12-سېنتەبىر، كۆكتوقاي ناھىيەسىنىڭ 17-نۆۋەتلىك ئاقىن ئېيتىشىش مۇسابىقىسى ۋە 11-نۆۋەتلىك «ئېرىتش دەريا مەنبەسى» مەدەنىيەت-سەنئەت بايرىمى كۆكتوقاي ناھىيەسىنىڭ تېمېكى يېزىسىدىكى بىر يايلاقتا ئۆتكۈزۈلدى.

    پائالىيەت مەزگىلىدە، بۇ ناھىيە يەنە ئاز سانلىق مىللەتلەرنىڭ ئەنئەنىۋى كىيىم-كېچەك كۆرگەزمىسى، بەيگە ، چېلىشىش ، ئوغلاق تارتىش ، قىز قۇۋار ، كۈچ سىنىشىش مۇسابىقىسى قاتارلىق پائالىيەتلەرنى ئويۇشتۇرغان بولۇپ ، مول مەزمۇنلۇق پائالىيەتلەر يەرلىك ئامما ۋە ساياھەتچىلەرنى جەلپ قىلدى . شۇ كۈنى بۇ ناھىيە يەنە ھەر خىل مىللىي قول ھۈنەر بۇيۇملىرى، يەرلىك ئالاھىدىلىككە ئىگە مەھسۇلاتلارنى كۆرگەزمە قىلدى.(تامام)