شەيتانلارغا ئىتاھىتىم يوق(دىلداش)

deldax

	ئاپتۇر:كامىلجان ناسىر(دىلداش) ماڭا قىلما ساقتا تەبەسسۇم، قىلغۇم يوق ھېچ دىلنى جاراھەت. ئىنىق بولغاچ سۆيگۈ نەپرىتىم، شەيتان ئۈچۈن يوقتۇر ئىتاھەت. چەكمە كۆڭلۈم رۇچجەكلىرىنى، سېھرىڭ بىلەن باقما كۆزۈمگە. ساقتا ھىسكە مەڭگۈ مەيلىم يوق، كىر قوندۇرماي ئۆتەي يۈزۈمگە. غۇرۇر-ۋىجدان ماڭا قۇماندان، ئادىمىلىك ئۆلچەم ئىشىمغا. قەدىمىڭنى توختات،كەلمىگىن، چىۋىن چۈشسە بولماس ئېشىمغا. تەقۋادارلار سەپىدە ئورنۇم، ئازغۇنلۇقتىن يىراقمەن يىراق. مەس بولمىغىن كۈيلىرىم ئۈچۈن، تامالاردا باغلاپ ئىشتىياق. يىراق تۇرغىن ئۆتۈنەي سەندىن، تەڭلىمىگىن سېھرىي قارماقنى. كۆزسالمىغىن ئۆتسەم ئىشكىڭدىن، مىنىپ ماڭسام مەغرۇر ئاغماقنى. ئاپتۇر:كامىلجان ناسىر(دىلداش)قەشقەر يېڭشەھەر ناھيسىدە شىپاگەر. ئاپتۇرنىڭ ئەسكەرتمىسى - مىنىڭ تىمىلىرىمنى رۇخستىمسىز باشقا مۇنبەرگە كۈچۈرۈشكە،خالىغانچە ئۆز نامىدا كۈچۈرۋىلىشقا بولمايدۇ.

tiwix

	deldax بۇ يازمىنى 2010-يىلى 11-ئاينىڭ 28-كۈنى 22:23 دە يوللىغان ئاپتۇر:كامىلجان ناسىر(دىلداش) غۇرۇر-ۋىجدان ماڭا قۇماندان، ئادىمىلىك ئۆلچەم ئىشىمغا. قەدىمىڭنى توختات،كەلمىگىن، چىۋىن چۈشسە بولماس ئېشىمغا. ھەجەپ  يىنىك لىكىن  چوڭقۇر  مەنىلىك  شېئىركەن  بۇ ~ قەلىمىڭىز  ھەرگىزمۇ  ھېرىپ  قالمىغاي قولىڭىز  كىسەلمەنلەرگە  شىپا  بولسا   قەلىمىڭىز  مۇنبەر ئەھلىگە .......

مەرۋەرى

	توغرا دەيسىز تىۋىش، مۇشۇنداق قەلەمكەشلىرىمىزنىڭ ئەمگىكىنى قانداق قىلىپ قوغدىساق ئەرزىيدۇ جۇمۇ، دىلداشنىڭ قەلىمىگە بەركەت تىلەيمەن!

deldax

	تىمامنى ياقتۇرغانلىقىڭلاردىن خۇرسەنمەن