شىنجاڭدىكى تۇرپان ئويمانلىقىغا جايلاشقان تۇرپاننىڭ بۇرۇندىنلا ‹‹ئوت يۇرتى ››دىگەن نامى بار .1962–يىلى 7–ئاينىڭ 25–كۇنى يەر يۈزىنىڭ ئەڭ يوقىرى تېمپېراتورىسى℃ 76.6 قا يەتكەن .تۇرپان قەدىمدىن تارتىپلا يىپەك يولىدىكى مۇھىم شەھەر بولۇپ ،شىنجاڭ ئۇيغۇر ئاپتونوم رايونىنىڭ ئوتتۇرا قىسمىغا جايلاشقان ، تۇرپاننىڭ تارىخى ئۇزۇن ، ئاجايىپ گۈزەل جاي بولۇپ، سەرقىي ۋە غەربىي خەن سۇلالىسىدىن بۇيان ، مەملىكىتىمىز غەربىدىكى رايونلارنىڭ سىياسىي ،ئىقتىساد ،مەدەنىيەت مەركىزى بولۇپ كەلگەن ، ئۇ يىپەك يولىدىكى مۇھىم سىتراتېگىيىلىك جاي . تۇرپان 1984 –يىلى 12–ئايدا گوۋۇيۈەننىڭ تەستىقلىشى بىلەن شەھەر بولۇپ قۇرۇلدى . پۇتۇن شەھەرنىڭ ئومومىي يەر كۆلىمى 15738 كۇۋادىرات كىلومېتىر بولۇپ ئۇيغۇر ،خەنزۇ ،خۇيزۇ ،قازاق ،روس ،مانجۇ ،جۇاڭزۇ ،مىياۋزۇ قاتارلىق 24 مىللەت بار ، بۇنىڭ ئىچىدە ئۇيغۇرلارنىڭ نوپۇسى ئومومىي نوپۇسنىڭ % 71نى ئىگىلەيدۇ .بۇ يەرنىڭ ھاۋا كېلىماتى ئالاھىدە بولغانلىقتىن ،ئۈزۈم ،تاۋۇز قاتارلىق مەھسۇلاتلار چىقىدۇ ، بۇ شەھەر دۇنياغا داڭلىق بولۇپ ‹‹ئۈزۈم شەھىرى ›› دىگەن نامى بار . بۇنىڭ ئىچىدە تۇرپاننىڭ كىشمىش ئۈزۈمى دۆلەت ئىچى ۋە سىرتىغا داڭلىق ،ئۇنىڭدىن قۇرۇتۇلغان قۇرۇق ئۈزۈمنىڭ قەنت ، ۋىتامىن مىقتارى يوقىرى ،يېشىل يېمەكلىك ئالاھىدىلىكىگە ئىگە بولۇپ ، دۇنيا قۇرۇق ئۈزۈم تۇرلىرى ئىچىدە كەم ئۇچىرايدىغان مەھسۇلات ھېساپلىنىدۇ .

ئۈزۈم شاتلىقى