مېنىڭ ئىككى يۈزۈم بار ئۇستا ھەر خىل چاقچاققا ،
ئۆتەر كۈنۈم بەك خوشال باغرىم قانسا غېيۋەتكە ،
تېلىمەيمەن ياخشى كۈن قىرىنداشقا ئۈلپەتكە ،
مەن كۈلىمەن باشقىلار قالسا ئېغىر كۈلپەتكە ،
ئازاپ تارتسا باشقىلار مەن راھەتتە ئۇخلايمەن .
قۇرۇق ئاتاق نام ئۈچۈن تۆرگە چىققۇم كىلىدۇ ،
چېكىتچىلىك بولسىمۇ ئەمەل تۇتقۇم كىلىدۇ .
بولوپ قالسام تاۋكادا دايىم ئۇتقۇم كىلىدۇ .
دۈشمەن ئەمەس دوستتنمۇ قۇسۇر تاپقىم كىلىدۇ ،
ياخشىلارنى مەن دايىم جازالايمەن سوتلايمەن .
ھەممە يۈرسە پىيادە مەنلا يۈرسەم ئات بىلەن ،
شاھقا چىقىپ دوستومنى كۈنۈم ئۆتەر دات بىلەن .
يالاق يالاپ كۈنلىرىم ئۆتەر كۈنۈم قان يىغلاپ ،
تۇققانلارنىڭ پىيىنى قىيدىم بىللە يات بىلەن ،
ياشالمىدىم ئادەمدەك نوموس نىمە ئۇقمايمەن .
كاتتىلارنى كۆرگەندە نان ئالىمەن تىزلىنىپ ،
بوزەك قىلدىم يوۋاشنى يۈرۈگىگە تىغ سىلىپ ،
ئازدۇرۇمەن ھەممىنى شەيتان بىلەن بىرلىشىپ .
ئالۋاستىنى دوست تۇتۇپ ئۆتەلەيمەن سېردىشىپ .
ھۈنەر قىلىپ مىكىرنى توساقلارنى ئاتلايمەن .
نىمىشقىكىن قىيلىنىپ كۈنۈم ئۆتەر ھەسەتتە ،
شەرەپ قۇچسا باشقىلار مەن يىغلايمەن بىر چەتتە.
ئوماچ ئىچسۇن ھەممىسى مەنلا يەيچۇ ئاش بەتتە ،
نىمە ئۈچۈن بەزىلەر ئېرىشىدۇ ھۆرمەتتە ،
ئاچچىغىمدا بەزىدە ئۆز ئۆزۆمگە قىيدايمەن .
تۆھپە ئەجىر قىلغاننى تىللىغۇملا كىلىدۇ ،
ئىش خوشياقماس راست ئېيتسام ئۇخلىغۇملا كىلىدۇ ،
تۈرلۈك ئويۇنغانلاردا ئوينىغۇملا كىلىدۇ ،
ئېچېىپ ئىسىل شاراپنى مەس بولغۇملا كىلىدۇ .
سۈرۈپ كەيپى ساپانى مەن ئۆزۆمنى بۇلغايمەن .
كۆنۆپ قالدىم ئەمدى مەن نەشە بىلەن ھاراققا ،
كۈندە بەش رەت قاتنايمەن ھاراق ئەرزان قاۋاققا .
پۇت قوللىرىم تېترەيدۇ كۆڭلكم تارتماس تاماققا .
ئەمدى قانداق قىلارمەن بارالمايمەن يېراققا .
راستىنى ئېيتسام دوسلىرىم مەن تۈگەشكەن ئوخشايمەن .
مەنبە: ئىجادىيىتىم
