ئاقيول تورىنىڭ خەۋىرى:
چىن دىلىمدىن سۆيگەچكە سېنى
داۋىد ئوۋادىيا (بولغارىيە)
چىن دىلىمدىن سۆيگەچكە سېنى،
كۆرۈنىسەم شۇنچە چىرايلىق
باشقىلارمۇ ھەۋەس - زوق بىلەن
قارىشىدۇ ساڭا خۇش ــ ئىللىق.
چىن دىلىمدىن سۆيگەچكە سېنى،
ياش پېتىڭچە تۇرىسەن شۇنداق!
يوق چېھرىڭدە نە بىرەر قورۇق،
چاچلىرىڭدا نە بىرەر تال ئاق.
چىن دىلىمدىن سۆيگەچكە سېنى
، شۇنچە گۈزەل سېنىڭ جامالىڭ!
لېكىن ھەرگىز كەتمە كۆرەڭلەپ،
ھىيلىلەرگە تولمىسۇن دىلىڭ!
مۇھەببىتىم يوقالسا ئەگەر
، شۇئان قرېرىپ بولىسەن موماي،
خازان بولۇر گۈلدەك جامالىڭ!
پەرھات ئىلياس تەرجىمە قىلغان
«يارىلانغان يۈرەك» ناملىق شېئىرلار توپلىمىدىن ئېلىندى.
