1999-يىلى بۈگۈنكى كۈندە، تەيۋەندە 7 .1 بال كۈچلۈك يەر تەۋرىگەن. 1674 كىشى قازا قىلغان، 3924 كىشى يارىلانغان. بۇ قېتىملىق يەر تەۋرەشتە، ئىچكى قۇرۇقلۇق ئىنتايىن كۆڭۈل بۆلدى. دۆلىتىمىز رەھبەرلىرى تەيۋەنلىك قېرىنداشلاردىن سەمىمىي ھال سورىدى.

    1989-يىلى بۈگۈنكى كۈندە، تۇنجى نۆۋەتلىك جۇڭگو كىنو بايرىمى بېيجىڭدا ئېچىلغان. ئېچىلىش مۇراسىمىدا تارىخىي فىلىم«دۆلەت قۇرۇش مۇراسىمى» ۋە «40 يىلنىڭ ئالدىدىكى بۇ كۈن» قويۇلدى.

    1988-يىلى بۈگۈنكى كۈندە، دېڭ شياۋپىڭ خەلقئارالىق سىياسىي يېڭى تۈزۈم ئورنىتىش تەكلىپى بەرگەن. دېڭ شياۋپىڭ سىرىلانكا زۇڭتۇڭى بىلەن كۆرۈشكەندە، جۇڭگو مۇستەھكەم دىپلوماتىك سىياسەت بىلەن زومىگەرلىككە قارشى تۇرىدۇ، دۇنيانىڭ تىنچلىقىنى قوغدايدۇ. خەلقئارالىق سىياسىي يېڭى تۈزۈم ئورنىتىدۇ. تەرەققىي قىلىۋاتقان دۆلەتلەر ئېھتىياجلىق بولغان خەلقئارالىق مۇھىت دەل ئۇرۇش بولمىغان، تىنچ بىرلىكتە ياشايدىغان خەلقئارالىق مۇھىت. 12-ئاينىڭ 2-كۈنى دىڭ شياۋپىڭ ياپونىيە ئەمەلدارلىرى بىلەن كۆرۈشكەندىمۇ مۇشۇنداق دېگەن.

    1981-يىلى بۈگۈنكى كۈندە، بېلىز مۇستەقىل بولغان. بېلىز ئوتتۇرا ئامېرىكا قىتئەسىگە جايلاشقان بولۇپ، ئارىلاشقان قانلىق ۋە قارا تەنلىك كىشىلەر ئاساس قىلىنغان. ئېنگلىز تىلى ھۆكۈمەت تىلى قىلىنغان. ئىقتىسادتا دېھقانچىلىقنى ئاساس قىلغان. بۇ يەردە بۇرۇن مايالىقلار تۇراتتى. 16-ئەسىردە ئىسپانىيەنىڭ مۇستەملىكىدە بولغان، 1638-يىلىدىن باشلاپ ئەنگلىيەنىڭ مۇستەملىكىسدە بولۇشقا باشلىغان. ئېلىمىز بىلەن 1987-يىلى 2-ئاينىڭ 6-كۈنى دىپلوماتىك مۇناسىۋەت ئورناتقان. 1989-يىلى 10-ئاينىڭ 11-كۈنى بېلىز تەيۋەن ھۆكۈمىتى بىلەنمۇ دىپلوماتىك مۇناسىۋەت ئورناتقاچقا، ئېلىمىز بېلىز بىلەن بولغان دىپلوماتىك مۇناسىۋەتنى توختاتقان.

    1945-يىلى بۈگۈنكى كۈندە، ئەنگلىيە ھىندىستاننىڭ مۇستەقىل بولۇشىغا قوشۇلغان. 18-ئەسىرنىڭ ئوتتۇرىلىرىدىن 19-ئەسىرنىڭ ئوتتۇرىلىرىغىچە ئەنگلىيە مۇستەملىكىچىلىرى ھىندىستاننى مۇستەملىكە قىلىۋالغان.(تامام)