كۈلىۋېلىڭ!

ماھىتابان

	ئەستە تۇتۇشنىڭ ناچارلىقى << ئەڭ - ئەڭ سۆيۈملۈك كىلار،- دەپ يېزىپتۇ يىگىت باغاقچىگە، - سىزنى يەنە بىر قېتىم مالال قىلغىنىمنى ئەپۇ قىلغايسىز، مېنىڭ خاتىرەم بەل ناچار! تۈنۈگۈن سىزگە تەكلىپ قويغىنىمدا، سىزنىڭ، (بولىدۇ)ياكى (بولمايدۇ) دېگەنلىكىڭىزنى زادىلا يادىمغا ئالالمايۋاتىمەن.>> << قەدىرلىك ۋېل،- دەپتۇ قىز جاۋاپ خېتىدە، - خېتىڭىزنى كۆرۈپ ئىنتايىن خۇش بولدۇم، تۈنۈگۈن مېنىڭ (بولمايدۇ) دېگىنىم ئېسىمدە، بىراق بۇ سۆزنى كىمگە دېگەنلىكىمنى زادىلا ئېسىمگە ئالالمايۋاتىمەن.>> چىرايلىق چاچ پاسونى ئايال: سىزنىڭچە مېنىڭ قەيىرىم چىرايلىق؟ ئەر: چاچ پاسونىڭىز بەك چىرايلىق ئىكەن. ئايال: قانداق دەيسىز؟ ئەر: چۈنكى ئۇ يۈزىڭىزنىڭ كۆپ قىسمىنى يېپىۋالىدىكەن. ئورتاقلىق ئەنگىليىدىكى بىر ئاياللار كۇلۇبى<<قانداق قىلغاندا نىكاھ بەختلىك بولىدۇ>> دېگەن تىمىدا مۇھاكىمە ئېلانى چىقىرىپتۇ. ئىلاندا مۇنداق بىر سۆز بار ئىكەن:<<سىزنىڭ ئېرىڭىز بىلەن قانداق ئورتاق تەرەپلىرىڭىز بار؟>> بىر ئايال بۇ سۆزنىڭ ئاخىرىغا بىر جۈملە سۆزنى يېزىپ قويۇپتۇ:<<ئورتاق تەرىپىمىز شۇكى، ئىككىيلەن بىر كۈندە توي قىلغان.>>   مەنبە: چاقچاق پاراڭلار

Aydar

	ئاخىرقىسى بەك قىزىقكەن. قارا يۇمۇركەن...

جۇلالىق

	بىچارە ئايالنى چاچ پاسونى چىرايلىق كۆرسۈتۈپتۇدە؟!

saye

	ئۇف باشلاپ كەتتۇق دەيلى چاقچاقنى. ئايدارنىڭ ئالىي مەكتەپتە ئوقۇيدىغان ۋاقىتلىرى ئىكەن. مەكتەپتىن ئۇلارنى ئوينىتىپ قىزىلتاغقا ئېلىپ چىقىپتۇ. ئايدار ئىگىزگە چىقىپ ھاياجانلانغانلىقدىن ۋارقىراپتۇ: - ئېھ گۈزەل . ۋەتەن، سەن مېنىڭ ئانام. پەسرەكتە ئەپەندىم چىقىۋېتىپتىكەن، ئىختىيارسىزلىقتىن ۋارقىرىۋېتىپتۇ: - ئېھ ۋەتەن، سەن مېنىڭ قېينىئانام ! ----- جۇلالىقنىڭمۇ شۇ باشلانغۇچ مەكتەپ ۋاقىتلىرى ئىكەن. ئاتىسى ئۇنىڭدىن سۇئال سوراپتۇ: -  15كە 17نى قوشسا قانچە بولىدۇ قىزىم. جۇلالىق ھىسابلىغاندا بارماق ئىشلىتىدىكەندە، دەرھال پەلەي پايپاقنى سېلىپ، بارماقلىرىنى قوشۇپ ھىسابلىغىلى تۇرۇپتۇ. ئاتىسىنىڭ ئاچچىقى كېلىپ: - جېنىم بالام، قول پۇتىڭىزنىڭ بارمىقىنى ئەمەس، مونۇ كاللىىڭىزنى ئىشقا سېلىپ ھىسابلاڭ. - ۋايجان ئاتا، بىردەم ئېلىشتۇرمىغىنە، پۇت قولۇمنىڭ بارماقلىرى دىگەن 10 ،  كاللام دىگەن ئاران بىر تۇرسا، قانداقلا قىلغىنىم ھىساب بىلەن كەم چىقىۋاتىدۇ.

