ئاشلىقلارنىڭ شىپالىق خۇسۇسىيەتلىرى

خۇشچىراي

	بۇغداي ئۇنى  شىپالىق رولى: ھەر قانداق مىجەزدىكى كىشىلەرنىڭ ئىستىمال قىلىشىغا ماس كىلىدۇ. بۇغداينىڭ تەرىپى ھەققىدە ھەكىم سۇلتان ئەلى دەستۇرۇلئىلاج ناملىق كىتابىدا مۇنداق دېگەن ئىكەن: غىزانىڭ ئوبدىنى ئاپەت تەگمىگەن پاكىزە بۇغداي ئۇنىدىن يېقىلغان ناندۇر. قوناق ئۇنى تەبئىتى:  قۇرۇق سوغۇق شىپالىق رولى: ئىشتىھانى ئاچىدۇ. ماينى پارچىلايدۇ. قان بېسىمنى چۈشۈرىدۇ. گۆش - ياغنى كۆپ ئىستىمال قىلىدىغان كىشىلەرنىڭ مىجەزىگە تولىمۇ ياقىدۇ. زىيانلىق تەسىرى: ئاشقازان سوۋۇپ كەتكەن، ئاشقازان 12 بارماق ئۈچەي يارىسى بار كىشىلەردە مەيدە ئىچىشىش، سۇ يىنىش، ئىچى سۈرۈش دېگەندەك ئەھۋاللار كۆرۈلىشى مومكىن. ئۇندىن باشقا بۆرەك، مەزى بېزى كېسىىلى بىلەن ئاغرىغان، زىيادە ئورۇق كىشىلەرنىڭ ئىستىمال قىلىشىغا ماس كەلمەيدۇ. گۈرۈچ تەبئىتى : قۇرۇق سوغۇق شىپالىق رولى: گۈرۈچ تائاملىرىنى كۆپ ئىستىمال قىلىپ بەرگەندە ياخشى خىلىت ۋە ياخشى قان ھاسىل قىلىدۇ. چىرايىنى گۈزەللەشتۈرىدۇ، ئۇيقۇ كەلتۈرىدۇ، ئۇسسۇلۇقنى قاندۇرىدۇ. ئىچ سۈرۈشنى توختىتىدۇ. زىيانلىق تەسىرى: ئاشقازان كېسىلى بارلار ، بۆرەك، دوۋساقتا تاش بار بىمارلار ئىمكان بار گۈرۈچ تائاملىرىدىن پەرھىز تۇتقىنى ياخشى. ئارپا ئۇنى تەبئىتى: قۇرۇق سوغۇق شىپالىق رولى: يەل ھەيدەيدۇ، باھنى قوزغايدۇ. قان بېسىمنى نۇرماللاشتۇرىدۇ. چىرايىنى پارقىرتىدۇ. سۈت بېزى ياللۇغى، ئۆپكە سىلى، جىگەر ياللۇغى، دىئابىت بىمارلىرى ئارپا ئۇنىدىن قىلىنغان غىزالارنى ئىستىمال قىلغان ئەبزەلدۇر. تېرىق ئۇنى تەبئىتى : قۇرۇق سوغۇق شىپالىق رولى: سۆڭەكنى چېڭىتىدۇ. ئىچى سۈرۈشكە شىپا بولىدۇ.

دىلەيسەم

	پايدىلىنىش قىممىتى بولغان تۇرمۇش بىلىملىرىدىن خەۋەردار قىلغان خۇشچىراي خانىمغا رەھمەت

ئاھۇ

	ئاشلىقلارنىڭ دېگەن خەتنى،ئاشىقلارنىڭ دەپ ئوقۇپتىمەن توۋا

ayqiz

	بۈگۈن تېخى خۇشچىراي مۇنبەردە يوق ئىكەن نىمىش قىلىۋاتقاندۇ دەپ ئويلىغان ئىدىم ، ئەسلى بىزلەر ئۈچۈن توختىماي ئىزدىنۋاتقان ئىكەنسىز رەھمەت .

Jewlaniy

	ئاھۇ بۇ يازمىنى 2010-يىلى 12-ئاينىڭ 3-كۈنى 21:45 دە يوللىغان ئاشلىقلارنىڭ دېگەن خەتنى،ئاشىقلارنىڭ دەپ ئوقۇپتىمەن توۋا مېنىڭمۇ كۆزۈمدىن چاتاق چىققان چىغىۋا

tiwix

	توۋا  بۇنداقمۇ  ئوخشاشلىق  بولامدۇ مەنمۇ  "ئاشىقلارنىڭ " دەپ كۆرۈپ  كىرىپتىمەن كىرگەنگە  چۇشلۇق مانا  بىر  نەچچە  ساۋاتلىق  بوپ  قالدىم ، رەخمەت  ، ئەجرىڭىزگە ................

جۇلالىق

	پانا ماۋۇلارنى ۋوي جامائەت................... ئاشىق تېمىسىغا ئۇنچە زار بوپ كەتمەڭلار دەيمەن.

tiwix

	ھى ھى ھى ھى ، بۈگۈنمۇ  شۇنداق  كۆرۈندى كۆزۈمگە بىزنىڭ  كۆزدە  ئەمەس  گەپ  ،گەپ  مۇشۇ  تېمىدا  جانىم

قەھۋە

	مەنمۇ ئاشىق دەپلا  كۆرۈۋېلىپ ئىتتىك كىرگەنىدىم، نېمە بولۇۋاتىدۇ ئادەم مۇشۇ كۈندە. [ Coffee بۇ يازمىنى  2010-يىلى 12-ئاينىڭ 5-كۈنى 21:15  دە تەھرىرلىگەن. ]

خۇشچىراي

	<<ئاشلىقلارنىڭ  >> دەپ شۇنچە يوغان تۇرسا ، كۈزۈڭلارغا بارىكاللا .