Windows 7 دىن ئەپچىل چارىلەر

Windows7  گە نۇرغۇن ئەپچىل چارىلەر  مۇجەسسەملەنگەن. بۇ ئىقتىدارلارنىڭ بەزىلىرى ئىلگىرىكى Windows لاردا يوق. بەزىدە تېخى مۇشۇنداق ئىقتىدارلارنىڭ بارلىقىنىمۇ بىلمەي، ئايرىم دېتال قاچىلايدىغانلارمۇ بار.

1. تېز سۈرئەتتە ئىزدەش.
كومپىيۇتېردىن ھۆججەت ئىزدىمەكچى بولساق، باشقا يەرنى ئاختۇرۇپ يۈرمەيلا، «باشلاش» تىزىملىكىنى بېسىپ ئەڭ ئاستىدىكى خەت يازدىغان بوش ئورۇنغا ھۆججەت نامىنى يېزىپ بولغۇچە ھۆججەتنىڭ تېپىلىپ بولغانلىقىنى كۆرىمىز.




2. تېزلىكتە كۆزنەك تېپىش
بىزدە بىر قانچىلىغان تور بەت ۋە قىسقۇچلارنى ئېچىۋەتكەن بولساق، لازىملىق كۆزنەكنى بىردەم ئىزدەشكە توغرا كېلىدۇ. مۇشۇنداق ۋاقىتتا مائۇسنى ۋەزىپە سىتونىدىكى ماس ئورۇنغا ئاپارساق ئېچىلغان كۆزنەكلەرنىڭ ھەممىسى كۆرۈندۇ. مەسلەن: تۆۋەندىكى رەسىمدىكىدەك



3. تېزلىكتە ئىشلەش
بىز دائىم ئىشلىتىدىغان قىسقۇچ ياكى قوللىنىشچان دېتالنى مائۇستا سۆرەپ ۋەزىپە رامكىسىغا قويۇپ قويساق، ۋەزىپە رامكىسىغا ئاپتۇماتىك قۇرۇلدۇ. كېيىنكى قېتىم ۋەزىپە رامكىسىدىكىنى بېسىپ، خىزمىتىمىزنى تېزلىكتە باشلىۋالالايمىز.



4. بىر كۇنۇپكا بىلەن باشقا ئېكرانغا چىقىرىش
كومپىيۇتېرغا ئىككى ئېكران ياكى تەسۋىر چۈشۈرۈش ئاپپاراتى (投影仪)  چېتىلغان ئەھۋالدا، ئېكراندىكى مەزمۇنلارنى باشقا ئېكرانغا ياكى تەسۋىر چۈشۈرۈش ئاپپاراتىغا چىقارماقچى بولساق باشقا يەرنى بېسىپ يۈرمەيلا كۇنۇپكا تاختىسىدىن Win+P كۇنۇپكىسىنى باسساق باشقا ئېكرانغا يوللاش تىزىمىلىك ئېچىلدۇ. تۆۋەندىكى رەسىمدىكىدەك.



5. ھۆججەتكە تېزلىكتە كۆز يۈگۈرتۈش
Windows نىڭ ئاغىينە ھۆججەتلىرى، مەسلەن: Txt, Jpg, Word, Ecxel, PowerPoint ....  دېگەنلەرنى ئاچماي تۇرۇپلا مەزمۇننى كۆرگىلى بولىدۇ، بۇنىڭ ئۈچۈن تۆۋەندىكى رەسىمدىكى سىتىرلكا بىلەن كۆرستىلگەن يەرنى بېسىپ قويسىڭىز بولىدۇ. ئاۋۇ رەسىمدە Ecxel ھۆججىتىنى ئاچمىدىم، پەقەت ئىسمىنى چىكىپلا قويسام يېنىدا مەزمۇنى كۆرۈندى.



6. ئېكراندىن رەسىم كېسىش
بەزىدە توردا سۆزلىشۋاتقاندا ياكى دەرسلىك تۈزۈشتە ئېكراندىكى خالىغان يەرنى رەسىم ھالەتتە ساقلىۋېلىشقا، باشقىلارغا ئەۋەتىشكە توغرا كېلىدۇ. بۇنداق ئىقتىدارمۇ ۋىندوۋىس 7 نىڭ ئۆزىدە بار. باشقا دېتال قاچىلاش ھاجەتسىز.
باشلاش تىزىملىكى-بارلىق پىروگىرامما-قوشۇمچە-截图工具 نى باسسىڭىز رەسىم كېسىش قورالى قوزغىلدۇ. ياكى «ئىجرا قىلىش» قا SnippingTool دەپ يازسىڭىزمۇ بولىدۇ.




