بەزىلەر
بەزىلەر مال _دۇنيا يىغار ھەۋەستە ،
يىققىنى قولدىن كىتەر بىر پەستە .
كىمىكى نەپسىنى يۈگەنلىسە چىڭ ،
يەتمەيدۇ دىلىغا ھەرگىز شىكەستە .
ئاتىدىن قالىدۇ ئەۋلاتقا قىممەت ،
ئانىدىن قالىدۇ چىن كۆيۈم _ شەپقەت .
ئالەمدە پۇل _ دۇنيا تىپىلغان بىلەن ،
تىپىلماس ئاتا _ ئاناڭ مەڭگۈ غەنىمەت .
كۆرۈنەر بەكمۇ چوڭ ئادەمگە ساراي ،
باتۇرلۇق ، قەيسەرلىك ياندا ھىمايە .
كىمىكى قورقۇنچاق ئىش پۈتتى خالاس ،
نەپرەتلىك كۆز بىلەن باقار زامانە .
چىرايلىق قىياپەت كۆكلەم يازىدەك ،
غايىپتۇر بىر دەمدە سۇنىڭ پارىدەك .
قىرىيدۇ دەل _ دەرەخ ، قىرىماس ئەخلاق ،
ئىچ _ تىشى ئەڭ گۈزەل مۇقام سازىدەك .
 |
