5.5 دوپپا بايرىمىلىق ئۈستەل تەگلىكى

5-ئاينىڭ 5-كۈنى خەلقئارا ئۇيغۇر دوپپا مەدەنىيەت بايرىمى، بۇ كۈندە ئۈزىنى ئۇيغۇر چاغلايدىغانلار چوقۇم دوپپا كىيىشى كېرەك. بەزىلەر دوپپا بايرىمىدىن باشقا ۋاقىتتا كەيسەك بولمامدۇ؟ نېمە ئۈچۈن بۇنداق ئەخمىقانە بايرام چىققاندۇ دەپ ئويلاپ قېلىشى مۇمكىن. سىز، مەن، ئۇ، باللىرىمىز، ئۇرۇق - تۇققانلىرىمىز جۈملىدىن ئۈزىنى ئۇيغۇر چاغلايدىغانلار ئۆزىنىڭ ئۆرىپ ئادىتىگە ماس بولغان باش كىيىمىنى داۋاملىق كىيىپ، قەدىرلىگەن بولسا مەخسۇس دوپپا بايرىمى تەسىس قىلىشنىڭ ھاجىتى يوق ئىدى. ھازىر دوپپا كەيگەنلەر سانىنىڭ ئازلاپ كىتىۋاتقان بۈگۈنكى كۈندە ئۇيغۇر دوپپىسىنىڭ ئىززەت - ھۆرمىتىنى تېخىمۇ ئاشۇرۇش ئۈچۈن ھەممىمىز باش كىيىمىمىزنى قەدىرلەيلى.

بۇ رەسىمنىڭ ئېنىقلىق دەرىجىسى 1600*1200 پىكسىل. ئەگەر بىۋاسىتە چۈشۈرمەكچى بولغانلار تۆۋەندىكى ئادرىستىن چۈشۈرۈڭلار. بىكىتىمىز داۋاملىق بۇ بايراملىق رەسىملەرنى تەييارلاپ سۇنىدۇ.
http://www.alqut.com/doppa1.jpg

رەھمەت چىرايلىق چىقىپتۇ.

بىر نەرسە دەي دېسە تېخى دېمىسە تېخى،  چىرايلىق چىقىپتىكەن ئەمما يوغان قىلىپ ئېلان بېسىۋىلىشنىڭ ئورنى بارمۇ ؟ مۇشۇ ئېلاننىڭ سەۋەبىدىن بۇ رەسىمنى ئىشلىتىدىغانلارمۇ بەلكىم يوق دىيەرلىك.

رەھمەت سىزگە ياخشىكەن

چىرايلىقكەن،مۇمكىن بولسا ھەممەيلەن قولىمىزدىن كېلىشچە ھەركەتكە كېلىپ، ئۇيغۇرچە تەگلىك ياساپ ئورتاقلاشساق دەيمەن.  يەنە ماۋۇ يانفۇن قاپلىرىمۇ بەك ئۆزگىچە ئىكەن، بەك ياقتۇردۇم لېكىن مېنىڭ يانفۇنۇمغا ماس كېلىدىغىنى يوقكەن. Mahirlar.taobao.com

idikut510 يوللىغان ۋاقتى  2013-5-6 21:45
بىر نەرسە دەي دېسە تېخى دېمىسە تېخى،  چىرايلىق چىقىپتى ...

چۈشىنىشكە بولىدۇ . بۇ بىرخىل تەشۋىقات ماھىيىتىنى ئالغان رەسىم خالاس . ئەگەر مەن لاھىيەلىگەن بولساممۇ تور بېتىمنىڭ ماركىسىنى شۇنداق قۇشۇپ قويغان بولار ئىدىم ....
ئەگەر ماركىنى ياقتۇرمىغان بولسىڭىز  PS تا ماركىنى چىقىرىۋېتىپ ئىشلەتسىڭىزمۇ بولىدۇغۇ.

elqut.com بولغان بولسا  ساپ ئۇيغۇر لاتىن يېزىقىدا بولاركەن تور نامىڭىز

ئىسمىڭز ئاجايىپكىنا سىزنىڭ  يا پىنيىنچە ئەمەس يا ئۇلايدا ئەمەس قانداق ئوقۇيدۇ ئۇنى ،ئالقۇت دەمدۇق ياكى ئەلچۇت مۇ؟؟؟؟؟

