ئەرلەر رىقابەتنى ياخشى كۆرىدۇ

nazinin

	كۆپ ساندىكى ئەرلەر بالىلىق چاغلىرىدىن تارتىپلا رىقابەت ئىچىدە يېتىلگەچكە، ئۇلار بۇرۇنلا ئۆزلىرىنىڭ ئاياللاردىن ئۈستۈن تۇرىدىغانلىقىنى بايقىغان .ۋاھالەنكى ، ئاتالمىش يېقىنچىلىق ئۆز ئارا ئامراقلىق ۋە بىللە بولۇشنى كۆرسىتىدۇ . ئاياللار ئارىسىدىكى مۇڭدىشىش ئۇسۇلىنى نۇرغۇن ئەرلەر مۇتلەق قوبۇل قىلالمايدۇ . ئۇلار كىچىگىدىن تارتىپلا ھەر قانداق ۋاقىتتا قىلغان ھەر قانداق ئىشىمىزنىڭ ھەممىس جەزمەن ئۈنۈم ھاسىل قىلىشى كېرەك دەپ قاراشقا ئادەتلەنگەن . بىر ئايال بىزگە مۇنداق دەيدۇ : كۆپ ساندىكى ئەرلەرنىڭ قىلغان ھەر قانداق ئىشىنىڭ سەۋەبى بولىدۇ ، ھەر قېتىم بىر ئادەمنى يوقلاپ بارغاندا ، مەلۇم ئىش ياكى مەلۇم مەقسەتنى كۆزلىگەن بولىدۇ . ئەرلەر بىللە بولغاندا قىلىدىغان ئىشى بولۇشى لازىم . بىر يەردە تۇرۇش بىلەن بىر ئىش ھاسىل بولمايدۇ . شۇڭا ، ئۇلارنىڭ ئاياللار ئارىسىدا ئورنىتىلغاندەك ھېسسىيات جەھەتتىكى ماسلىشىش مۇناسىۋىتىنى ئورنىتالىشى تەس . بۇ خىل ماسلىشىش بولغاچقا ئاياللارنىڭ بىللە بولغاندا قىلىشمايدىغان گېپى ، دېيىشمەيدىغان سۆزى قالمايدۇ . پاراڭلىشىش تا ھازىرغىچە كۆپ سانلىق ئاياللار مەنىۋى تۇرمۇشىنىڭ مۇھىم تەركىبى قىسمى بولۇپ كەلدى . ئۇلار بىرەر ئالاھىدە خەۋەر ئۈستىدە مۇلاھىزە قىلىش ئۈچۈن ئەمەس ،بەلكى پاراڭلىشىش ئۈچۈنلا پاراڭلىشىدۇ . ئەرلەر باشقىلار بىلەن مۇناسىۋەت باغلىسا ،شۇ مۇناسىۋەتنىڭ مەقسىتى ۋە ئەھمىيىتى بولۇشىنى ئۈمىد قىلىدۇ ۋە مۇشۇ ئورتاق مەقسەت ئۈچۈن تەبىئىي ھالدا بىر يەرگە جەم بولىدۇ . شۇڭا ، ياش ئەرلەر ئوتتۇرسىدا تەكىتلىنىدىغان مۇھىم نۇقتا بويسۇندۇرۇشتۇر . خىرىسقا دۇج كېلىپ ،ئۇنىڭغا قورقماي جەڭ ئېلان قىلغاندا ، ئەر كىشى مۇشۇ نىشانغا يېتىشتە كېرەكلىك بولغان ھەرقانداق غەيرەت ۋە كۈچ-قۇدرەتكە ئېرىشەلەيدۇ . ئەمما ،مۇكاپاتنى ۋە ئايللارنى ئەيۋەشكە كەلتۈرگەن ، مۇناسىۋەتنى ئورنىتىپ بولغان ھامان ،مەسىلە پەيدا بولۇشقا باشلايدۇ ، ئەمدى ھېچقانداق ئېنىق نىشان بولمىغانلىقتىن ئەرلەرنىڭ قىزىقىشى تۆۋەنلەپ ، ھەيۋىسىمۇ سۇسلاپ كېتىدۇ . شۇنداقتىمۇ «ئورۇنلاشتۇرۇش» داۋاملىق بولۇپ تۇرىدۇ (ئېھتىياج ، ئاسانلىق تۇغدۇرۇش ياكى پىششىق تونۇشۇش ئۈچۈن ) بىراق بۇ چاغدا ئۇلارنىڭ كۆڭلى باشقا ياقلارغا كەتكەن بولىدۇ . مەنبە :«ئەرلەرنىڭ ئاياللارغا بىلدۈرۈشنى خالىمايدىغان سىرلىرى»دىن

