ئورۇقلاشنىڭ بەش خىل ئەپچىل ئۇسۇلى。

خۇشچىراي

	ئورۇقلاشتا تاماقنى مۇۋاپىق يېگەندىن سىرت ، ھەرىكەت قىلىش تېخمۇ مۇھىم بولۇپ ، جاپالىق چېنىقىش كېرەك . ئامېرىكىدىكى داڭلىق مودا ژۇرنال «چوڭ مەركىزى شەھەر»دە يېقىندا ئېلان قىلىنغان بىر ماقالىدە ئورۇقلاشنىڭ بەش خىل ئەپچىل ئۇسۇلى تونۇشتۇرۇلغان بولۇپ، سىناپ بېقىشقا ئەرزىيدۇ. 　　1. ھەركەت قىلىشتىن ئىگىرى بىر ئىستاكان سوغۇق سۇ ئىچىش. «تەنھەرىكەت مېدىتسىناسى ۋە پەنلىرى» ژۇرنىلىدا ئېلان قىلىنغان بىر يېڭى تەتقىقات داكىلاتىدا مۇنداق دېيىلگەن: بەدەن چېنىقتۇرۇشتىن ئىلگىرى، بولۇپمۇ تېمپېراتۇرا بىر قەدەر يۇقىرى ئەھۋالدا، بىر ئىستاكان سۇ ئىچىپ بەرسە، ئون مىنۇت ئارتۇق يۈگۈرگىلى بولىدۇ. سوغۇق ئىچىملىك ھەركەت قىلىشتىن ئىلگىرى بەدەن تېمپېراتۇرسىنى تۆۋەنلىتىشكە پايدىلىق بولۇپ، سوغۇق ئىچىملىك ئىچكەندە ھەركەت قىلىش ۋاقتىنى ئۇزارتقىلى بولىدۇ. 　　2. ئۆي تازلاشمۇ بىر خىل چېنىقىش. پىسخولوگىيەلىك بېشارەت بېرىش بەدەن چېنىقتۇرۇشقا پايدىلىق. بەزى كۈندىلىك پائالىيەتلەر ئارقىلىقمۇ بەدەن چېنقتۇرغىلى بولىدۇ. مەسىلەن: پەلەمپەيدىن چىقىش، ئېغىر نەرسىلەرنى كۆتۈرۈش ۋە ئىتنى سەيلە قىلدۇرۇش قاتارلىقلار. خارۋارد ئۇنىۋېرستېتى بىر مىھمانخانىنڭ خىزمەتچىلىرىنى ئىككى گۇرۇپپىغا ئايرىپ، بىر گۇرۇپپىدىكىلەرگە «ياتاق تازىلاشمۇ ياخشى چېنىقىش» دېگەن ئەمما يەنە بىر گۇرۇپپىدىكىلەرگە ھېچقانداق ئۇچۇر بەرمىگەن . تۆت ھەپتىدىن كېيىن، بىرىچى گۇرۇپپىدىكىلەرنىڭ بەدەن ئېغىرلىقى، قان بېسىمى، بەدەندىكى ياغ مىقدارى، بەل ۋە كاسىنىڭ ئايلانمىسى ھەم بەدەن ئېغىرلىقى كۆرسەتكۈچى قاتارلىقلار يەنەبىر گۇرۇپپىدىكىلەرنىڭكىگە قارىغاندا كۆرىنەرلىك تۆۋەنلىگەن. چۈنكى ئۇلار ئۆزلىرىنى «ئېغىر جىسمانى ئەمگەك قىلىۋاتىمىز دەپ ئويلىماي، چېنىقىۋاتىمىز» دەپ ئويلىغان. 　　3. كەينىچە يۈگۈرۈش ياكى كەينىچە مېڭىش. كەينىچە يۈگۈرۈش ياكى كەينىچە مېڭىش قاتارلىق تەتۈر ھەركەتلەرنى قىلش تەس بولغاچقا، خورايدىغان ئېنىرگىيە كۆپ بولىدۇ. دەسلەپتە سۈرئەت بەك تېز، ئارىلىق بەك ئۇزۇن بولماسلىقى، ھەرىكەت ۋاقىتى ۋە ھەرىكەت مىقدارىنى تەدىرىجى كۆپەيتىش كېرەك. 　　4. بەدەن چېنىقتۇرۇشتىن 90 مىنۇت ئىلگىرى بىر – ئىككى ئىستاكان كوففېئىن ئىچىملىكى ئىچىش . ئامېرىكا «خەلقئارا تەنھەرىكەت ئوزۇقلۇق ئىلىمى ۋە ماددا ئالماشتۇرۇش» ژۇرنىلىدا ئېلان قىلىنغان بىر ئىلمى ماقالىدە : قەھۋە ، چاي ، كولا قاتارلىق ئىچىملىكلەر تەركىبىدىكى كوففېئىن چوڭ مېڭدىكى ھارغىنلىق تۇيغۇسى پەيدا قىلىدىغان خىمىيەلىك ماددىلارنى تورمۇزلاپ، ھەركەت ۋاقتىنى ئۇزارتالايدۇ ، دېيىلگەن. 　　5. باشقىلارغا ياردەم بېرىشنى خۇشاللىق، دەپ بىلىش. خارۋارد ئۇنىۋېرستېتىنىڭ بىر تەتقىقاتىدا بايقىلىشچە، ناتونۇش كىشىلەرگە ئىشك ئېچىپ بېرىش، خەير – ساخاۋەت ئىشلىرى بىلەن شۇغۇللىنىش ھەم ئىئانە بېرىش، خىزمەتداشلىرىغا چاي تەييارلاپ بېرىش قاتارلىق ھەركەتلەرنىڭ ھەممىسى ئادەمنىڭ ئىرادىسىنى كۈچەيتىپ، سەۋىرچانلىقىنى ئاشۇرىدىكەن. بىر تەرەپتىن، باشقىلارغا ياردەم بېرىشنى خۇشاللىق دەپ بىلىش، ئۆزىنى تۇتۇپ، ساغلام بولمىغان يېمەكلىكلەرنى يەۋېلىشنىڭ ئالدىنى ئېلىشقا پايدىلىق بولسا؛ يەنە بىر تەرەپتىن ، ئۆزىنى تېخمۇ ئاكتىپ چېنىقىشقا رىغبەتلەندۈرۈپ، تېخىمۇ كۆپ ھەرىكەت قىلىشقا پايدىلىق ئىكەن. مەنبە : تەڭرىتاغ ئۇيغۇر تورى