چۈشۈرۈپ كومپيوتىرىمنىڭ تەگلىكى قىلىۋالدىم . رەھمەت

رەھمەت چىرايلىق چىقىپتۇ

دۇپپا پەقەت بىز ئۇيغۇرئەرلىرنىڭ باش كىيمى ئاياللارنىڭ ئەمەس قارسىغا تەتۇر تەشۋىق قىلمايلى؟مەنچە مۇسۇلمان ئادەم  خۇتنىغا ياكى سىڭلىسغا دۇپپا كىيگۇزۇشنى ھالال سانمايدۇ؟

بىكارغا بىر نەرسە بەرسە تۈكى بار ئىكەن دەيدىغانلار ھېلىھەم بار ئىكەن - ھە! ياقتۇرمىسىڭىز ئىشلەتمىسىڭىزمۇ بولىدۇ.
دەي دىسەم تېخى ... دىگەن دوستىمىزغا شۇنداق دىگىم كىلىۋاتىدۇ. بۇ دېگەن ئۇچۇر دەۋرى ، ئېلان تەشۋىقات دەۋرى. ھەممىمىز چوڭ بىلىدىغان ئابدۇكېرىم ئابلىز جېنىدا ئۈلكەرنىڭ ئېلانىغا چىقىپ نەزىرىمىزدىن چۈشتى، ئەمەلىيەتتە ئۈلكەرنىڭ مەھسۇلاتىنى يىگەنگە توپ ئادەمنىڭ پۇتىغا چاپلىشىپ قالىدىغان، يۈزىگە قۇنىۋالغان پاشىنى ئۇرۇپ قويغانغا ئادەمنى ئۇچۇرتىۋىتىدىغان ئىش يوق ئىدى. مەن ئاتايىتىن كۈچ چىقىرىپ لاھىيىلىگەن رەسىمنى باشقىلار توردىن چۈشۈرۈپ ئۈزىنىڭ ئېلانىنى بېسىپ تارقاتسا ئۇ ۋاقىتتا مىنىڭ قورسىقىم ئىسىلمەي قالامۇ؟ سىزمۇ قۇرۇق گەپ ساتقۇچە ئۆزىڭىز رەسىم لاھىيىلەپ ئېلان قوشماي تارقىتىپ بېقىڭ.
يەنە بىر قېرىندىشمىزغا:
دوپپا ئاياللارنىڭ باش كىيىمى ئەمەس دەپسىز. ئۇيغۇرلىرىمىز شۇنداقلا ئۇيغۇر ئاياللىرى دوپپا مەدەنىيىتىنى سىزچە بولغاندا تاشلىۋىتىش كېرەكمۇ؟ بىز مۇسۇلمان دەپلا مەدەنىيىەتنى، تارىخنى ئۆزگەرتىۋىتىشكە بولامدۇ؟ ئەجىبا مۇسۇلمان بولدۇق دەپلا تارىختا ئەجدادلىرىمىز ئېتىقاد قىلىپ كەلگەن بۇددا دىنى ۋە شامان دىنىنىڭ مەدەنىي يادىكارلىقلىرىنى بۇزۇپ تاشلىشىمىز كېرەكمۇ؟ سىز خۇتەن دىيارىغا بېرپ بېقىڭ. دوپپا پەقەت بىرلا خىل دوپپىنى كۆزدە تۇتمايدۇ. خۇتەندە ئاياللار رومال ئۈستىگە پىيالەچوڭلىقىدىكى دوپپىلارنى قوندۇرۇپ ئۆزىنىڭ مەدەنىيىتىنى تاكى ھازىرغا قەدەر سالاپ كەلمەكتە. شۇڭا ئىتتىپاقلىشايلى، ھۆرمەت قىلىشايلى دىگەندەك ئەڭ ئۇلۇغ گەپلەرنى ئاۋۋال ئۆزىمىزدىن باشلىشىمىز كېرەك. ئۆزىمىز شۇنداق قىلالىغاندا ئاندىن باشقىلارغا تەشۋىق قىلىش كېرەك.
يەنە بەزىلەرگە:
ئەگەر ھەممە ئادەم ئۇيغۇر مەدەنىيىتىنى ھۆرمەت قىلىپ، ھازىرغا قەدەر كىيىم كىچەك ئادىتىنى ساقلاپ قالالىغان بولسا ئاتايىتىن دوپپا بايرىمى، ئەتلەس بايرىمى، مۇقام بايرىمى دەپ بايرام ئىجات قىلىشنىڭ ھاجىتى يوق ئىدى. يوقۇلۇش ئالدىدا تۇرغان مەدەنىيىتىمىزنى ساقلاپ قېلىش ئۈچۈن ھەممىمىزنىڭ كۈچ چىقىرىۋاتقانلىقى ئېنىق.

رەخمەت