خوش-خەۋەر تۈركىيە تولۇق كۇرس بويىچە ئۇنىۋېرسىتېتقا ئوقۇغۇچى قۇ......

                 ئەسسالامۇئەلەيكۇم بارلىق مۇسۇلمان قېرىنداشلار ئاللاھنىڭ سالىمى سىلەرگە بولسۇن .


تۈركىيەدە تولۇق كۇرس بويىچە ئۇنىۋېرسىتېتتا ئوقۇماقچى بولغان بارلىق ئوقۇغۇچىلار تۆت كۆز بىلەن كۈتۈۋاتقان خۇشخەۋەر رەسمى ئېلان قىلىندى.

بۇ ئوقۇش پۇلى مۇكاپاتىغا دۇنيانىڭ ھەر قايسى جايلىرىدىكى شەرتى توشقان بارلىق ئۇيغۇرلار تىزىملاتسا بولىدۇ. تۈركىيىدىكى ئەڭ ئالدىنقى قاتاردىكى ياخشى ئۇنىۋېرسىتېتلاردا سىياسەت بىلىملىرى، خەلقئارا مۇناسىۋەت، قانۇن، ئىنژېنېرلىق، ئىسلام دىنى بىلىملىرى، يېزا ئىگىلىك، ئىقتىساد، ئۇچۇر - ئالاقە، تارىخ، جەمئىيەتسۇناسلىق، بىناكارلىق، تىلشۇناسلىق ۋە ئۇنىڭدىن باشقا نۇرغۇنلىغان كەسىپلەرگە تىزىملاتقىلى بولىدۇ. ئىلتىماس قىلىدىغان كەسىپلەر ۋە ئالىي مەكتەپلەرنىڭ تىزىملىكى، تىزىملىتىش تورىدىن تاللىغىلى بولىدىغان شەكىلدە بېرىلىدۇ. بۇ سەۋەبتىن ئوقۇغۇچىلار ئۆزلىرى ئارزۇ قىلغان كەسىپلەر ۋە ئالىي مەكتەپلەرنى خالىغان شەكىلدە تاللىيالايدۇ.

تىزىملىتىش ئىشلىرى: 5 - ئاينىڭ 6 - كۈنىدىن باشلىنىپ 6 - ئاينىڭ 6 - كۈنى ئاخىرلىشىدۇ.

چەتئەللىك ئوقۇغۇچىلارنى تۈركىيە ئەكىلىپ ئوقۇتۇش ئىشلىرىغا مەسئۇل تۈركىيە چەتئەلدىكى تۈركلەر ۋە قېرىنداش مىللەتلەر ئىدارىسىنىڭ تور بېتىدىكى ئېلانغا ئاساسلانغاندا تىزىملىتىشتىكى ئاساسلىق شەرتلەر تۆۋەندىكىلەردىن ئىبارەت ئىكەن:

1. 1992 - 1 - 1 دىن كېين تۇغۇلغان بولۇشى،

2. تولۇق ئوتتۇرا مەكتەپنى پۈتتۈرگەن بولىشى،

3. ياكى بۇ يىل ئوقۇش پۈتتۈرىدىغان بولۇشى6 - ئاينىڭ

4. كىملىك (پاسپورت بولمىسىمۇ، كىملىك بىلەن تىزىملاتقىلى بولىدۇ)

باشقا ئالاھىدە شەرت كېرەك بولسا، تىزىملاشقا باشلىغاندا. ئۇيغۇر ئوقۇغۇچى ئىشلىرى كومىتېتىنىڭ تور بېتىدە ياكى تۆۋەندىكى تور بېتىدە ئېلان قىلىپ تۇرىدۇ.

تىزىملىتىش بىۋاستە تور ئارقىلىق بولىدۇ ۋە تۆۋەندىكى توردىن تىزىملىتىسىز.

http://www.turkiyeburslari.gov.tr/index.php/en/

تىزىملاش ئۇسۇللىرى ۋە قەدەم باسقۇچىلىرى، تۆۋەندىكى توردىكى سىن فىلىمىدە كۆرسىتىلگەندەك بولىدۇ، بۇ توردىكى ئىنكاسلارنى تەپسىلى كۆرۈپ چىقىڭ. سىز سورىماقچى بولغان سۇئاللارغا ۋە تىزىملىتىش جەريانىدا يولۇققان مەسىلىلەرنى قانداق ھەل قىلىشقا جاۋاپ بولالايدۇ.

http://uyguroku.com/?p=939

سىن فىلىملىرىنىڭ بىۋاستە ئۇلىنىشى:

http://v.youku.com/v_show/id_XNTI0ODM4MDA0.html
http://www.youtube.com/watch?v=eqfz2K-QpcY&feature=youtu.be

تۈركىيىدە ماگىستىر ۋە دوكتورلۇق ئۇنۋانلىرى ئۈچۈن ئوقۇماقچى بولغانلارنى تىزىملاش خىزمىتى ئۆتكەن ئاينىڭ ئاخىرىدا ئاخىرلاشقان ئىدى. ھازىر تاللاش خىزمىتى داۋاملاشماقتا. بىز ئىگىلىگەن مەلۇماتلارغا ئاساسلانغاندا تاللانغان ئوقۇغۇچىلارنىڭ تىزىملىكى 6 - ئاينىڭ باشلىرىدا ئېلان قىلىنىدىكەن.
     كۆچۈرۈپ ئىلىندى.

ۋاھ.... نىمىدىگەن ياخشى !!!
بىراق 1990 يىلنىڭكى بولسا ئۇلارغا قېرى ھىساپلىنىدىكەن.
مىنىڭ بەكلا ئۇقۇغۇم باتتى.

ناھايىتى ياخشى خەۋەر ئىكەن! مىنىڭ ھەممە شەرتلىرىم چۈشىدىكەن، ھەم ئۆزۈممۇ تۈركچە ئۆگۈنىۋاتقىلى خېلى ۋاقىت بوپقالغان، لېكىن شۇ.........

ئوقۇش پۇلى نەچچە پۇلدۇ مېنىڭ ھەممىسگە شەرتىم  توشقۇدەك ئەقۇشمۇ ناھايتى قىزىقاتتىم

پۇرسەتنى چىڭ تۇتۇڭلار  قېرىنداشلار، مىنىڭ شەرتىم چىقىشقان بولسا كۆپراق پۇل كەتسىمۇ مەيلىتى.