پىروگىرامما تۈزۈشنى ئۈگىنىشنىمۇ نىشان قىلىپ،بۇ جەھەتتە دەسلەپكى قەدەمدە چۈشەنچىلەرگە ئىگە بولۇپ،ئاددىي پىروگىراممىلارنى تۈزۈپ كۆرۈپ باقتىم.بۇلارنىڭ ھەممىسى ئۆزۈم ماتىرىيال كۆرۈش،توردىكى سىن دەرىسلەرنى كۆرۈش ئارقىلىق ئۈگىنىپ كىتىپ بارىمەن...
مەقسەتنىڭ ئۆزىگە كەلسەم،مەن ئىشلىتىۋاتقان ئاندرويىدقا پىروگىرامما تۈزۈش قوراللىرى ھەرجەھەتتىن مۇككەممەل بولسىمۇ،ئەمما بىرلا كەمچىلىكى بىزنىڭ ئانا تىلىمىزنى يادروسىدىن قوللىمايدۇ،پىروگىرامما كۆرۈنمە يۈزىنى ھەر دىسلا باشقىلارنىڭ تىلدا تۈزۈش ئادەمنىڭ قىزقىشىنى سۇسلاشتۇرۇپ قويىدىكەن،خۇددىي ناخشىنى باشقىلارنىڭ تىلىدا ئىيىتقاندەك.گەرچە «ئۇيغۇر يۇمشاق دىتال ئىجادىيەت تورى تەجىرىباخانىسى»دىكى ئۇستازلار كۆپ ئەجىر قىلىپ ئۇيغۇرچىنى نۇرمال قوللايدىغان ئاندرويىد سىستىما ھۆججىتى(روم)نى ۋۇجۇدقا كەلتۈرۈپ،ھەقسىز تارقاتقان بولسىمۇ،بۇ سىستىما ھۆججىتى پەقەت بىرلا تىپتىكى يانفۇنغا نۇرمال قاچىلىنىدىغان بولغاچقا،ماڭا ئوخشاش نۇرغۇنلىغان قىرىنداشلىرىمىزدا بۇ خىل يانفۇن بولماسلىقى تۈپەيلى،بىز يەنىلا ئانا تىلىمىزنىڭ ھوزورىنى سۈرۈشنىڭ سىرتىدا قالدۇق،ئۇنىڭ ئۈستىگە تىخى گۇگىل تەرەپ بىزنىڭ ئانا تىلىمىزنى قوللاشنى ئىشقا ئاشۇرمىغاچقا،پىروگىرامما تۈزۈش قورالىمۇ تەبئىيكى ئۇيغۇرچىنى قوللىمايتى.يانفۇن بولماسلىق ئىقتسادىي جەھەتتىكى مەسىلە،ئاندرويىد SDKسىنىڭ قوللىماسلىقىنى تېخنىكا ئارقىلىق ئىشقا ئاشۇرغىلى بولماسمۇ دىگەن ئوي بىلەن مۇنداق بىر تەجىرىبە ئىشلەپ باقتىم،يەنى ئۆزۈم ئىشلىتىۋاتقان خواۋىي U8150تىپلىق يانفۇننىڭ سىستىمىسىنى RECOVERY قىلىش(بۇ بىرخىل سىستىما زاپاسلاش ئۇسۇلى) ئارقىلىق زاپاسلىدىم.بۇنىڭدا يانفۇننىڭ سىستىما ھۆججىتى SDكارتىغا SYSTEM.IMGشەكىلىدە(ئەسلىدە بىر قانچە ھۆججەت بولۇپ چىقىدۇ،بۇنىڭ ئىچىدە مەن پەقەت سىستىما ھۆججىتىنىلا دىمەكچى) زاپاسلىنىپ چىقىدىكەن،ئاندىن مەن بۇ زاپاسلىغان سىستىما ھۆججىتىنى كومپىيۇتىرىمدىكى ئاندرويىد SDKسىنىڭ سىستىما ھۆججىتىگە ئالماشتۇردۇم(يەنى 2.2 بولسا،\platforms\android-8\images ئاستىغا كۆچۈرىمىز)،نەتىجىدە ئاندرويىد SDK سى يەنىلا نۇرمال ھالەتتە قوزغىلىپ چىقتى،كۆرنۈش رەسىمى تۆۋەندىكىدەك:
يۇقارقىسى دەل مىنىڭ يانفۇنىمنىڭ سىستىما ھۆججىتى.
مەن مۇشۇ ئۇسسۇل بويىچە ئۇيغۇرچە سىستىما ھۆججىتىنى ئاندرويىد SDKسىگە سۆرەپ ئەكىرگىلى بولامدىكىن دىگەن ئوي بىلەن مۇشۇ تېمىنى يېزىپ ئولتۇرۇپتىمەن،مەندە Google Nexus One يانفۇنى بولمىغاچقا بۇنى سىناشقا ئامالسىز قالدىم،ئۇنىڭ ئۈستىگە بۇ خىل يانفۇن مەندە بولمىغاچقا،بۇ يانفۇنغا مۇناسېۋەتلىك بىلىملەردىن خەۋەرسىزمەن،شۇڭا قولىدا مەزكۈر يانفۇن بار بولۇپ،ئۇيغۇرچە رومنى قاچىلاپ باققانلار بولسا،يۇقارقى ئۇسۇلدا سىستىمىنى زاپاسلاپ،ئاندرويىد SDKسىدە سىناپ باقسا ياكى SYSTEM.IMG ھۆججىتىنى ماڭا ئىۋەرتىپ بەرسە دىگەن ئۈمىدتىمەن.ئەگەر «ئۇيغۇر يۇمشاق دىتال ئىجادىيەت تورى تەجىرىباخانىسى»دىكىلەرنىڭ باشقىچە ھەل قىلىش ئۇسۇلى بولسا تىخىمۇ ياخشى بولاتتى.
بۇنىڭ بىلەن ئاندرويىدقا پىروگىرامما تۈزگىچىلەرنىڭ ھازىردىن باشلاپ ئۇيغۇرچە كۆرۈنمە يۈزى بار،ئانا تىلىدىكى پىروگىراممىلارنى تۈزۈشىگە شارائىت يارىتىلغان ،تىخىمۇ كۆپلىگەنلىرىمىز يانفۇن ئالماي تۇرۇپمۇ ئانا تىلدىكى سىستىمىنىڭ ھوزورىنى سۈرگەن بولاتتى.قالغان ئۈمىدنى تورداشلارغا باغلىدىم.
ھۆرمەت بىلەن:ئېلېكتىر چەۋەنداز
يوللاش مەنزىلى:eqawandaz@gmail.com

alip

Google Nexus One ئەمەس، htc hd2 بولسىمۇ بولامدۇ؟

eqawandaz

ئالىپكا،ناۋادا سىزنىڭ تىلفۇنىڭىزدىكى سىستىما ئۇيغۇرچىنى يادروسىدىن نۇرمال قوللايدىغان بولسا بولىۋىرىدۇ،قالغىنىنى سىناپ باقسام بىلىمەن.ئالدىن سىزگە رەھمىتىمنى بىلدۈرگەچ تۇراي،رەھمەت سىزگە!

OQKON

دۇسلار رەسىمدىكى دىتالنىڭ چۈشۈرۈش ئادىرسىنى تەمىلگەن بۇلساڭلار بەك ياخشى بۇلاتتى .
چ چ:408556536