ئاقيول تورىنىڭ خەۋىرى:

ئىككى دوست بىر دوستىنىڭ ئۆيىگە خۇدايى مىھمان بولۇپ بىرىپتۇ. ئۆي ئىگىلىرى زاڭ ئىتىپ ئولتۇرغان ئىكەن. تاماقنى ئۇلارنىڭ ئالدىغا قويۇپتۇ. زاڭ دىگەن ھەر قانچە قىزىق بولسىمۇ ھورى چىقمايدىغان تاماق بولغاچقا ئۇلارنىڭ بىرىنچىسى بىر قوشۇق زاڭنى ئاغزىغا ئالغانىكەن گىلى كۆيۈپ دىماقلىرى ئىچىشىپ كۆزلىرىدىن تارام تارام ياش تۆكۈلۈشكە باشلاپتۇ. بۇنى كۆرگەن ئىككىنچىسى ئاداش نىمە بولدۇڭ، دەپ سورىسا بىرىنچىسى : ئاداش ئاپام رەھمەتلىك سوغۇق زاڭغا بەكمۇ ئامراق بولىدىغان، شۇ يادىمغا يىتىپ قالدى. دەپتىكەن ئىككىنچىسى دەرھال بۇ زاڭ سوغۇق ئىكەندە دەپ ئويلاپ ئۇمۇ ئاغزىغا بىر قوشۇق ساپتۇ. ساپتۇ – يۇ ئۇمۇ شۇنداق يىغلاپ كىتىپتۇ. بىرىنچىسى ئاداش نىمە بولدۇڭ دەپ سورىغان ئىكەن. بۇ زاڭدىن بىر قوشۇق يەپلا سىنىڭ ئاشۇ سوغۇق زاڭغا ئامراق ئاپاڭنى ئالغۇم كەپ كەتتى. دەپتۇ ئىككىنچىسى