كىندىل

مەن ئالدىنقى قېتىم ئۆزۈمنىڭ ئالغان كىندىلىمنىڭ كەلگەنلىكى توغرۇلۇق تەسىرات تېمىسى يازغان. ئەمدى ھازىردىن باشلاپ كىندىلنى كۆپچىلىككە رەسمىي تونۇشتۇرماقچى ۋە تەشۋىق قىلماقچى. مەقسىتىم،ئۇيغۇرغا 100 كىندىل ئالغۇزۇش، كىندىل ئېلىپ كىتاب كۆرۈش، پەد ئېلىپ ئويۇن ئوينىغاندىن مىڭ ھەسسە ئەھمىيەتلىك ۋە پايدىلىق، ئۇيغۇرنىڭ ساپاسىنىڭ يۇقىرى كۆتۈرۈلىشىگىمۇ پايدىلىق.  شۇڭا دوستلارغا قاتتىق تەۋسىيە قىلىمەن!

___________________________________________

ئامازون كىندىل (Amazon Kindle) بولسا ئامازون شىركىتى ئىشلەپ چىقارغان بىر يۈرۈش ئېىكتىرونلۇق ئوقۇغۇچ بولۇپ، بىرىنچى ئەۋلاد كىندىل 2007 - يىلى يىل ئاخىرىدا ئېلان قىلىنغان. ئىشلەتكۈچىلەر سىمسىز تور ئارقىلىق كىندىلدا ئېلكىتاب، گېزىت، ژۇرناللارنى سېتىۋېلىپ، چۈشۈرۈپ كۆرەلەيدۇ. كىندىل سېستىمىسى ئامازون قارمىقىدىكى Lab126 تەرىپىدىن ئېچىلغان بولۇپ، ئەڭ دەسلەپكى بىرلا ئوقۇغۇچتىن، ھازىر تەرەققىي قىلىپ بىر يۈرۈش ئوقۇغۇچ بار بولدى. بۇ ئوقۇغۇچلارنىڭ كۆپىنچىسى ئېلىكتىرونلۇق سىياھ(E Ink )   ئون ئالتە كۈلرەڭلىك دەرىجىسىلىك ئېلىكتىرانلۇق قەغەز كۆرسىتىش تېخنىكىسى ئىشلىتىلگەن بولۇپ، ئەڭ ئاز سەرپىيات سەرپ قىلىپ، قەغەزگە ئەڭ يېقىن بولغان ئوقۇش تۇيغۇسى پەيدا قىلالايدۇ. ھازىرقى ئەڭ يېڭى كىندىل ئوقۇغۇچلىرى كىندىل 5 (Kindle 5) ۋە كىندىل ئاق قەغەز (Kindle Paperwhite) بولۇپ، بۇلار  2012 - يىلى ئېلان قىلىنغان.

مەھسۇلاتلار:

كىندىل 1

2007 - يىلى 11 - ئايدا ئېلان قىلىنغان بولۇپ، ئېلان قىلىنىپ 5 سائەتتە بارلىق زاپاس مال سېتىلىپ بولغان. بۇنىڭغا تۆت دەرىجىلىك كۈلرەڭلىك دەرىجىسى ئىشلىتىلگەن بولۇپ، ھازىر ئىشلەپ چىقىرىشتىن توختىتىلدى.

كىندىل 2

كىندىل 2 بولسا 2009 - يىلى 2 - ئايدا ئېلان قىلىنغان بولۇپ، 16 دەرجىلىك كۈلرەڭلىك دەرىجىسى ئىشلىتىلگەن.  باھاسى 299 دوللار بولغان بولۇپ، ھازىر ئىشلەپ چىقىرىلمايدۇ.

كىندىل 3  (Kindle Keyboard )

ئالتە سۇڭلۇق ئېلىكتىرونلۇق سىياھ ئېكران، كۇنۇپكا قېتىلغان بۇ مەھسۇلات كىندىل تۈرىدىكى مەھسۇلاتلار ئىچىدە بىر قەدەر كىلاسسىك بىر مەھسۇلات بولۇپ، ئاق قارا ئىككى خىل رەڭلىكى بار، ئادەتتىكى نەشرىنىڭ باھاسى 139 دوللار.

كىندىل 4

ئالتە سۇڭلۇق ئېلىكتىرونلۇق سىياھ ئېكران، سېزىمچان ئېكران ئەمەس بولۇپ، باھاسى 79 دوللار

كىندىل سەزمە (Kindle Touch)

ئالتە سۇڭلۇق ئېلىكتىرونلۇق سىياھ ئېكران، ئېكران سەزمە ئىقتىدارلىق بولۇپ، ئادەتتىكى نەشرى 99 دوللار.

كىندىل 5

كىندىل 5 يەنە كىندىل قارا (Kindle Black) دېيىلىدىغان بولۇپ، ئالتە سۇڭلۇق ئېلىكتىرونلۇق سىياھ ئېكران،  سەزمە ئەمەس، باھاسى 69 دوللار.

