ھېس قىلىشنى بىلسىلا، بەخىتنى ئىزدەش كەتمەيدۇ

زەپەر

	پادىشاھنىڭ بىر ئىشقا ئىنتايىن ئىچى تىتىلداپتۇ. چۈنكى ئۇنىڭ چېچى تۇتاملاپ چۈشۈپ كېتىشكە باشلاپتۇ. ئوردا ئەمچىلىرىمۇ ئامال قىلالماپتۇ ھەم ھېچقانداق رېتسىپمۇ داۋا قىلماپتۇ.شۇنداق قىلىپ، پادىشاھنىڭ چېچىمۇ چۈشۈپ تۈگەپتۇ. پادىشاھ ،"مەن بىر مەملىكەتنىڭ  باشپاناھى تۇرۇپ، بېشىمدىكى چېچىمنىمۇ ساقلاپ قالالمىسام، يۈزۈم چۈشۈپ كەتمەمدۇ " دەپ ئويلاپتۇ.ۋە خانىشقا مۇنداق دەپتۇ: "ھەرقېتىم يېشى مەندىن چوڭ، ئەمما چاچلىرى قويۇق تۇرغان ئەمىرلەرنىڭ ماڭا قاراپ كۈلگىنىنى كۆرسەملا، ئۇلار خۇددى مېنى زاڭلىق قىلىۋاتقاندەك بىلىنىپ، ئۇلارنى ئۆلۈمگە بۇيرىغۇم كېلىدۇ" دەپتۇ. بۇ گەپ تارقالغاندىن كېيىن ئوردىدىكى ئەزەلدىن تاز بىر نەچچىسىدىن باشقىلارنىڭ ھەممىسى كۈلۈشكىمۇ پېتىنالمايدىغان بولۇپ قاپتۇ.خانىش بىر ئامال ئويلاپ تېپىپتۇ - دە، پادىشاھقا 'نېمىشقا ئاشۇ تازلارنىڭ ھەممىسىگە يۇقىرى ئەمەل بېرىپ ئەتىۋارلاپ ئىشلەتمەيلا؟" دەپتۇ.شۇنىڭ بىلەن پادىشاھ خانىشنىڭ دېگىنىدەك قىلىپتۇ.تازلار يۇقىرى دەرىجىلىك ئەمەلدار بولغاندىن كېيىن، پادىشاھنىڭ كەيپىياتىمۇ كۆتۈرۈلۈپ قاپتۇ ۋە " تاز بولسا يۇقىرى ئەمەل تۇتقىلى بولىدۇ، چېچى بارلار تېخى تازلارچىلىك بولالمايدۇ، تاز بولىمەن دەپمۇ بولالمايدۇ، تاز بولغاننىڭ نەرى يامان " دەپ ئويلاپتۇ. ئەمەلىيەتتە،ئادەملەرنىڭ نۇرغۇن خۇشاللىقلىرى "ئوخشاش"لىق ئۈستىگە قۇرۇلغان بولىدۇ.مەسىلەن،بىز بىر ئائىلە كىشىلىرى، بىر مەملىكەتنىڭ پۇقرالىرى، ئوخشاش بىر خىل كىشىلەر بولغىنىمىزدەك...... تۇرمۇش مەيلى قانچىلىك باياشاد ياكى قانچىلىك ئاددىي بولۇشىدىن قەتئىينەزەر ھەممىسىدە ئۆزىگە لايىق خۇشاللىق مەۋجۈد. تۇرمۇشتىكى بەزى نەرسىلەرنى ئۆزگەرتىش ھەقىقەتە تەس، ئاسان ئۆزگىرىدىغىنى ئادەمنىڭ كۆڭلى. نېمىگە ئېرىشسەك ياكى نېمىدىن مەھرۇم قالساقمۇ، ئۆزخۇشاللىقىمىزنى تاپالىساقلا بەخىتنى ھېس قىلالايمىز.

ئاھۇ

	ھېس قىلىشنى بىلسىلا، بەخىتنى ئىزدەش كەتمەيدۇ....

قەھۋە

	بۇ تېمىنى كۆرۈپلا ماڭا چۈشكىدەك، دەپلا ئويلىدىم. توغرا، ئەسلىدە بەخىتنى ھېس قىلالىساقلا، ئىزدەش كەتمەيدىكەن. گەپ بىزنىڭ ئۆز ۋاقتىدا ھېس قىلىش-قىلالماسلىقتا. پۇرسەت كەتكەندىن كېيىن قەتئى كەلمەيدۇ. شۇنداقلا باشقىلار تەرىپىدىن سۆيۈلۈشنىڭ ئۆزى بىر گۈزەل ھېسسىيات ھېسابلىنىدۇ.

esil

	ۋاي خودا كۆزدىن كەتتمىمۇ نىمە ؟  نىمىشقا ھىساپ قىلىشنى بىلسلا بەخىت ئىزدەش كەتمەيدىغاندۇ دەپ ، ھەممىنى ئوقوپ بولغاندا ھىچ  مەزمۇنى توغرا ئەمەس ..كۈزۈمنى ئۇلىۋىتىپ قارسام ھىس قىلىشكەنغۇ `````````

خۇشچىراي

	ھىچقىسى يوق ئىسىل ، مۇنبەردە خەتنى خاتا ئوقۇۋېلىش مودا ھازىر .