سەككىز جەننەت ھازىر

باغرىم

	-- مۇھەممەد ئەلى ئەشمەلى مۇھتاجسەن شەپقەتكە سەنمۇ ئەي يارەن ، گۈل شېخىدا تىكەن بولما ، شەبنەم بول ! گەر كىشى قانىتىنى سۇنغاندەك كۆرسەڭ ، يارىسىنى ئاغرىتما ۋە مەلھەم بول ! قورۇق لۆڭگە تۇتالمايدىغان قوللار بار ، ئازاۋىنى دېيەلمەيدىغان تىللار بار . ھەم پېقىر ، ھەم ئاجىز كۆپ بەندىلەر بار ، بارغىن ، ئۇلارنى خوشال قىپ ، كېرەم بول ! ۋىژدان بول يېتىمگە ، جان بول يالغۇزغا ، چىقارغىن چوڭقۇردا قالغاننى تۈزگە . يوقسۇللۇق چۆلىدە قورۇلغان يۈزگە ، بارلىقىڭ ئىلە سالقىن شامال بول ! گەر كىمكى ئىچسە بېخىللىق زەھىرىنى ، چۆكتۈرگەي ئۇنى غېرىپلارنىڭ ئاھۇ دەرياسى . بۇلۇڭ - پۇشقاقلارنى كەز ، سەھرا ۋە شەھەرنى ، ئاچلارغا نان ، سۇسىزلارغا زەمزەم بول ! ياخشىلىق قىل ، دېڭىزغا تاشلا ، ئاداش ، كۆزى كۆرمەس بېلىقلار دېسىمۇ تاش . ياراتقۇچى يېتەر ساڭا ، ھالىڭغا سىرداش ، سەككىز جەننەت ھازىر ، سەن مېھمىنى بول ! بايمۇ ھەم پېقىرمۇ  ئاللاھ ئالدىدا بىر ، ھەسەت قىلما ، خار كۆرمە ، بۇ ئاللاھ ئەمرىدۇر . ياردەم قىلغاننى ئاللاھ سۆيدۈرىدۇ ، سەنمۇ ئەي سەيرى ، بۇ سۆيگۈگە مەھرەم بول !

مەرۋەرى

	كەلگەن قەدىمىڭىزگە ۋە ئېلىپ كەلگەن ئېسىل تېمىڭىزغا مەرھابا دوستۇم! داۋاملىق قەدەم تەشىرىپ قىلىپ تۇرىشىڭىزنى ئۈمىد قىلىمەن !

جۇلالىق

	باغرىم خانقىزنىڭ يەتتە قىزلىرىمغا كەلگەن قەدىمىگە مەرھابا! ئاللاھ ھەممىمىزگە ياخشىلىق ئاتا قىلغاي! قىلغان ياخشىلىق مەڭگۈ ئۇنتۇلمايدۇ.

saye

	كېلىپسەن قەدەم تاشلاپ باغرىم، كەل ئولتۇر يېنىمدا قوپماس بول. چېكەمگە قىسقىنىمدا زەپ يارىشىپ، كۈندە باھار ئەيلە توزىماس بول .

نالەن

	ۋاي سايە مومايلارغا شېئىر قاتسىڭىز ئەجەپ تۇرىدىكەن، مانا شېئىر دىگەننى بىزدەك ئوت يۈرەك ياشلارغا يازىسىز جۇمۇ

saye

	ئۈمۈدۋار بولۇڭ، سىزگىمۇ يازىدىغان ئادەم چىقىدۇ. مېنىڭ بۇ " تېما" ئىچىدىكى شئېرلىرىم باغرىمغا خاس .

باغرىم

	saye بۇ يازمىنى 2010-يىلى 9-ئاينىڭ 1-كۈنى 10:53 دە يوللىغان كېلىپسەن قەدەم تاشلاپ باغرىم، كەل ئولتۇر يېنىمدا قوپماس بول. چېكەمگە قىسقىنىمدا زەپ يارىشىپ، كۈندە باھار ئەي ... يېنىڭدا قوپماي ئولتۇرغۇم بارتى ، بىراق سومالىدىكى ھېلىقى تاشنى ئويلاپ قالدىم ...   يەنىلا يىراقراق ئولتۇراي ~

جۇلالىق

	نالەن ئىچى تارلىق قىلمايلى. سىزگە ئاتاپ شېئىر يازىدىغان يىگىتتىن بىرسى ھېلى چىقىدۇ.