7. تېزلىكتە سېلىشتۇرۇش، تەھرىرلەش
بەزىدە ئىككى ھۆججەتنى تەڭلا ئېچىپ قويۇپ، سېلىشتۇرۇپ تەھرىرلەشكە توغرا كېلىدۇ. ھۆججەتنى ياكى كۆزنەكنى مائۇستا سۆرەپ ئېكراننىڭ ئوڭ تەرەپىگە تاقاشتۇرساق، ئېكراننىڭ ئوڭ يېرىمىغا ئېچىلدۇ. يەنە بىرسىنى ئوخشاش ئۇسۇلدا ئېكراننىڭ سول تەرىپىگە تاقاشقىچە سۆرىسەك ئېكراننىڭ سول يېرىمىغا تولىدۇ. ئېكراننىڭ ئۈستىگە تاقاشتۇرساق ئەڭ چوڭ ھالەتتە ئېچىلدۇ.

بەك قوللىنىشچان دىتالكەن

ياخشى ھۇنەركەن

ياخشى

5. ھۆججەتكە تېزلىكتە كۆز يۈگۈرتۈش  ... رەسىملەر ئېچىلمىدى ئېنىق ئادىرسىنى دەپ بېرەمسىز ؟

شۇغۇنىسى ھازىرغىچە ھىچكىم ۋىندوۋس XPنىڭ بېرىسىدە ۋورد ھۆججەتلەردە بەت ئاستى ئىزاھاتلارنىڭ سىزىقىنى ئوڭغا قىلالمىدى. شۇنىڭ بىلەن ئۇيغۇرچە ئىزاھات تېۆسىتى ئوڭدىن سولغا، ئىزاھات سىزىقى بولسا سول تەرەپتە گىزىرىپ تۇرۇۋەردى. بۇنى قانداق قىلىمىز، ئۇستاز؟ سىز دېگەن ئىشلاردىنمۇ بەكرەك بۇنىسى ھەر زامان كېرەك بولۇدۇغان ئىشتى.

Uyghurmen يوللىغان ۋاقتى  2012-8-28 10:23
شۇغۇنىسى ھازىرغىچە ھىچكىم ۋىندوۋس XPنىڭ بېرىسىدە ۋورد  ...

سىز قىلالمىسىڭىز ھېكىم قىلالمىغانلىق بولۇپ قالمايدۇ. ئاسانلا ئىشقۇ ئۇ؟
مەن ھازىر قىلىپ باقتىم، نەچچە سېكۇنتتىلا قىلغىلى بولىدىكەن.

بىرنەچچە سكونتتىلا بولۇدۇغان ئىش بولسا ھەجەپ بەلەن گەپكەنا، پورىنى دەپلا قويماي، قەدەم باسقۇچلىرىنىمۇ دەپ قويغان بولسىڭىز رەھمەت ئىيتماسمىدۇق. بىر قەدەمنى ئاز باساتتۇققۇ.

Uyghurmen يوللىغان ۋاقتى  2012-8-29 07:51
بىرنەچچە سكونتتىلا بولۇدۇغان ئىش بولسا ھەجەپ بەلەن گە ...

سىز قىلالمىغان ئىشنى رەسىمى بىلەن يوللاڭە، ئۇسۇلنى دەپ بېرەي. يەنە شۇ گەپ، سىز قىلالمىسىڭىزلا ھېچكىم قىلالمىغانلىق بولۇپ قالمايدۇ

ئىگەللىۋېلىشقا تېگىشلىك ياخشى ھۈنەرلەر ئىكەن .

رەسىمنى نەگە يوللاپ ئادرېسىنى بېرىشىم كېرەكتۇ ئەمدى؟

Uyghurmen يوللىغان ۋاقتى  2012-8-30 09:34
رەسىمنى نەگە يوللاپ ئادرېسىنى بېرىشىم كېرەكتۇ ئەمدى؟

ئالىي ئىنكاس دېگەن يەرنى بېسىپ، كومپىيۇتېردىكى رەسمىڭىزنى چىقارسىڭىز بولىدۇ. ئالپ تورى كومپىيۇتېردىكى رەسىمنى بىۋاستە يوللاشنى قوللايدۇ.

مانا بۇ ئىزاھات سىزىقىنىڭ سولدا، ئىزاھات تېكستىنىڭ ئوڭدا كۆرۈنۈشى، ۋىندوۋس ئېكسپىدىن باشلاپ مانا شۇنداق.

تەلەپ مۇنداق بولۇشى كېرەك. بۇنىسى ۋىندوۋس 98 دە يېزىلغان:

ئاۋۇنىڭدەك دەمسىز. مەن ئەزەلدىن سىز ئۇچىرىغان مەسلىگە ئۇچىرمىغان. شۇڭا شۇنداق دېدىم.

ئۇ مەسلىنى ھەل قىلىش ئۈچۈن مۇنداق ئىككى خىل ئۇسۇل بار.
1. سىز word2003 نى ئىشلىتىۋاتقان بولسىڭىز windows نىڭ تىل ۋە رايون تاللاش تۈرىدىكى ئەرەپچە قوللاش قىسمىنى قاچىلاڭ. office 2003 نىڭ ئەرەپچە قوللىتىش قىسىمىنى قاچىلاڭ.
2. word2007 نى ئىشلىتىڭ. تامام.