ئايالنىڭ ئۈچ تىلىكى

خەندان

	بىر كۈنى، بىر ئايال گولف توپ ئويناۋېتىپ، توپنى كۈچەپ ئۇرىۋەتكەنلىكتىن، ئويلىمىغان يەردىن ئورمانلىققا ئۇچۇرۋېتىپتۇ. ئۇ ئورمانلىققا كىرىپ يۈتۈپ كەتكەن توپىنى ئىزدەۋېتىپ، دەرەخ كامىرىغا كىرىپ قېلىپ چىقالمايۋاتقان بىر پاقىنى كۆرۈپ قاپتۇ. پاقا ئايالغا: - ئەگەر مېنى دەرەخ كامىرىدىن قۇتۇلدۇرۇپ چىقسىڭىز، سىزنىڭ ئۈچ تىلىكىڭىزنى ئورۇنلاپ بېرەتتىم،- دەپتۇ. ئايال پاقىنى قۇتۇلدۇرۋاپتۇ. پاقا ئايالغا مىننەتدارلىقىنى بىلدۈرۈپتۇ ۋە: -رەھمەت سىزگە! بىراق بايا سىزگە دىيىشنى ئۇنتۇپتىمەن، سىزنىڭ ھەر قانداق تىلىكىڭىزنىڭ قوشۇمچە شەرتى بار، ئۇ بولسىمۇ سىز نىمىگە ئېرىشمەكچى بولسىڭىز، ئېرىڭىزمۇ تىلىگەن نەرسىلىرىڭىزنىڭ ئون ھەسسىسىگە ئېرىشەلەيدۇ،- دەپتۇ. ئايال بۇنى ئاڭلاپ: - كېرەك يوق. بىرىنچى تىلىكىم دۇنيادىكى ئەڭ گۈزەل ئايال بولغۇم بار،- دەپتۇ. پاقا ئايالنى ئەسكەرتىپ« سىزنىڭ بۇ تىلىكىڭىز ئېرىڭىزنىمۇ سىزدىن ئون ھەسسە چىرايلىق  دۇنيادىكى ئەڭ كېلىشكەن ئەر قىلىۋېتىدۇ، پۈتۈن ئاياللار ئۇنى قوغلىشىدۇ» دەپتۇ. ئايال: - كېرەك يوق، چۈنكى مەن دۇنيادىكى ئەڭ گۈزەل ئايال، شۇڭا ئۇنىڭ نەزىرىدە ئەلۋەتتە مەنلا بولىمەن. پاقا بىر ئەپسۇن ئوقۇپتىكەن، ئايالنىڭ بىرىنچى تىلىكى ئەمەلگە ئېشىپتۇ. -ئىككىنچى تىلىكىم دۇنيادىكى ئەڭ باي ئايال بولۇش،- دەپتۇ ئايال. پاقا يەنە ئەسكەرتىپتۇ: - بۇ تىلىكىڭىزمۇ ئېرىڭىزنى دۇنيادىكى ئەڭ باي ئەر قىلىۋېتىدۇ، ھەتتا ئۇنىڭ بايلىقى سىزنىڭكىدىن ئون ھەسسە كۆپ بولىدۇ،- دەپتۇ. ئايال: - كېرەك يوق، مېنىڭ بايلىقىم ئۇنىڭ بايلىقى، ئۇنىڭ بايلىقى مېنىڭ بايلىقىم. پاقا بىر نەچچە ئېغىز ئەپسۇن ئوقۇشى بىلەنلا ئايال ئىككىنچى تىلىكىگىمۇ يېتىپتۇ. پاقا ئايالدىن سوراپتۇ: - قېنى ئېيتىڭە، سىزنىڭ ئەڭ ئاخىرقى تىلىكىڭىز نىمە؟ چوقۇم ياخشىراق ئويلىنىڭ، نىمىگىلا ئېرىشمەڭ، ئېرىڭىز سىز ئېرىشكەن نەرسىلەرنىڭ ئون ھەسسىسىگە ئېرىشىدۇ،- دەپتۇ. ئايال بىر ئاز ئويلىنىۋالغاندىن كېيىن پاقىغا : - مېنىڭ يېنىك دەرىجىدىكى يۈرەك كېسىلى بولغۇم بار،- دەپتۇ. مەنبە:يەر شارى ۋاقتى گېزىتىدىن تەرجىمە قىلىپ ئېلىندى ئاپتور: ئاقىللار مۇنبىرىدىن ئايبەرچىن

جۇلالىق

	ما ئايالنىڭ كاللىسسى جايىدا ئەمەستەك.

anar

	ھا ھا ھا .....مەرىمما بۇ ؟

مەرۋەرى

	anar بۇ يازمىنى 2010-يىلى 9-ئاينىڭ 1-كۈنى 09:55 دە يوللىغان ھا ھا ھا .....مەرىمما بۇ ؟ ئەقىللىق بولسىلا ماڭا ئوخشىتامسىز ئانىرىم

anar

	سەل ئەقلى ئېشىپ كەتكەنلەرنى كۆرسەملا سىز كۆز ئالدىمدا پەيدا بولىسىز جانىم

مەرۋەرى

	anar بۇ يازمىنى 2010-يىلى 9-ئاينىڭ 1-كۈنى 10:01 دە يوللىغان سەل ئەقلى ئېشىپ كەتكەنلەرنى كۆرسەملا سىز كۆز ئالدىمدا پەيدا بولىسىز جانىم بوپتۇ~ ياخشى ئىشلاردا كۆپرەك ئويلاپ تۇرۇڭ!

saye

	ما يۈرەك سەل بىنورمال تۇرىدۇغۇ. كىم قارغىۋەتكەندۇ مېنى

anar

	ھا ھا ھا ....ئۆزىڭىزدىن كۆرۈڭ سايەم ، ياندىكى ھىسىپنىڭ قەدرىنى قىلمىسڭىز شۇنداق يۈرەك ئاغرىيدۇ ھە راست ، مەرىم ئىككىمىز چۈشتە گولىف توپ ئوينىغىلى بارىمىز

saye

	گولىف توپ؟ ئۆيدە كىر قات يۇيامسىلەر،  ئۆينى سۈرتەمسىلەر. مۇنداق ئىنسانىيەتكە پايدىلىق  ئىش قىلساڭلار بولمامدۇ ھەي . نىمە قويۇپتۇ ئەمدى سىلەر ئىككىڭلارغا گولىف توپ  ئوينايمەن دەپ، چۈشەنمىسەڭلار ئۇنى...بولدى بارماڭلار. گولىف توپ ئوينىغاننىڭ ئورنىدا بىرەر گۈللۈك كەشتە قىلىپ بولىسىلەر. گەپ ئاڭلاڭلار ھە .

ئەل_قىزى

	ئاياللارنىڭ گۈزەل تىلىكى ھەقىقەتەنمۇ كۆپ.