سىزگە بىر نەسىھەت

tuman1973

	نىكاھ تۇرمۇشىغا تېتىتقۇ سېلىپ تۇرۇش -- ئاياللارنىڭ نىكاھ تۇرمۇشىدا بەختلىك بولۇشنىڭ ئاچقۇچى . ھالبۇكى ، قىزىقىش يېتىلدۈرۈپ ، ئۆزىنىڭ سېھرىي كۈچىنى ئاشۇرۇش يۇقۇرىقى تېتىتقۇ جۈملىسىدىندۇر . ئارتۇقچىلىقىڭىز بىلەن چاقناپ تۇرۇڭ . ئاياللارمۇ ئەرلەرگە ئوخشاش قىزىقىش يېتىلدۈرۈشى ، ئۆزىنىڭ ئارتۇقچىلىقىنى جارى قىلدۇرۇشى كېرەك . مانا مۇشۇنداق تۇرمۇشلا ئېسىل تۇرمۇش ھېسابلىنىدۇ . خىزمەتتىكى ئاياللار بولسا ئۇلار ئۆزىنىڭ خىزمەتتىكى ئارتۇقچىلىقىنى نامايەن قىلىپ كەسپتە نەتىجە قازىنالايدۇ . ھەر كۈنى خىزمەتكە بېرىش - كېلىش جەريانىدا ، ئۇلار ئۆزىنىڭ تاشقى قىياپىتىگە ئەھمىيەت بېرىپ تۇرۇشى كېرەك . ئاياللار ئۈچۈن سېھرىي كۈچ ، جەلپكار بولۇش تولىمۇ مۇھىم . ئائىلە ئاياللىرى  كۈنلەپ - كۈنلەپ ئۆيدە بىكار يۈرۈپ قالىدۇ )ئۆي ئىشلىرىدىن بوشىغان چاغلىرىدا( ، پائالىيەتلەرگە قاتنىشىپ تۇرمىغانلىقتىن ، ئۆزىگە  ئوڭايلا ھارغىنلىق پەيدا قىلىۋالىدۇ  . ئۆزلىرىدە ئاسانلا زېرىكىش ۋە مەنىسىزلىك ھېس قىلىشىدۇ -دە  ، سېھرىي كۈچىنى ئاجىزلاشتۇرۇۋالىدۇ . شۇڭا ، ئەقىللىق ئاياللار بىكار چاغلىرىدا ئۆزىگە خاس قىزىقىش يېتىلدۈرۈشى ، ئۆزىنىڭ ئارتۇقچىلىقىغا ماس كېلىدىغان ئىشلارنى تېپىپ قىلىشى كېرەك . شۇنداق قىلغاندا بىكار چاغلىرىنى مەنىلىك ھەم ئالدىراش ئۆتكۈزىدۇ . تېتىك ، روھلۇق بولۇپ كەيپىياتىمۇ ياخشى بولىدۇ .  ئائىلىنى قانداق باشقۇرۇشنى ، ئېرى بىلەن قانداق قىلغاندا ئىناق ئۆتكىلى بولىدىغانلىقى توغرىلىق كۆپرەك ئويلىنىپ تۇرۇشى كېرەك . كۆپ خىل قىزىقىش يېتىلدۈرۈڭ ئەقىللىق ئاياللار ئېرىنىڭ قىزىقىشىنى قاندۇرىمەن دەپلا يۈرمەي ، ئۆزىنى ئوبيېكتىپ تەھلىل قىلىشى ، ئۆزىنىڭ رەسىم سىزىش ، مۇزىكا چېلىش ۋە ئۇسسۇل ئويناشتەك ئالاھىدە ئىقتىدارى بار ياكى يوقلۇقىنى كۈزىتىپ بېقىشى كېرەك . ئەگەر بۇنداق ئىقتىدارى بولمىسا ، ئۆزى ئارزۇ قىلىپ يۈرگەن بىرەر ئىش بولسا ، دەرھال قول سېلىپ پۈتكۈزۈشى كېرەك . ئەگەر ئارزۇسىدىكىدەك بىرەر ئىشنى ئويلاپ تاپالمىسا ، ئەتراپىدىكىلەرنىڭ ئارام ۋاقتىنى قانداق ئۆتكۈزىدىغانلىقىنى كۈزىتىپ ، ئۆزى ياقتۇرىدىغان ئىشتىن بىرنى تاللاپ ، كۆپچىلىك بىلەن بىللە قىلسا بولىدۇ . مۇشۇنداق بولغاندا ، ئۆزىڭىزگە خاس قىزىقىش يېتىلدۈرۈپلا قالماي ، نەزەر دائىرىڭىزنى كېڭەيتىپ ، دوست تېپىش پۇرسىتىگە ئېرىشەلەيسىز ، ھاياتىڭىزنى تېخىمۇ بېيىتالايسىز . داڭلىق يازغۇچى شۇمېر بىلەن ئاتېر كېلىن ئۆزلىرىنىڭ "نىكاھ يېتەكچىسى" ناملىق ئەسىرىدە : " ئەر - خوتۇنلار توي قىلغاندىن كېيىن ، ئۇزاق مەزگىل بىر - بىرىدىن ئايرىلماي ياشايدۇ . ئۇلار ھەممە ئىشنى بىللە قىلىدىغان بولغاچقا ، ئۆزئارا مۇناسىۋىتى ياخشى بولالمايدىغان ئەھۋاللارمۇ بولۇپ تۇرىدۇ . ئوخشاش بولمىغان قىزىقىش ۋە ھەۋىسىنى يېتىلدۈرگەندە ، تۇرمۇشتا ئۆزكۈزۈش پەيدا قىلىپ ، ئەر - خوتۇنلار مۇناسىۋىتىنىڭ ھاياتىي كۈچىنى ساقلاپ قالغىلى بولىدۇ ..... "  دەپ يازغان . [ ayqiz بۇ يازمىنى  2010-يىلى 11-ئاينىڭ 24-كۈنى 20:14  دە تەھرىرلىگەن. ]