كىندىل ئاق قەغەز (Kindle Paperwhite)

ئالتە سۇڭلۇق ئېلىكتىرونلۇق سىياھ ئېكران،  يورۇيدۇ، سەزمە ئېكران، بۇ كىندىل تۈرىدىكى ئوقۇغۇچلارنىڭ تۇنجى يورۇيدىغان ئېكران سەپلىگەن ئوقۇغۇچ بولۇپ، كېچىدە ۋە كۈن نۇرى ئاجىز جايلاردا ئىشلىتىشكە ماس كېلىدۇ، پېقىر مۇشۇنى ئىشلىتىدۇ ھەمدە مۇشۇنى تەۋسىيە قىلىدۇ. : )

باشقا سۇئاللار بولسا توردىن ئىزدىسەڭلار ياكى مەندىن سورىساڭلار بولىدۇ، مەنمۇ كىندىلغا يېڭىياچە، ئەمما سۇئاللارغا چوقۇم كۈچۈمنىڭ بارىچە جاۋاب بېرىمەن. كىندىل ئالماقچى بولغانلار مېنى ئىزدەڭلار، ياكى مۇشۇ تېمىنى كۆرۈپ كىندىل ئالغانلار ماۋۇ يەرگە يېزىپ قويۇڭلار، مېنىڭ 100 ئۇيغۇرغا 100 كىندىل ئېلىشىغا تۈرتكە بولۇش ئىشىمنىڭ سىتاستېكىسىغا پايدىلىق، رەھمەت!

PDF كىتابلارنى كۆرگىلى بۇلامدۇ؟                    يۆتكىلىشچان  sd card سەپلىگىلى بۇلامدۇ؟... ئەگەر مۇشۇ خىل ئىختىدارى بولسا...ھەربىر ئادەم بىرنى ئېلىپ ئىشلىتىشكە ئەرزىيدۇ!

tozimas يوللىغان ۋاقتى  2013-6-5 12:11
PDF كىتابلارنى كۆرگىلى بۇلامدۇ؟                    يۆتكىلىشچان   ...

پ د ف كىتابلارنى كۆرۈشكە بولىدۇ. يېڭى چىققانلىرىغا س د كارتا سەپلىگىلى بولمايدۇ. ئەمما ئۆزىنىڭ سىغىمىغا بىرەر ئاي توختىماي كۆرسىمۇ تۈگىمىگىدەك كىتاب پاتىدۇ

Dreamcatcher يوللىغان ۋاقتى  2013-6-5 12:27
پ د ف كىتابلارنى كۆرۈشكە بولىدۇ. يېڭى چىققانلىرىغا س د ...

س د كارتا سالغىلى بۇلدىغىنى بولسا بۇلاتتى

نەچچە پۇلكەن ؟

anwarjan07 يوللىغان ۋاقتى  2013-6-5 12:48
نەچچە پۇلكەن ؟

كىندىل 5   550 ئەتراپىدا، ئاق قەغەز 710 ئەتراپىدا

tozimas يوللىغان ۋاقتى  2013-6-5 12:34
س د كارتا سالغىلى بۇلدىغىنى بولسا بۇلاتتى

بۇرۇنقى ئەۋلاد كىندىللارغا سالغىلى بولىدىغۇ دەيمەن. ئەمما يېڭى ئەۋلادتا يەرلىك بوشلۇق ۋە بۇلۇت بوشلۇق ئىككى ساقلاش بوشلۇقى بار، ئەگەر سىز ئاشۇنداق چوڭ سىغىمغا ھەقىقەتەن ئېھتىياجلىق بولسىڭىز، مېنىڭچە بۇلۇت بوشلۇقتىن پايدىلانسىڭىزمۇ بولىدۇ.

بۇمۇ بىر خىل تاللاش ئىكەن،مەيلى كومپىيۇتېر،ئەقلى يانفۇن،تۈز ئېكرانلىق كومپىيۇتېر بولسۇن ياكى بۇ Kindle بولسۇن ئويۇن ۋە سۆلەت ئۈچۈن ئەمەس بەلكى ئاز_تولا بىلىم ئىگىلەش بىرەر پايدىلىق ئىش ئۈچۈن ئىشلەتسەك بۇ ئۈسكۈنىلەنىڭ ئەھمىيىتى تېخىمۇ چوڭ بوللاتتى.

توكى قانچىلىك يىتىدىكەن؟
来自：ئالپ ئۇيغۇر ئۇچۇر تېخنىكا تورى Windows Phone 8 客户端来自: WindowsPhone客户端

باللا يانفۇن ياكى كومپىيۇتېردا ئوقۇساقمۇ بولىدىغۇ ئاتايەن بۇنى ئايرىم ئالمىساقمۇ ياكى چوڭ پەرقى بامۇ يە مەن تازا چۈشەنمىدىم بەكراق چۈشەنچە بىرىڭلا

gewala يوللىغان ۋاقتى  2013-6-5 16:06
توكى قانچىلىك يىتىدىكەن؟
来自：ئالپ ئۇيغۇر ئۇچۇر تېخنىكا ...

