(ئاھۇ)يارىمنىڭ دەردى

ئاھۇ

	جېنىمغا قان قىلدىم بەرداشلىقىڭنى ، تىنىمگە جان بىلدىم تىنىقلىرىڭنى . ئاھلىرىم يۇتسىمۇ دەريا سەن دەريا ، باغرىڭغا قويىۋەتتىم بېلىقلىرىمنى . تاغلارنىڭ پەريادى كۆچتى بەستىڭگە ، باغلارنىڭ خازانلىرىنى قويدۇڭ سۈپۈرۈپ . ئېتىڭنىڭ تۇياقلىرىدىن كېلىپ لەرزىگە ، ھايات چاتقاللىرىدىن چىقتىم مەن ئۈنۈپ . قاپقارا كۆزۈمگە لىق تولغان ياشتەك ، تۆكۈلمەي قۇرىدى گۈللەرنىڭ بەرگى . سېغىنىش،سېغىنىش يەنە سېغىنىش ، قەدرىمنى قەدرىڭگە قوشتى ئاخىرى . ئەزىزىم باغرىمغا سەن سالغان ئوتتا ، كۆيمەكتە قىسمەتلەر كۆيمەكتە جاھان . قارىيىپ كۈل بولسۇن،كۈل بولسۇن كۈنلەر ، كۈل بولماي كۆيىمەن ،كۆيىمەن ھامان . گۈللۈك كۆينىكىمنىڭ ئېتەكلىرىگە ، سەھەر شەبنىمىنى يىغىپ قويىمەن . سەن بىر تال ئوقيادەك كەلسەڭ قاراسلاپ ، ئىشىكىم تۈۋىدە كۈلۈپ تۇرىمەن !!! [ ئاھۇ بۇ يازمىنى  2010-يىلى 12-ئاينىڭ 6-كۈنى 16:52  دە تەھرىرلىگەن. ]

Jilwe

	تېمىڭىزغا مۇناسىۋەتسىز بولسىمۇ ئۆزىڭىزنىڭ بىر كۆبلىت شېرىڭىزنى يوللاپ قوياي . مەن بۇرۇن نەلەردە يالغۇز پەرىشان ، سەن بۇرۇن نەلەردە ئوت بولۇپ يانغان . گۇناھ بولسا ئەمدى سېنى سۆيۈپ قالغىنىم ، ئادەم بىلەن ھەۋۋانىڭ بارلىغى يالغان !!!

Aydar

	گۈزەل ئەمما ھەسرەتلىك شېئىر....

ئاھۇ

	ھاياتمۇ ھەسرىتى بولغاچ گۈزەل.

ayqiz

	ھەر قېتىم مۇشۇنىڭغا ئوخشاش ئېسل تېمىلارنى ئوقۇغۇنىمدا ، باشقا مۇنبەرداشلارغا ئوخشاش شېئىرىي تىل بىلەن ئىنكاس قايتۇرالمىغانلىقىمدىن ئەپسۇسلىنىمەن . ( لېكىن مەن ياخشى ئوقۇرمەن )

خۇشچىراي

	شېئېرلىرىڭىز ئادەمنى شۇنداق بىر ھەسرەتلىك ئەسلىمىلەرگە باشلايدۇ ، شېئېرلىرىڭىزنى ياقتۇرىمەن .

ئاھۇ

	ئەسلىمە،ھەر ئادەمنىڭ تارتىىۋالغىلى بولمايدىغان بايلىقى...رەھمەت خۇشچىراي!

ئاھۇ

	ئايقىز،ياقتۇرۇپ ئوقىسىڭىزلا مەن شۇنىڭغا خوشال...

جۇلالىق

	يومۇرماقلار تۆكۈلگەن ۋاقىت، يىراقتىكى يارنى ئەسلىتىدىغان ۋاقىت. ھەر بىر مىسرادىن نۇرغۇن مەنالار تۆكۈلۈپ تۇرىدىكەن. قەلىمىڭىز بەىكەتلىك بولسۇن!

ئاھۇ

	جۇلالىق شېئىردىن ئاجايىپ ھوزۇرلىنىدۇ جۇمۇ كۆز تەگمىسۇن