otkankunlar

	تاماقتىن كېيىنكى يېرىم سائەت ئورۇقلاشتىكى ئاچقۇچلۇق پەيت ، شۇڭا تاماقتىن كېيىن ھەرىكەت قىلىپ بېرىش كېرەك . تاماقتىن كېيىن ئۆي ۋە بالكوننى رەتلەش قاتارلىق ھەرىكەتلەرنى قىلسا ، قان تەركىبىدىكى ماينى تۆۋەنلەتكىلى بولىدۇ . كەچلىك تاماقنى يەپ بولۇپ ، يېرىم سائەت ئەتراپىدا ئارام ئېلىۋېلىپ يۇيۇنسا ۋە يۇيۇنۇپ بولۇپ مۇنچىنى تازىلاپ بەرسە ، ئورۇقلاش مەقسىدىگە يەتكىلى بولىدۇ . تاماقنى يىگىلى سىرتقا چىققاندا يىراقراق ئاشخانىنى تاللاش ۋە بېرىپ – كېلىشتە پىيادە مېڭىش كېرەك . تاماقنى يېگەندە قەنت تەركىبى يۇقىرى ئىچىملىكلەرنى ئىچمەسلىك ، تاتلىق يېمەكلىكلەرنى ئاز يېيىش كېرەك

saltanat

	بىلۋالدىم.رەھمەت!

ulughbik

	ئەتىدىن سىناپ  باقاي...

مەرۋەرى

	ulughbik بۇ يازمىنى 2010-يىلى 11-ئاينىڭ 26-كۈنى 23:42 دە يوللىغان ئەتىدىن سىناپ  باقاي... ھەيتاڭ جۇمۇ ئۇلۇغبىك

nazinin

	بولۇپمۇ بىز ئاياللار سەمىرىپ كېتىشتىن بەك ئەنسىرەيمىز . يۇقۇرىدىكى يولانمىدا قايتا -قايتا تەكىتلىنىۋاتقىنى يەنىلا  ھەركەت قىلىش . دېمەك ،ھورۇن بولمىساقلا  بۇ مەقسەتكە يەتكىلى بولىدىكەن .

tuman1973

	ئايالىم بىر سائەت يىغلايدىغان بولسا 2 كىلو ئۇرۇقلاپ كىتىدۇ. شۇڭلاشقا ئايالىمنى ئۇرۇقلاپ كىتەمدىكىن دەپ ئەنسىرەپ يىغلىتىدىغان ئىشلارنى بەك قىلمايمەن.

ayqiz

	tuman1973 بۇ يازمىنى 2010-يىلى 11-ئاينىڭ 27-كۈنى 20:19 دە يوللىغان ئايالىم بىر سائەت يىغلايدىغان بولسا 2 كىلو ئۇرۇقلاپ كىتىدۇ. شۇڭلاشقا ئايالىمنى ئۇرۇقلاپ كىتەمدىكىن دەپ ئەنسى ... ئايالىڭىز سەمىرەپ كېتىشتىن ئەنسىرمىسىمۇ بولغۇدەك .

danix

	ئورۇقلاشنىڭ ئەڭ ياخشى ئۇسۇلى يا تاماق يىمەسلىك ياكى دەتنى كۆپرەك چىكىش   ھى ھى ھى ھى ھى ھى ھى ھى ھىھ

مەرۋەرى

	danix بۇ يازمىنى 2010-يىلى 11-ئاينىڭ 27-كۈنى 21:20 دە يوللىغان ئورۇقلاشنىڭ ئەڭ ياخشى ئۇسۇلى يا تاماق يىمەسلىك ياكى دەتنى كۆپرەك چىكىش   ھى ھى ھى ھى ھى ھى ھى ھى ھىھ دانىشنىڭ مۇنبىرىمىزگە قەدەم تەشىرىپ قىلغانلىقىنى قىزغىن قارىشى ئالىمىز