1. مەيلىمۇ(چايخانىدىكى مېھمانلارغا)
ئاتەش ماكان
چايخانىلار ئېچىلىپ شاتقا چۆمدۇق ھەممىمىز،
شۇنداق شاتلىق ئىچىدە جىم تۇرۋالساق مەيلىمۇ.
ئويناپ كەتتى كۆپچىلىك ، يايراپ كەتتى كۆپچىلىك،
ئەمما بەزى تورداشلار ئۇخلىۋالسا مەيلىمۇ.
سۆھبەتخانا بۇ دىگەن ، مېھمانخانا ئەمەسقۇ،
ئۇخلاپ قاسا باشقىلار زاڭلىق قىلسا مەيلىمۇ.
شوق ناخشىلار ئېيتىلسا،لىرىك شېئرلار ئوقۇلسا،
قۇلىقىنى يۇپۇرۇپ ، ئاڭلىمىسا مەيلىمۇ .
تورداشلارغا جۆر بولۇپ ،ئىزھار قىلماي كۆڭلىنى،
يۇتۇپ ئىچىگە ھەممىنى دەپ بەرمىسە مەيلىمۇ،
تەلمۈردۇققۇ ھەممىمىز قانداق سوغات قىلار دەپ،
ئۆز ئېلىگە خەلقىگە نەپ بەرمىسە مەيلىمۇ .
2010-يىل 6-ئاي 10-كۈنى
2. مەيلىمۇ (چايخانىدىكى باشقۇرغۇچىلارغا)
باشقۇرغۇچى بولۇشنى نام-شۆھرەت دەپ بىلگەنمۇ،
غادىۋىلىپ مېھمانغا ، باقمىسىا گەر مەيلىمۇ .
ئاۋازلىرى قانداقكىن ئاڭلىمىدۇق بىر قىتىم ،
ئەجىر قىلماي مىدالنى تاقىۋالسا مەيلىمۇ.
باشقۇرغاننى سائەتلەپ ،ئارام ئېلىڭ دىمەيدۇ،
ھىچ ئىش قىلماي ئۆزىنى كۆز-كۆز قىلسا مەيلىمۇ.
ھېرىپ-چارچاپ، يالۋۇرسا مىك نى ئېلىڭ بىر دەم دەپ ،
ئېتىۋېلىپ قۇلاقنى ، ئولتۇرۋالسا مەيلىمۇ .
سېسىق گەپ قىپ بەزىدە ، مەس-ئەلەس بوپ كۆرەڭلەپ،
مېھمانلارنى رەنجىتىپ ، قاچۇرۋەتسە مەيلىمۇ .
قاتتىق تۈزۈم بولمىسا ، تۈزەلمىسە ئىللەتلەر،
چايخاناڭنى ئالە دەپ چىقىپ كەتسەك مەيلىمۇ.
2010-يىل6-ئاي 11-كۈنى
 |
