مۇساپىرەت قىلغان دوستۇمغا !

Erkman

	نەچۈن قاقشاپ ياشايسەن بەرگىنىگە شۈكرى قىل، كۆزۈڭ يورۇغ دۇنيانى كۆرگىنىگە شۈكرى قىل. شىۋىرلىغان مايسىلار گىلەم بولدى يولۇڭغا، ئېقىن سۇلار ئۆيۈڭگە كەلگىنىگە شۈكرى قىل. باشىن ئېگىپ دەرەخلەر، يۈز مىڭ نازۇ - نېمەتلەر، دەستۇرخاننى تولدۇرۇپ تۇرغىنىغا شۈكرى قىل. باھار بىلەن قوشۇلۇپ، دەرۋازاڭغا باش ئۇرۇپ، ئايۋانىڭغا قارلىغاچ قونغىنىغا شۈكرى قىل. سىقىمدالغان قولىدا يۇرت تۇپرىغى بالاڭنىڭ، گۈس-گۈس قەدەم تاشلاپ، يۈرگىنىگە شۈكرى قىل. تاغلىرىڭنى چىڭ ساقلا ، قۇملىرىڭنى سىقىمدا، دېڭىز - ئوكيان تەمەسى ساڭا ياتتۇر شۈكرى قىل. تەمتىلەيدۇ ئوغلانىڭ، تەمتىرەيدۇ پەرزەنتىڭ، سەن بولمىساڭ يانىدا شۈكلەپ قالار شۈكرى قىل. پوتلا بولغان چوكانتال تىرگەنلەردە يەلپۈنەر ، سەن بولمىساڭ ھىدلىرى ھىدلىنالماس شۈكرى قىل . كۆپ قارىدىم يولۇڭغا ، ئىككىلا كۈن دېۋىدىڭ ، ئىشى چىقتى دەپتىمەن ، ئەمدى بولدى شۈكرى قىل . بۇرادەرلىك قېرىماس ، ئامان بولساق دەپتىمەن ، ئاتلاپ بوپسەن بوسۇغا مۇساپىر بوپ شۈكرى قىل . ئىزدەپ بارغان بولغىيدىڭ ، شاھمەشرەپنىڭ ئىزىنى، ساڭا ھازىر تەشنادۇر پەرزەنت قەلبى شۈكرى قىل . تىلغانغاندۇر شۇ تاپتا جىگەرلەرىڭ ، تىللىرىڭ ، تىلغىمىغىن پەرزەنتنىڭ جىگەرىنى شۈكرى قىل !

ئاھۇ

	شېئىرنى ئوقۇپ بولۇپ كۆزۈمنى بوش يۇمۇپ ئۇھ دېدىم.

ulughbik

	ئەركمان ئاغا   ئىسىل يازمىدىن بەھرىلەندۇرگىنىڭىزگە تەشەككۇرلەر بولسۇن

مەرۋەرى

	ئەركمان ئاكا ئېسىل تېمىڭىزغا تەشەككۈر! سىرتتىكى ئاپپاق قارغا قاراپ بۇنىڭدىن ئىككى يىل بۇرۇنقى 12- ئايدىكى بىر قارلىق كېچە ئېسىمگە كەلدى

nazinin

	ئاللا شۇكرى قىلغانلارغا نىممىتىمنى ئايىمايمەن دېگەن ئىكەن . مۇشۇ كۈنلەرگە مىڭ شۈكرى . Erkmanئەپەندىم ئەسكەرتىپ قويغىنىڭىزغا رەھمەت ،بۇ مىسرالىرىڭىز بەك ئېسىل چىقىپتۇ .

Erkman

	مەرۋەرى بۇ يازمىنى 2010-يىلى 11-ئاينىڭ 30-كۈنى 23:02 دە يوللىغان ئەركمان ئاكا ئېسىل تېمىڭىزغا تەشەككۈر! سىرتتىكى ئاپپاق قارغا قاراپ بۇنىڭدىن ئىككى يىل بۇرۇنقى 12- ئايدىكى بىر  ... قارلىق كېچىدە خىيالىمدا نۇرغۇن كەچمىشلەر كېزىدۇ ، نۇرغۇن دوست-قېرىنداش يادىمغا يېتىدۇ ، قىسمەتلىك كېچىدە قىيامەتلەر يۈز بېرىدۇ! بۇ ئىلگىرىكى لىنىيەدە ھۆرمەتكە سازاۋەر بىر بۇرادەرچاققا بېغىشلانغان مىسرالار ئىدى !

جۇلالىق

	ئەرىكمان ئاكام ئېسىل سوۋغىلارنى ئەكىلىدۇ. نۇرغۇن ئىشلارغا شۈكرى قىلماي بولمايدىكەن.ئۆتمۈشنى ئەسلىسەڭ نۇرغۇنلىغان كەچمىشلەر كىنو لىنتىسىدەك كۆز ئالدىڭدىن بىر-بىرلەپ ئۆتۈشكە باشلايدۇ. ئەنە شۇ ۋاقىتتا ئۆزۈمنى خېلى ياشقا چوڭدەك قېرىپ كەتكەندەك ھېس قىلىپ قالىمەن. خىياللار ئىلكىدىن ئويغانسام مەن يەنىلا ھازىرقىدەك شۇ پېتى تۇرىمەن.

Yalchin

	يەر يۈزىنى ئاران-ماران ياپقان قاردا مۇنچىلىك گۈزەل قۇرلار قاتۇرۇلغان يەردە بۈگۈن كېچە ياغماقچى بولغان قاردا يەنە قانچىلىك نادىر قۇرلار تۆكۈلەركىن؟

Erkman

	ماڭا ئۇچۇر يازغانلارغا جاۋاب : بەزىدە Invalid input دېگەن مۇشۇ خەت چىقىۋېلىپ ئۇچۇرنى زادىلا كۆرەلمەيمەن، ھازىرمۇ شۇنداق بولۇپ قالدى !