مەن بۇ شىېرىمنى جەمىيىمىزدىكى بىر قىسىم خوتوندىن قورقىدۇ دەپ نام ئالغان ئەرلىرىمىزنىڭ سايىماخۇن بولىشىغا ئۆزى سەۋەپچى ئىكەنلىگىنى مۇئەييەنلەشتۈرمەكچى .
ئەلبەتتە ئىسىل سۈپەتلىك قەيسەر مەردانە زەپەرداس ئەرلىرىمىز بۇنىڭدىن مۇستەسنا .
يېگىت چاغدا ئىسمىڭىز ئىدى نوچى چوڭ سايىم ،
سىزگە كۆيۆپ قالغانتى نەچچە سەتەڭ گۈلئايىم .
قىزلار سىزنى كۆرگەندە بوپ كىتەتتى مۇلايىم ،
سىزنى ماختاپ مەھەلىدە گەپ بولاتتى ھەر دايىم .
نەۋبەر يېگىت بولغانسىز بۇرۇتىڭىز خەت تارتىپ ،
ئىشقىڭىزدا يۈرگنتى قانچە قىزلار دەرت تارتىپ .
شۇ چاغلاردا سىز دايىم ئۆزىڭىزنى بىلەلەمەي ،
پەقەت ئويناپ يۈردىڭىز ھەر دوقمۇشتا سەپ تارتىپ .
سىزگە تەككەن مەھەللىنىڭ ئەڭ سەتىڭى گۈزەلئاي ،
خوشال بولوپ ئۇ تويدا كۈلگەن ئىدى يىغلىماي .
ھەتتا سىزنى سۆيگەچكە ئېغىر تويلوق سالدۇرماي ،
ئەل جامائەت ئالدىدا كۈتكەن سىزنى خۇشچېراي .
توي قىلىپ كۆپ ئۆتمەستىن ئۆزگەردى خۇي -پەيلىڭىز ،
تالادىكى ئويۇنغا مايىل بولدى مەيلىڭىز .
ئۆيدە سىزنى سېغىنىپ كۈتۈۋاتسا لەيلىڭىز ،
قېتىق ئېچېپ ئايدېڭدا تۈگۈمىدى سەيلىڭىز .
كۆنۆپ قىلىپ كەچكىچە نىشە بىلەن ھاراققا ،
كەلمىدىڭىز ئۆيگىمۇ ھەتتا ئىسسىق تاماققا .
كەيىپچىلىك دەستىدىن ئايلىنىپ خام قاپاققا ،
يېقىلدىڭىز نەچچە رەت تېيلىپ كېتىپ شاپاققا .
بولمىدى چورت كارىڭىز ئۆيىڭىزدە نىمە كەم ،
قىلمىدىڭىز ھېسداشكىق ئايالىڭىز تارتسا غەم .
گۈزەلئاينى ئاخىرى تۈگەشتۈردى دەرت ئەلەم ،
شۇنىڭ بىلەن گەۈزەلئاي بولدى شۇنداق بىر بىشەم .
مانا ئەمدى ئۇ سېزنى سىلكىشلەيدۇ تېللايدۇ ،
گۇنايىڭىز بولغاچقا سىزنى كۆزگە ئېلمايدۇ .
ياقىڭىزغا ئېسلىپ ئۆيىڭىزدىن قوغلايدۇ ،
ئەل ئاۋامنىڭ ئالدىدا ھۆرمىتىڭىز قىلمايدۇ .
بوپ قالدىڭىز خوتوندىن قورقوشتا سىز بەك داڭلىق ،
ئەمدى موللاموكموكسىز قىلالمايسىز قاراملىق .
تىل ئاھانەت دەستىدىن يوقتۇر سىزگە ئاراملىق ،
ھويلىڭىزدا پاختەكمۇ سايراپ تۇرار داۋاملىق .
سايىم ئاكا مەن سىزگە يازدىم بۈگۈن ئوچوق خەت ،
ئەركەك تۇرۇپ خوتوندىن قورقوش سىزگە بەكمۇ سەت .
بارچە گۇنا ئەسلىدە ئۆزىڭىزدە بىلسىڭىز ،
ئەركەك تۇرۇپ خوتوندىن قورقوش ئەسلى قىيامەت.
مەنبە: ئىجادىيىتىم | 
