غەيرى unicode لۇق پىروگرامما خېتنى نورمال كۆرستىش تېخنىكىسى

alip

خەنزۇچە Windows قاچىلانغان كومپىيۇتېردا بەزى خەنزۇچە ئەمەس دېتاللارنى ئىجرا قىلدۇرساق ئارا يۈزدىكى خەتلەر قالايمىقان كۆرۈندۇ. ئوقۇغىلى بولمايدۇ. خۇددى تاشقى پىلانىت تىلىدەك. بولۇپمۇ ئەرەپچە يۇمشاق دېتاللارنى ئىشلەتكەندە كۆپ ئۇچىرايدۇ.
مەسلەن: تۆۋەندىكى رەسىمدىكىسى IDM دېتالىنى ئەرەپچىگە توغىرلىغان ھالەت. ئەرەپچىگە توغىرلىساق خەتلىرى ئاشۇنداق قالايمىقانلىشىپ كېتىدۇ.


قانداق قىلىپ بۇنداق دېتاللارنى نورمال ئىشلىتەلەيمىز؟
كونتىرول تاختىسىدىكى <رايون ۋە تىل> دېگەن يەردىن پۈتكۈل سىستېما تىلىنى ئەرەب تىلىغا تەڭشىسەك ئاۋۇ دېتالنىڭ ئەرەبچە خەتلىرى نورمال كۆرۈندۇ. ئەمما باشقا خەنزۇچە دېتاللاردىكى خەنزۇچە خەتلەر تاشقى پىلانىت يېزىقىغا ئالمىشىپ كېتىدۇ.
كاۋاپمۇ كۆيمەيدىغان، زىقمۇ كۆيمەيدىغان ئامال بارمۇ؟
بار. مىكروسوفىت شىركىتى مۇشۇ مەسىلنى ھەل قىلىش ئۈچۈن مەخسۇس بىر كىچىك يۇمشاق دېتال ياساپ تارقىتىپتۇ. بۇ دېتالنىڭ ئىسمى Microsoft AppLocale
Microsoft AppLocale  نى چۈشۈرۈش
ئىگە تەرەپ تور بېتى: http://www.microsoft.com/downloads/zh-cn/confirmation.aspx?FamilyID=16712F0B-A935-4140-9163-1514C89F6DDD&displaylang=zh-cn

Microsoft AppLocale  نى چۈشۈرۈپ قاچىلاپ بولغاندىن كېيىن ئىجرا قىلدۇرىمىز. كېيىنكى قەدەمنى بېسىپ تۆۋەندىكى رەسىمدىكى ھالەتكە كەلگەندە <كۆز يۈگۈرت>نى بېسىپ بىز خېتىنى نورمال كۆرسەتمەكچى بولغان دېتالنىڭ ئىجرا ھۆججىتىنى كۆرسىتىپ بېرىمىز. مەن IDM نى مىسال قىلدىم.


كېيىنكى قەدەمنى بېسىپ تۆۋەندىكى كۆزنەكتىن ئەرەبچىنى تاللايمىز. (قارىسام ئۇيغۇرچە دەپ تۇرىدۇ مەن سىناق ئۈچۈن ئۇيغۇرچىنى تاللىساممۇ نورمال بولدى) ئەلۋەتتە بىز نورمال كۆرسەتمەكچى بولغان تىل قايسسى بولسا شۇ تىلنى تاللايمىز. مەسلەن: گېرمانچە دېتال بولسا گېرمانچىنى، ئىبرايچە بولسا ئىبرايچىنى دېگەندەك.


كېيىنكى قەدەمنى بېسىپ تۆۋەندىكى رەسىمدىكى مەن قىزىل سىزىققا ئېلىپ قويغان تېزلەتمە كۇنۇپكا قۇرۇش دېگەن يەرنى تاللاپ، <تامام> نى باسىمىز.
شۇنىڭ بىلەن پۈتتى. ئەمدى ئۇ دېتالنى قوزغاتساق تاشقى پىلانىت يېزىقىنىڭ نورمال ئەرەبچە بولغانلىقىنى كۆرىمىز.

yarghol

ۋوي ، بۇ ئەرەپچە ئەجەپ نورمال كۆرۈنۈپتۇيا ؟! مەن ئالدىنقى قېتىم ئۇيغۇرچىغان تەرجىمە قىلسام بەزى جايلىرى ؟؟؟؟ شەكىلدە كۆرۈنگەن ئىدى .قارىغاندا دېتالنىڭ نۇسخىسى ئوخشىمايدىغان ئوخشايدۇ .  ئەمدى ئەرەپچە نورمال كۆرۈنگەن بولسا ،  بۇنى ئۇيغۇرچىغان تەرجىمە قىلساق بولغۇدەك جۇمۇ ،

abla123

رەھمەت سىزگە  بۇ چارە ناھايتى ئەسقاتقىدەك

bawdun

ئالبجانغا ئالاھىدە رەھمەت ئېتىمەن .. ئاغزىمدىن چىقىپ بولغۇچە بۇ تېمىنى تەييار قىلىپ قويۇپتۇ .. دەرھال ئىشلىتىپ دەرھال ئۇنىمىنى كۆردۇم ..
مەنمۇ نېمىشقا مۇشۇنداق بىر دېتال يوقتۇ دەپ بەك ئېچىم پۇشقانتى ... ئەسلى يوق ئەمەس مەن بىلمەي يۈرۇپتىمەن ئەمەسمۇ ..
رەھمەت

abduhalik

ئاللاھ سىزگە كۆپ ئەجر بەرسۇن بۇرادەر. ناھايتى ئەھمىيەتلىك بىر تىما بوپتۇ مەن ئۈچۈندەكلا...

amrulla

ھەقىقەتەن  ئىسىل   ئىكەن  

titanic925

مەنمۇ مۇشۇ جەھەتتە قىيلىنىپ تۇراتتىم ، رەھمەت سىزگە .