چەتئەل ئاخبرات ۋاستىلىرىنىڭ 23-ئىيۇل خەۋەر قىلىشىچە، ھىندىستان دۇنيا بويىچە ئەڭ ئەرزان «خاتىرە كومپىيوتېر» ياساپ چىقىشنى پىلانلىغان. ئىگىلىنىشچە، بۇ كومپىيوتېرنىڭ باھاسى 35 دوللار (237 يۈەن) ئەتراپىدا بولىدىكەن.
خەۋەردە ئېيتىلىشىچە، ھىندىىستان ئادەم كۈچى بايلىقى تەرەققىيات بۆلۈمىنىڭ بۆلۈم باشلىقى كاپىل.سىبال مۇشۇ ھەپتىدە مەخسۇس ئوقۇغۇچىلار ئۈچۈن لاھىيەلەنگەن، باھاسى ئەزان بۇ كومپىيۇتېرنىڭ زاپچاسلىرى توغرىسىدا ئىزدىنىشنى باشلىۋەتكەن بولۇپ، ئۇ، ھىندىستان ئادەم كۈچى بايلىقى تەرەققىيات بۆلۈمى دۇنيا خاراكتىرلىك بىر قىسىم ئىشلەپچىقىرىش كارخانىلىرىنى تېپىپ، بۇ خىل مەھسۇلاتنى كەڭ كۆلەمدە ئىشلەپچىقىرىدىغانلىقىنى ئېيتقان.
  سىبال تونۇشتۇرۇپ، بۇ خىل كومپىيۇتېرنىڭ ئېكرانى تەككۈزۈش سېزىمچانلىقىغا ئىگە، كومپىيۇتېرغا ناھايىتى ئوخشاپ كېتىدىغان زاپچاسلار سەپلەنگەن بولۇپ، ھىندىستاندىكى تەبىئىي پەنلەر ئۇنىۋېرسىتېتى تەتقىق قىلىپ ياساپ چىققان، تەگلىك، ئۆزەك ۋە بىر تەرەپ قىلغۇچ قاتارلىق ئەسلىھەلەر بىلەن ياسالغان، ئومۇمىي ئىشلەپچىقىرىلىش باھاسى 35 دوللدردىن ئېشىپ كەتمەيدۇ، دېدى.
بۇ خىل كومپىيۇتېردا تورغا چىققىلى بولىدىغان بولۇپ، PDF ھۆججىتى ۋە كۆرۈنمە چاستوتىلىق ئەسلىھەلەرنىمۇ ئىشلىتىشكە، ئىشلەتكۈچى باشقا يۇمشاق دېتاللارنى ئورنىتىشقىمۇ بولىدىكەن. سىبال يەنە، بۇ خىل كومپىيۇتېر تەخمىنەن 2011-يىلى ھىندىستاندىكى يۇقىرى دەرىجىلىك مەكتەپلەردە ئومۇملىشىشى مومكىن، دېدى. ئۇ يەنە ئىلغار تېخنىكىدىن پايدىلىنىپ، بۇ خىل كومپىيۇتېرنى 20 دوللار ياكى ئۇنىڭدىنمۇ تۆۋەنلىتىپ 10 دوللارغا سېتىۋالغىلى بولىدىغان قىلىپ ياساپ چىقىدىغانلىقىنى بىلدۈردى.