شىنجاڭ نوقۇتى 2500 يىل تارىخقا ئىگە بولۇپ ، تىيانشاننىڭ جەنۇب شىمال ھەممە يېرىدە نوقۇت تېرىلىدۇ . شىنجاڭنىڭ ھاۋا كېلىماتى قۇرغاق ، يامغۇر ئاز ، كۈن چۈشۈش ۋاقتى ئۇزۇن ، تېمپىراتۇرا پەرقى چوڭ بولۇپ ، ئۆزگىچە ھاۋا كېلىماتى نوقۇتنىڭ ئۆسۈشىگە ئىنتايىن ياخشى شارائىت بولۇپ ھېسابلىنىدۇ . نوقۇتنىڭ سۈپىتى ئىنتايىن ياخشى بولۇپ ، ئاز سانلىق مىللەتلەرنىڭ مىللىي يېمەكلىك - دورا ئوزۇقلىقى بولۇپ كېلىۋاتىدۇ .

نوقۇت شىنجاڭ ئۇيغۇرلىرى مىللىي تىبابىتىدە 2000 يىلدىن ئارتۇق تارىخقا ئىگە بولۇپ ، ئىبىن سىنا (دوختۇرلۇق ئىلمى) ، (دورىلار خەزىنىسى) ، (دورا ژۇرنىلى) ، (ئۇيغۇر دوختۇرلىرى داۋاملىق ئىشلىتىدىغان دورا ماتىرىيالى) ، (دورا ئۆسۈملۈكلەر تولۇقلىمىسى) قاتارلىقلاردا خاتىرىلىنىشىچە ، نوقۇت ھەر خىل ئۆپكە كېسەللىكلىرى ، ھەزىم قىلىش ياخشى بولماسلىق ، بەدەن ئاجىزلاش ، جىنىسىي تەلىپى تۆۋەنلەش ، قەنت سىيىش كېسىلى ۋە باشقا ھەرخىل تېرە كېسەللىكلىرىگە شىپا قىلىدىغان بولۇپ ، تەسىرى ئىنتايىن ياخشى بولىدۇ . شۇنىڭ بىلەن بىر ۋاقىتتا ، نوقۇت يەنە ئىشتىھا ئاچىدىغان يېشىل يېمەكلىك بولۇپ ، ئاشلىق ئورنىدا يېيىشكە بولىدۇ ، يېيىش ئۇسۇلى ھەر خىل ، يەنە يۇقىرى قان بېسىم ۋە قاندا ماي ماددىسى كۆپلەپ كېتىش قاتارلىقلارنىڭ ئالدىنى ئالىدىغان بولۇپ ، (ساغلاملىق يېمەكلىكلىرىدىكى بىر تال گۈل) دەپ تەرىپلەنمەكتە .