ئۇنتۇلماس ۋەقە

قايماق

	مەن بىر دوختۇر،ناھىيىلىك دوختۇرخانىدا ئىشلەيمەن. ئالدىنقى كۈنى دادامنىڭ تۇغۇلغان كۈنىنى تەبرىكلەش ئۈچۈن ئۆيگە قايتتىم،ھەممەيلەنگە ئايان،بۇ دوختۇر دىگەن ئاران بىر ئۆيگە قايتقان چېغىدىمۇ بىكار بولالمايدىغان گەپكەن، يەنە كېلىپ ئاز_تولا داڭقى چىققان دوختۇرلارنى كىشلەر بىكار قويماي ئىزدەپ تۇرىدىكەن،(ئۆزۈمنى ھەجەپ ماختىۋالدىم ھە؟ ھې!ھې!)     ئۆيگە كېلىپ كەچلىك تاماقنى ئۆيدىكىلەر بىلەن دەرقەمتە ئولتۇرۇپ يەپ بولغاندىن كىيىن ئۇياق بۇياقتىن پاراڭلىشىپ ئولتۇرۇپ ئۇخلاپ قالدىم.بىر كەمدە ئىشىك چېكىلدى،  كىمدۇ بۇ يېرىم كېچىدە ئىشىك چەككەن؟ ئاپام بېرىپ ئېچىۋىدى قوشنا كەنتتىكى سابىركامكەن. ئايالى نۇرىمانخاچامنىڭ قورسىقى قاتتىق ئاغرىپ ئۆيدە دومىلاپ كەتكەچكە مېنى كۆرۈپ قويامدىكىن دەپ ئىزدەپ كەپتۇ، بۇنداق ئەھۋالدا ياق دېگىلى بولاتتىمۇ؟ ئالدىراپ -تېنەپ سابىركام بىلەن ئۇنىڭ ئۆيىگە ماڭدۇق،غەلىتە يېرى بىز بوسۇغىدىن ئاتلىشىمىزغا موماينىڭ ئاغرىقى توختاپ ساپساقلا بولۇپ كەتتى. تەكشۈرۈپ كۆرۈپ ھېچقانداق كېسەل تاپالمىغاندىن كىيىن قايتماقچى بولدۇم، سائەتكە قارىسام بىر يېرىم بولۇپ قاپتۇ، راستىمنى ئېيتسام  نۇرغۇن جەسەتلەر بىلەن ئۇچراشقان بىر دوختۇرغا ماس كەلمىگەن ھالدا تولىمۇ قورقۇنچاق ئىدىم، جىن،ئەرۋاھ دېگەنلەر تۇرۇپ تۇرسۇن،ئاددىيسى قاراڭغۇدىنمۇ قورقاتتىم ! بىراق بۇ بوۋاي_مومايغا مېنى ئاپىرىپ قويۇڭلار دېيىشىم مۇمكىن ئەمەستە؟ ئامال يوق،ئۇلار بىلەن خوشلىشىپ ئاستا يۈرۈپ كەتتىم...     ئۆيگە قايتىدىغان يولدا بىر پارچە ئورمانلىقتىن كېسىپ ئۆتۈشۈمگە توغرا كېلەتتى،بۇ ئورمانلىق شەپىلىك بولۇپ ،كىشىلەرنىڭ ئاغزىدا بۇ توغرىلىق گەپ-سۆزلەر دائىم ئېقىپ يۈرەتتى، دېمىسىمۇ بۇ ئورمانلىققا بۇرۇندىن تارتىپلا مەھەللىدىكى ئوپچە قەۋرىستانلىققا كۆمۈلۈشكە ئىمكانىيەت بولماي قالغان كىشىلەر (كۆپىنچە كىچىك بالىلار) كۆمۈلىدىغان بولغاچقا بەزىدە ئادەمنىڭ تېنىنى شۈركەندۈرەتتى.     كېتىۋاتىمەن، بەش بارماڭنى كۆرگىلى بولمىغۇدەك سىيادەك قاپقاراڭغۇ كېچىدە قولچىرىغىمنى يورۇتۇپ يۈگۈرگەندەك كېتىۋاتىمەن. ئورمانلىق ئىچىدە پات-پاتلا تېخىچە قىشلىق ئۆچەككە كىرمىگەن بەزى ھايۋانلار يولنىڭ ئىككى تەرىپىدە يۈگرەپ ئۆتۈپ قالاتتى، قىشنىڭ سوغۇق شامىلى قۇرۇغان دەرەخ شاخلىرىدىن قورقۇنچلۇق ئاۋازلارنى چىقىراتتى. قولچىراغنىڭ نۇرى ئالدىمدىكى ئىككى مېتىرغا يەتمەيدىغان دائىرىنى يورۇتۇپ تۇراتتى، دەل شۇ چاغدا ئاپئاق كىيىم كىيىۋالغان بىرئايالنىڭ يولنىڭ ئوتتۇرىسىدا-نەق ئالدىمدىلا قىمىر قىلماي تۇرغانلىقىنى كۆردۈم! ئۇزۇن چاچلىرى مۈرىسىدە يېيىلىپ تۇراتتى، مېڭەمدىن كىرگەن بىر سوغۇق ئېقىم تاپىنىمدىن چىقىپ كەتتى، شۇنداقتىمۇ خاتا كۆرۈپ قالدىممىكىن دەپ يەنە بىر قارىۋېدىم شۇ ھامان يوقاپ كەتتى، ئۇف! قورققانغا قوش كۆرۈنۈپتۇ دېگەندەك كۆزۈمگە شۇنداق كۆرۈنگەن چېغى دەپ ئويلىدىم ۋە بۇرۇن ئاستى پەللەمنى ئۇگىلاپ يولۇمغا ماڭدىم. تۇيۇقسىز بىرسىنىڭ دولامغا يىنىككىنە شاپىلاقلىغانلىقىنى سەزدىم، راست،ھەقىقەتەن شۇنداق بولدى،بىراق كەينىمدە ھېچقانداق ئاياق تىۋىشى ئاڭلىمىغانىدىمغۇ؟ يۈگەرگەن پەدىدە مېڭىۋەردىم،يەنە شاپىلاقلىدى،زور غەيرەت بىلەن كەينىمگە قارىدىم،قارىدىميۇ قاتتىق توۋلىۋەتتىم! چىراي ئىپادىسى ۋە قان دىدارى يوق بىر يۈز! ئۆلۈككىلا ئوخشايدىغان بىر چىراي كۆز ئالدىمدىلا تۇراتتى،ئۇنىڭ كۆزىنىڭ ئىچىدە قارىچۇق يوق ئاپئاقلا بولۇپ، ماڭا تىكىلگىنىچە تۇراتتى، مىدىر-سىدىر قىلالمىدىم، بۇ چاغدا ئۇ سۆزلىدى:       - ماڭا ياردەم قىلىڭ ، بالامنى تۇغالمايۋاتىمەن. مەن نېمە دېيەلەيتتىم؟ قورقۇنچ ئىچىدە ئۇنىڭ كەينىدىن مىخانىك ھالدا ئەگەشتىم. ئۇ لەيلىگەن پەدىسىدە ئورمانلىق ئىچىگە كىردى،بۇيەردە نۇرغۇن كىچىك بالىلار تۇراتتى،ھەممىسىنىڭ چىرايىدا قان يوق،خۇددى ئۆلۈككىلا ئوخشايتتى. ھېلىقى ئايال ئالدىمدا يول ئېچىپ ئۇلارغا ماڭا چېقىلماسلىقنى تاپىلىدى. مەن بىر ئۆينى كۆردۈم،ئۆي دەيمەنغۇ؟ بىر كىچىك ئۆڭكۈر دېسەم توغرا بولغۇدەك، ئىچى تولىمۇ ئاددىي بولۇپ، بىر كارىۋاتتىن باشقا بىرەر ئۈستەل-ئورۇندۇق دېگەنلەر يوق ئىدى، كارىۋاتمۇ بىرنەچچە پارچە تاختايدىن قۇراشتۇرۇپ قويۇلغان بولۇپ،كارىۋات دېگىلىمۇ بولمايتتى، مەن مانا مۇشۇنداق شارائىت ئاستىدا ئۇنى تۇغدۇردۇم، بۇدرۇققىنە بىر ئوغۇل بوۋاق ساق-سالامەت تۇغۇلدى. ئۇ ئايال "دوختۇرغا تىگىشلىك ھەققىنى بېرىشىم كېرەك،بىراق مەندە پۇل يوق، بۇنى ئېلىڭ" دەپ  ماڭا بىر بىلەيزۈكنى تۇتقۇزۇپ قويدى.      ئۇنىڭ ئۆيىدىن چىقىپ ئۆيۈمگە قايتىپ كەتتىم. ئەتىسى بۇ ئىشلارنى ئاپامغا سۆزلەپ بەردىم. ئاپام قاتتىق ھەيران قالدى ۋە:      - بىر نەچچە كۈن ئىلگىرى سابىراخۇننىڭ كېلىنى ئۆلۈپ كېتىپ ئاشۇ ئورمانلىققا كۆمگەن، كۆرگىنىڭ شۇ بولۇپ قالمىسۇن يەنە؟ - دېدى. ئاپامنىڭ ئېيتىشىچە ئۇ كېلىن تۇغۇتى قېيىن بولۇپ ئۆلۈپ كەتكەن ئىكەن. ئۇ كۈنى نۇرىمانخاچام قوشنىلىرى بىلەن پاراڭلىشىپ ئولتۇرغاندا كېلىنىنىڭ تولغىقى تۇتۇپ قاتتىق قىينىلىپ كېتىپتۇ، نۇرىمانخاچام ئەسلىدىنلا كېلىنى بىلەن چىقىشالمايدىغان بولغاچقا "بۇنىڭغا ئەمدى سەككىز ئاي بولدى،تۇغىدىغان ۋاقتى كەلمىدى،بۇ ساراڭ دائىم مۇشۇنداق قەستەن ئۇششۇقلۇق قىلىدۇ،كارىمىز بولمىسۇن" دەپ قوشنىلىرى بىلەن ئولتۇرىۋەرگەن ئىكەن، ئەتىسى بىچارە ئايال تۇغالماي ئۆلۈپ قاپتۇ، نۇرىمانخاچام قوشنىسى داۋۇتنى چاقىرىپ مىيىتنى ھېلىقى ئورمانلىققا ئاپىرىپ كۆمدۈرىۋېتىپتۇ، بۇ داۋۇت دېگەنمۇ ئەسلىدىنلا ئوسال نېمىتى، پۇل ئالغاندىكىن تۈزۈك بىر گۆرمۇ كولىماي بۇرۇنقى بىرسىنىڭ كونا گۆرىگىلا كۆمۈپ قويۇپتۇ. سابىركام بۇ ئىشلارغا قاراپ تۇرالماي ئوغۇرلۇقچە بېرىپ بىر پارچە تاختاينى مىيىتنىڭ ئاستىغا سېلىپ قويۇپ قايتىپ كەپتۇ.  ئاپامدىن بۇ ئىشلارنىڭ تەپسىلاتىنى ئاڭلىغاندىن كىيىن ئويلىنىپ قالدىم،ئەجىبا ماڭا ئۇچرىغىنى راستىنلا سابىركامنىڭ كېلىنىمىدۇ؟      دادامنىڭ تۇغۇلغان كۈنىنى ئۆتكۈزۈپ بولغاندىن كېيىن مەن كېچىلەپ دوختۇرخانىغا قايتماقچى بولدۇم، مېنىڭ دادام ئاپىرىپ قويدى، ھېلىقى ئورمانلىقتىن ئۆتكەندە مەن ئۇنى يەنە ئۇچراتتىم،ئۇ يول بويىدا تۇرۇپ كىچىك جىنلارنى قوغلاپ بىر ئۈچۈن يول ئېچىپ بېرىۋاتاتتى. ئورمانلىقتىن چىقىدىغان چاغدا مەن كەينىمگە قارىدىم،ئۇ يېنىمدىلا تۇراتتى، ئۇ ماڭا رەھمەت ئېيتتى ، مەنمۇ ئۇنىڭغا رەھمەت ئېيتتىم ۋە دادام قايتىپ كېتىدىغان چاغدا ئۇنىڭغىمۇ غەمخورلۇق قىلىپ قويۇشىنى ئۆتۈندۈم، ئۇ ماقۇل بولدى ۋە ئۆزىنىڭ باشقا ھېچكىمگە چېقىلمايدىغانلىقىنى ھەتتا ئۆزىگە زىيانكەشلىك قىلغانلاردىن ھېساب ئېلىش نىيىتىدىنمۇ ۋاز كەچكەنلىكىنى ، ھازىر پەقەت بالىسىنى ياخشى بېقىشنىلا ئويلايدىغانلىقىنى ئېيتتى. ئويلاپ قالدىم،بىز شۇنچىۋالا قورقىدىغان جىنلار بەزى ۋاقىتتا بەزى ئىنسانلاردىن ياخشىراق ئىكەن...

