ئاھ ،ئەجەپ بولدۇم ئۇزۇن يىل سۆيگۈ -جاناندىن قۇدا،
سۆيگۈ دەپ قالغان ئىدىم تاس بولغىلى جاندىن جۇدا.
بولمىسام دەيمەن جاھاننى باسسىمۇ تۇپان سۈيى،
بۇ گۈزەل تۇپراق-دىيارىم گۈل-گۈلۈستاندىن جۇدا.
ياخشىنى <ياخشى> دېيىش ئىنسانې خىسلەت ،بىلگۈلۈك،
ئەكسىچە بولغاندا ئۇ ۋىجدان ئىللەت ،بىلگۈلۈك .
مەيلى كىمنىڭ بولسا ئەلگە گەر مۇناسىپ تۆھپىسى،
بىلدۈرۈش ھۈرمەت ئۇڭا بىر خىل پەزىلەت بىلگۈلۈك.
لېۋىڭدىن بال بېرىپ شۇل كەچ ماڭا شاتلىق ئاتا قىلىڭ،
شۇ كۈندىن بېرى بىر دەرتكە ئەجەپمۇ مۇپتىلا قىلدىڭ.
بۇلۇت كەينىگە مۇكەن ئاي كەبى چېھرىڭنى كۈرسەتمەي،
خىيال دەرياسىغا تاشلاپ يۈزۈمنى كەھىرۋا قىلدىڭ.
بولىدۇ ھەر قانداق ئىشنىڭ باشلىنىش ھەم ئاخرى ،
بولغىنى ئوخشاش سەپەرنىڭ باشلىنىش توختاش يېرى.
ۋەسلى دىدار پەيتى ئاز قالدى چىدا گۈل مەشۇقۇم،
سەن چىدام، تاقەت،شىجائەتنىڭ ئەمەسمۇ دىلىبىرى
ئاپتۇرى ئاپتۇنۇم رايۇنلۇق يېزىق- يېزىق كومىتىتىن
غەنىزات غەيۇرانى
 |
