ئاپتۇر:ئابلىكىم غوپۇر ئوتقاش


ۋىسالسىز ئاشىق دەپ كايىما پەلەك

مۇھەببەت ھەققىدە سۆزلىمە كېچە،
شىۋىرلاپ تۇيغۇمغا سۆيمىگىن شامال.
سۆيگۈ دەپ چاراقلاپ يانمىغىن يۇلتۇز،
بولدى بەس سايراشتىم توختىغىن قۇشلار.
ۋىسالسىز ئاشىق دەپ كايىما پەلەك،
مەنسىتىپ قارىما گۈزەل كېلەچەك.
كۈلمىگىن قاھاقلاپ بەختسىزلىكىمگە،
ئەلەملىك ناخشىدەك ئىزغىرىن تىلەك.
**************************

بەخىت بىزگە ئاچسا كەڭ ئىقبال


چىقماس ئەستىن گۈزەل كېچىدە،
ماڭا قىلغان تاتلىق سۆزلىرىڭ.
ئاھ،سۆيۈلگەچ ئوتلۇق لېۋىڭگە،
يۈرۈكۈمدە قاپتۇ ئىزلىرىڭ .

ئايرىلغۇم يوق سېنىڭدىن ئەسلا،
ئويغانغۇم يوق شېرىن چۈشلەردىن.
بەخىت بىزگە ئاچسا كەڭ ئىقبال،
كۈلكە كەتمەس بىر جۈپ لەۋلەردىن.

*********************

ئەقىل تاپتىم سېنىڭدىن ۋەتەن


قۇچاق ئېچىپ كەلدىم ئالدىڭغا،
مەھكەم باسقىن باغرىڭغا ۋەتەن.
قىرانلىققا تولغان ئوغلۇڭغا ،
قارا ئۈمىد ، نەزىرىڭ بىلەن.

مەن توغۇلدۇم سېنىڭ قوينۇڭدا،
ئاق سۈت ئېمىپ ئۆستۈم ئەركىلەپ.
جۇلالىنىپ ئوتلۇق مېھرىڭدە،
تاپتىم سەندىن ئەقىل -پاراسەت.
************************

ئۈمىدۋار ياشايمەن ھاياتقا بېقىپ

ئۈمىدۋار ياشايمەن ھاياتقا بېقىپ،
ياركەبى مەڭزىگە مەڭزىمنى يېقىپ.
پارلايمەن قۇياشتەك كېچە قوينىدا،
قاراڭغۇ زۇلمەتكە نۇر-زىيا چېچىپ.


ھاياتلىق تۈسىگە بېرىمەن مەنا،
چاقنىسا تۆھپەمدىن زەرىچە ئۇچقۇن.
ئۆزۈمگە تەمەننا قويمايمەن ئەسلا،
ھاياتلىق يولۇمغا قالدۇرۇپ يۇچۇن.


2009-يىل (ئۈرۈمچى)

مەنبە:ئىجادي ئەسەر