Aydar

	ھى ھى ھى بەك قىززىقكەن، ھەجەب كاللامغا يۇمۇر كەلمەيۋاتىدۇ دىسە...

Aydar

	مەرۋەرى مۇئەللىم: بىر تەرەپتىن، يەنە بىر تەرەپتىن دىگەنگە جۈملە تۈزەڭ. سايە: مەن بىر تەرەپتىن كىيىمىمنى سېلىپ، بىر تەرەپتىن ئىشتىنىمنى كەيدىم. مەرۋەرى مالىم: زادى كەيدىڭمۇ سالدىڭمۇ؟ مەرۋەرى مالىم: ئۈزۈلمەي، بىرنىڭ كەينىدىن بىرى دىگەنگە جۈملە تۈزەڭ. سايە: ئىشتىن چۈشۈپ دادام ئۈزۈلمەي ئىشىكتىن كىرىپ كەلدى. مالىم: سېنىڭ قانچە داداڭ بار؟ مالىم: ھەم ...ھەم دىگەنگە جۈملە تۈزەڭ سايە: مەرۋەرى مۇئەللىم ھەم ئىگىز، ھەم پاكار، ھەم سىمىز، ھەم ئورۇق. مالىم: دىگىنە؟ مەن زادى قانداق ؟

saye

	ھاھا. مەرۋەرى بوينىدىكى قورۇقلىرىنى كۆپتۇرۇپ قاقشاپ كەتتى دەيلى. سەل ساقلاپ ئۇنىڭكىنى ئاڭلايلى ھە .

جۇلالىق

	مۇشۇ سايەنىڭ كىچىك ۋاقىتلىرى ئىكەن، بىر كۈنى ھەممە بالا قىزىق ئويناۋاتقاندا پەقەت سايەلا مەيۈسلەنگەن ھالدا بوسۇغىدا ئولتۇرۇپتۇ. __ سەن نېمىشقا ئۆيگە كىرىپ باشقا بالىلار بىلەن بىرگە ئوينىمايسەن؟__ دەپ سوراپتۇ بىرەيلەن ئۇنىڭدىن. __ بولمايدۇ، مەن بوۋاقنىڭ رولىنى ئالغان، يەنە كېلىپ تۇغۇلمىغان بوۋاقنىڭ رولىنى ئالغان،__ دەپ جاۋاب بېرىپتۇ سايە.

جۇلالىق

	ئايدار بىر كۈنى ئاشخانىدا تۇخۇم قورۇۋاتقان ئىكەن، ئېرى تۇيۇقسىزلا يۈگۈرۈپ كىرىپتۇ. __ دىققەت قىلىڭ!__ ۋارقىراپتۇ ئۇ،__ دىققەت قىلىڭ! بىر قېتىمدىلا بەكلا كۆپ نەرسىلەرنى پىشۇرۋېتىپسىز! تېز قورۇڭ! تېز! قايماقنى كۆپرەك سېلىڭ. ئەمدى يەنە بىر قېتىم قورۇڭ، ئېھتىيات قىلىڭ! تېز،تېز! ساراڭ بولدىڭىزمۇ؟ تۇز سېلىشنى ئۇنۇتماڭ، ھەر قېتىم ئۇنتۇپ قالىسىز! __ ئالجىپ قالدىڭىزمۇ قانداق؟__ دەپ سوراپتۇ ئايدار كەينىگە بۇرۇلۇپ. __ سىزنى ماشىنا ھەيدەۋاتقاندىكى ھېسياتىمنى چۈشۈنۈپ باقسۇن دەپ شۇنداق قىلدىم،__ دەپتۇ ئېرى ئېغىر بېسىقلىق بىلەن.

Aydar

	ئەپەندىم راستلا بىر قېتىم شۇنداق قىلغان.... شۇنىڭدىن كېيىن بەزى ئىشلارغا قۇماندانلىق قىلىشتىن توختاپ قالغانمەن