ئاق قەغەز نۇسخىسىنىڭ چۈشەندۈرىشىدە توكى 8 ھەپتە يېتىدۇ دەپ بار، ئادەتتىمۇ شۇنچىلىك يېتىدىغان ئوخشايدۇ

karwanqi يوللىغان ۋاقتى  2013-6-5 17:15
باللا يانفۇن ياكى كومپىيۇتېردا ئوقۇساقمۇ بولىدىغۇ ئات ...

ئۇنداق بولسا مەن كېيىن يازىدىغان باشقا تېمىلارغا دىققىتىڭىزنى بېرىڭ.

ئەسسالامۇئەلەيكۇم ، مەنمۇ kindle paperwhite توغرىلىق ئۈزۈمنىڭ تەسىراتىنى يازماقچى ئىدىم  باشقىلارغا تەۋسىيە قىلىش مەخسىتىدە !  مىنىڭچىمۇ بۇ ئۇقۇغۇچ سېتىۋېلىشقا ھەقىقەتەن ئەرزىيدىكەن  .  بىرەر ئايدىن ئېشىپتۇ مەنمۇ ئىشلىتىۋاتقىلى .   بۇنى تاۋباۋدىن ۋاكالىتەن سېتىۋالغان ، مال ياپۇنىيىدىن 8~9كۈندە كەلدىمىكى خۇتەنگە !  ئادەتتە باشقا نەرسە سېتىۋالسىمۇ بۇنچە تىز كەلمەيتتى .  پوچتا ھەققى ھەممە چىقىم بۇلۇپ 710 كويغا ، چاپلاق ، قاپ ، توك قاچىلىغۇچنى پوچتا ھەققى بىلەن قۇشۇپ 80 نەچچە كويغا كەلدىمىكىن . بايام سۇمرۇغ تورىدىن كۆرگەندەك قىلدىم ، بۇنىڭ چۇڭ قۇرۇقلۇق نەشىرىمۇ بازارغا سېلىنغۇدەك ئەتە-ئۆگۈنلەردە 849 كويغا . بۇ ساقلىغۇچ كارتا قوللىمايدىكەن ، لىكىن  30 نەچچە كويلۇق قاپنى （ ماگىنىتلىقمىكىن ）يېپىپ قويسىڭىز پاروللىنىدىكەندە كومپيۇتېرغا چاتسىڭىزمۇ  كومپيۇتېر تۇنىمايدىكەن  ، پەقەت مەخپى نۇمۇرنى كىرگۈزگەندىن كىيىن  ئاندىن  كومپيۇتېر تۇنۇپ ئىچىدىكى نەرسىلەرنى كۆرگىلى ، تەھرىرلىگىلى بۇلىدىكەن .  يەنە ئۇيغۇرچە خەت نۇسخىسى كۈچۈرۈپ ھۆججەتلەرنىڭ ئىسمىنى ئۇيغۇرچە قىلىپ قويسىڭىز ۋە يەنە ياخشى  كىتاپلىرىڭىزنى （ ئەگەر خېتى بەك كىچىك بولسا ） 6 سۇڭلۇققا ماس كەلگۈدەك قىلىپ تەڭشەپ قويسىڭىز    تېخىمۇ راھەت كىتاپ كۆرگىلى بۇلىدىكەن  .  بىر دىتال باركەن مۇشۇنىڭغا ماس كىلىدىغان باشقا فورماتتىكى كىتاپ ھۆججىتى ياسايدىغان . ئەگەر ئۇ unicode نى قوللاپ قالسا ياسىغان كىتاپلارنىڭ خېتىنى چۇڭايتىپ  كىچىكلەتسەك  بەت لايىھەسى  ئاپتۇماتىك ئۆزگىرەيدىغان چىراي ، قىسقىسى بۇ نەرسە مەن سېتىۋېلىپ ئەڭ رازى بولغان ئۈسكۈنىلەرنىڭ بىرى . شۇڭا بۇ نەرسىنى كىتاپ ئۇقۇشنى خالايدىغانلارغا مەن ھەم كۈچلۈك تەۋسىيە قىلىمەن  ！ （ تېلفۇندا يازغان ھېرىپ كەتتىم ، تەھرىرلەپ بۇلالمىدىم ، تۈزۈتۈپ ئۇقۇساڭلا  ）

ئەسسالامۇئەلەيكۇم ، مەنمۇ kindle paperwhite توغرىلىق ئۈزۈمنىڭ تەسىراتىنى يازماقچى ئىدىم  باشقىلارغا تەۋسىيە


سالام دۇستۇم مەنمۇ خۇتەن لوپتىن ئارلىقىمىز يىراق بۇلمۇسا  سىزدىكىنى كۈرۈپ باقسام بۇلامدۇ

مەن يەنە بىر قېتىم 欣博阅G6 نى ساتقۇچىغا سىناتقۇزغان.
قىنى تۆۋەندىكى رەسىمنى كۆرۈپ بىقىڭلار. سىناتقۇزغىنىم تېكىست ھۆججەت.


بۇ ئاساسىي رايۇندىكىسى، ئاستىدىكىسى كىڭەيتمە رايۇن.