گۈلەمخاننىڭ تارىخنى ئوقوپ
خىياللىرىم كىتەر گاھىدا ،
ئىللىق مەھەللە ئويمان بۇلاققا .
شۇ مەھەللىدە ئۆتكەن بىر قىزنىڭ ،
موڭى مېنى سالار پىراققا .
ماڭا جۆر بوپ ئىلى دەرياسى ،
ھەسرەت بىلەن ئاقار يېراققا ،
گۈلەمخاننىڭ سۆيگۆ قىسسىسى ،
نۈندەر مېنى يېڭى قوشاققا .
شۇنداق ئەركىن چوڭ بولغان ئىدىڭ ،
ئۆز مەھەللەڭدە بولوپ بىر غۇنچە.
دېھقان قىزى بولساڭمۇ لېكىن ، سەن غورودىن تۆرەلگەن تامچە .
بەكمۇ گۈزەل بەكمۇ پاك ئېدىڭ ،
ئاتا ئاناڭ سۆيۆنگەن شۇنچە .
بىر جۈپ چېچېڭ بولوپ جۈپ سۇمبۇل ،
ئوت سالاتتى ئاشىق يۈرەككە .
ئەختەم ئاتلىق سۆيگەن يېگىتىڭ ،
يەتسەم دەيتتى ئوتلوق تېلەككە .
لېكىن ئالدىن بىر گەپ قىلماق تەس،
بۇ قارارسىز دەغدىر پەلەككە .
سەن گۈل بولوپ چاچقاندا پۇراق ،
كۆزى چۈشتى ساڭا يېلاننىڭ .
ئۇ چاغلاردا گېپى گەپ ئىدى ،
مال پولى بار ئەسكى ياماننىڭ .
ساڭا تەشتەر سانجىماق بولغان ،
قەھرى تۇتۇپ ئەنگە چاياننىڭ ،
ئامالسىزتى ئاتا ئاناڭمۇ ،
پەيلى شۇنداق ئىدى زاماننىڭ .
لېكىن سەندە يالقۇنى بارتى ،
چىن سۆيگۆدىن يانغان ۋېجداننىڭ .
ئەختەم بىلەن قاچتىڭ يېراققا ،
ياشاپ كەتسۇن سۆيگۆ ئىمانىڭ .
چىن قەلبىڭدىن سۆيگەن ئەختەمنى،
قۇلى بولمىدىڭ مالۇ دۇنيانىڭ .
شۇ زاماندا مۇدھىش جاھاندا ،
مال دۇنياغا بولمىدىڭ تۇتقۇن ،
رەزىللىكنى كۆيدۆرۋەتكەن ،
يۈرۈگىڭدىكى ئوخچىغان يالقۇن،
پاك سۆيگۆنىڭ ئەرك ناخشىسى ،
كۆتۆرگەنتى مەڭگۈللۈك شاۋقۇن،
سەن بەختىڭنى تاپقانتىڭ مەڭگۈ ،
گەر ئاتالغان بولساڭمۇ قاچقۇن.
سەن باشلىغان سۆيگۈ ناخشىسى ،
بۈگۈن يەنە قۇد بەخت تاسۇن .
بۈگۈن سېنىڭ پاك نەۋرىلىرىڭ ،
قەبرەڭ ئۈچۈن گۈل چېچەك ياپسۇن .
مەنبە: ئىجادىيىتىم