خۇشچىراي

	بۇ راس ۋەقەلىكمۇ ياكى ئويدۇرمىمۇ ؟ ئۇنتۇلماس ۋەقە دەپسىز ، لىكىن جىن راس بارمىكەن ؟ ئۇ جىن راس نۇرىمانخاچىنىڭ كىلىنىمىكەن ؟

قايماق

	تەرجىمە،مەنبەسى يوق.

ياپراخ

	بۇ ھىكايىنى قوقۇش ئىچىدە ئوقۇپ تۈگەتتىم! توۋا بۇ بىر ئويدۇرمىدۇ ھە؟!

nazinin

	"جىننىڭ گېپىنى قىلساڭ ،جىن كېلىدۇ" دېگەن گەپ بار ،ماۋۇ سورۇندىن ئاستا چىكىتىۋالاي .

tabassum333

	توۋا-.......... مەن بەكلا قورقۇنچاق،   مۇشۇ تاپتا ئەتراپىمغا تولا قاراپ ئولتۇرالماي قىلىۋاتىمەن، ۋاي ئاللا  .....خۇددى كەينىمدىن كىلىپلا مورەمگە ئۇرىدىغاندەك. ئەڭ ياخشىسى تىزراق چىكىنەي،مىنى يوق دەپ قويۇڭلار ھە----

Huxnizad

	ۋاي ئاللا، ئەمدى كەچ ئىشتىن چۈشسەم قانداقمۇ كېتەرمەن ئۆيۈمگە؟

ayqiz

	ۋاي ئاللا قورقۇنۇش ئىچىدە ئاران ئوقۇپ تۈگەتتىم   ماڭا ئەتە چوقۇم قوقاق چىقىپ قالىدۇ .

خۇشچىراي

	تەرجىمە قىلىنغان ئەسەر دەڭە ، مەن تېخى سىزنىڭ بېشىڭىزدىن ئۆتكەن ئىشمىكىن دەپتىمەن .

باغرىم

	تۇغۇر دوختۇرى بولغانمۇ ياخشىمۇ نېمە ھە ...