1994-يىلى بۈگۈنكى كۈندە، پاپۇئا يېڭى گۋىنىيەدە يانار تاغ پارتلىغان. بۇ يەردىكى يېرىم ئەسىردىن بۇيان تىنچ ياتقان بۇ يانار تاغ يەنە ئېتىلىپ چىقىپ، 30 مىڭدىن ئارتۇق ئاھالە كۆچۈشكە مەجبۇر بولغان.

    1994-يىلى بۈگۈنكى كۈندە، ئامېرىكا ھايتىغا ئەسكەر ئەۋەتكەن. بىرلەشكەن دۆلەتلەر تەشكىلاتى خەۋپسىزلىك كېڭىشى 940-نومۇرلۇق قارارنى ماقۇللاپ، ئامېرىكا باشچىلىقىدىكى كۆپ دۆلەتنىڭ «زۆرۈر بولغان چارە قوللىنىپ» ھايتىدىكى ھەربىي سىياسىي ھاكىمىيەتنى ئەمەلدىن قالدۇرۇشىنى ماقۇللىدى. 19-سېنتەبىر ئامېرىكا ئارمىيىسى شاھزادە پورتىنى، ئايرودورۇم ۋە قۇرۇقلۇق باش شىتابىنى قورشىۋالدى. ئامېرىكا 1996-يىلى 2-ئايدىن بۇرۇن ھايتىدىن پۈتۈنلەي ئەسكەر چېكىندۈرۈپ بولۇشقا كاپالەتلىك قىلدى. ئامېرىكا ھۆكۈمىتىنىڭ ياردىمى ئاستىدا، ھايتىنىڭ ئىقتىسادى تۈرلۈك سىياسەتلەرنى ئەسلىگە كەلتۈردى، ھايتىنىڭ ئىقتىسادىنىڭ ئەسلىگە كېلىشى ئۈچۈن ئامېرىكا 250　مىليون ئامېرىكا دوللىرى ياردەم بەردى.

    1991-يىلى بۈگۈنكى كۈندە، تۇنجى تۈركۈمدىكى «جۇڭگودىكى داڭلىق ماركىلار» بارلىققا كەلگەن. تۇنجى تۈركۈمدىكى داڭلىق ماركىلار:ماۋتەي ھارىقى، سۇمرۇغ ماركىلىق ۋېلسىپىت، چىڭداۋ پىۋىسى، ۋۇ لياڭيې ھارىقى قاتارلىق 124 ماركا. پۈتۈن مەملىكەت بويىچە 300 نەچچە كارخانىنىڭ 337 ماركىسى باھالاشقا قاتناشتى.

    1985-يىلى بۈگۈنكى كۈندە، مېكسىكىدا 7.8 بال قاتتىق يەر تەۋرىگەن. مېكسىكىدىكى %35 قۇرۇلۇش ئوخشىمىغان دەرىجىدە بۇزغۇنچىلىققا ئۇچرىغان. قازا قىلغان ئادەم 3500 دىن ئاشقان، يارىلانغانلار 40 مىڭ، 32 مىڭ كىشى ئۆي ماكانسىز قالغان.

    1944-يىلى بۈگۈنكى كۈندە، بۇلغارىيە ئىتتىپاقداش دۆلەتلەردىن چېكىنىپ چىققان. بۇلغارىيە سوۋىت ئىتتىپاقى بىلەن ئۇرۇشقان قىسقا مۇددەت ئىچىدە گېرمانىيە بىلەن بولغان بارلىق مۇناسىۋىتىنى ئۈزۈپ تاشلىدى، سوۋىت ئىتتىپاقى بىلەن ئۇرۇش توختىتىش كېلىشىمى ئىمزالاپ، يېڭى ھۆكۈمەت قۇردى. سىتالىن:«بۇلغارىيە گېرمانىيەنىڭ ھۆكۈمرانلىقى ئاستىدىكى بالقان يېرىم ئارىلىنىڭ مەركىزى ئەمەس» دېدى.(تامام)