شايار ناھىيىلىك ساياھەت ئىدارىسى يېقىندا شاڭخەي دۇنيا جىننس باش شتابىنىڭ دەلىللەش خېتىنى تاپشۇرۇۋالدى : شايار ناھىيىسىدىكى ‹‹كۆلىمى ئەڭ چوڭ ئىپتىدائىي توغراقلىق›› 2009 – يىلى 1 – ئايدا بېيجىڭدا ئۆتكۈزۈلىدىغان ‹‹11 – نۆۋەتلىك دۇنيا جىننىس گۇۋاھنامىسى تارقىتىش كېچىلىكى›› نىڭ ئەڭ ياخشى تۈرى قىلىنغان بولۇپ ، ئەڭ ياخشى تۈر مۇكاپاتىغا ئېرىشىدىكەن. بۇ توغراقلىق 2008 – يىلى 1 – ئاينىڭ 14 – كۈنى ‹‹ئەڭ چوڭ ئىپتىدائىي توغراقلىق›› جىننىس ئەڭلىرى قاتارىغا كىرگەنىدى ، 2008 – يىل 8 – ئاينىڭ 2 – كۈنى يەنە مۇۋەپپەقىيەتلىك ھالدا ‹‹دۇنيا جىننىس رېكورتلىرى قامۇسى›› غا كىرگۈزۈلدى . بۇ قېتىمقىسى بۇ توغراقلىقنىڭ ئۈچىنچى قېتىم شەرەپلىك نامغا ئېرىشىشى بولۇپ ھېسابلىنىدۇ .