saye

	كىشلەر بېسىم بولمىغان تۇرمۇشقا ئېنتىلىدۇ، ئەمما بېسىم يوق تۇرمۇشنىڭ بولىشى مۇمكىن ئەمەس، خۇددى تاماق يىيىش ئۈچۈن چوقۇم تاماق قىلىشىڭىز ھېچ بولمىغاندا ئورنىڭىزدىن تۇرۇپ ئاشخانىغا بېرىشىڭىز كېرەكتەك . ئەرلەر ئۈچۈن بېسىم تېخىمۇ چوڭ بولىدۇ، ئەمما بىز ئەرلەر بېسىمنىڭ بولىشىنى يامان ئىش دەپ قارىمايمىز، " ئىچكى زىددىيەت شەيئىلەرنى تەرەققىي قىلدۇرىدۇ" دىگەندەك، تۇرمۇش بېسىملىرى دەل بىزنىڭ يىڭىچە بىر تۇرمۇشنى قۇرۇپ چىقىشىمىزنى تەلەپ قىلىدۇ ۋە بىز ئۈچۈن بىر كۈرەش نىشانى بوپ قالىدۇ . باشقىلار بۇنى خاتا ھالدا " ئادەم شۈكرى قانائەتچان بولىشى كېرەك، ھازىرقى كۈنىگە رازى بولىشى كېرەك" دىيىشىدۇ . مېنىڭچە بولغاندا ئادەمنىڭ تېخىمۇ ياخشى ياشاش مۇھىتىغا ئېرىشىشنى ئىستەك قىلىشى ھەرگىز " ئاچكۆز"لۈك بولمايدۇ، پەقەت بىز ئۇنى ئۆزىمىز روياپقا كەلتۈرەلىسەكلا. بىر كىشى ئۇقۇمۇشلۇق يەنە بىر كىشىدىن سوراپتۇ: - ھازىر رىۋايەتلەردە دىيىلىۋاتقان قەھرىمانلار تۈگەپ كەتتىمۇ؟ - ھەرقانداق كىشى ئۆزىنىڭ ھاياتىدا ھەل قىلىش تەس بولغان مەسىلىلەرگە يولۇقىدۇ، ئۆزى يولۇققان مەسىلىلەرنى ئېغىر بېسىقلىق ۋە دادىللىق بىلەن بىر تەرەپ قىلىپ، قىيىنچىلىقنى يىڭىپ كېتەلىگەن كىشلەرنىڭ ھەممىسى قەھرىمان. مەنمۇ يۇقارقى جاۋابتىن قانائەت ھاسىل قىلدىم. ھەقىقى "ئەركەك" بولۇشنىڭ مۇقەررەر بىر ئۆلچىمى يوق . شۇ كىشىنىڭ قىسمەن مىجەز خۇلقى ۋە يىتەرسىزلىكى ئۇ كىشىنىڭ شان شەرىپى ۋە ئوبرازىغا قىسمەن تەسىر يەتكۈزسىمۇ ئۇنىڭ ھەقىقى بىر " ئەركەك" تەرىپى بولىدۇ . ئەڭ ئەشەددى جىنايەتچى، قانخور جاللاتلارمۇ ھېچ بولمىغاندا ئاتا-ئانىسىنى ياكى پەرزەنتلىرىنى ياخشى كۆرىدۇ، دىمەك ئۇلاردىمۇ بىر مۇھەببەت بار. پاراڭ بۇ يەرگە كەلگەندە يادىمغامەن تونۇيدىغان مۇنداق بىر كىشى كېلىۋاتىدۇ. مېنىڭ ئۇ تونۇشۇم خەنزۇ يولداش بولۇپ، كىچىكىدىن ئاتىسى يوق، ئاپىسى ۋە ھەدىسى بېقىپ  چوڭ قىلغان، باشقىلارنى بوزەك قىلىۋالمىسۇن دەپ كىچىكىدە باشقا بالىلارغا ئارىلاشتۇرماي ئۆيىدە ئوقۇتۇپ تەربىيلەپ چوڭ قىلغان. سىرتقى دۇنيا بىلەن كۆپ ئالاقە قىلالمىغان، ھەقىقى ئوغۇللار بىلەن ئويناپ چوڭ بولالمىغان بۇ يىگىتنىڭ خارەكتىرى قىزلاردەكلا نازۇك. خۇددى بىزنىڭ تىلىمىزدا دىيىلىۋاتقان " خېنىم مىجەز"لىك . ئۇنىڭ سۆز قىلغاندا سول قول كۆرسەتكۈچ بارمىقىنى توختىماي ھەركەتلەندۈرىشى، قاشلىرىنى لىغىرلىتىپ سۆزلەشلىرى، يول ماڭغاندا مۈشۈكتەك ئاتلاپ قەدەم ئېلىشلىرى، سۆزلەش ئىنتوناتسىيىسى بەئەينى ئاچىلىرىغا ئوخشاش، ئەمما بۇ ئەيىۋىنى ئۇ بىلسىمۇ ئۆزگەرتەلمەيدۇ. بىر "ئەركەك"نىڭ جىسمىغا ئايالچە قەلب بېرىلگەن خالاس، بۇمۇ تەڭرىنىڭ چاقچىقى بولسا كېرەك. ئۇنىڭدىن مەھەللىسىدىكى ئوغۇللار يىراق يۈرىشىدۇ، ھەتتا قىزلارمۇ ئۇنى ئارىغا ئالمايدۇ. كېيىن ئۇ ئۆزىگە مۇۋاپىق بىر خىزمەت تېپىپ ئىشلەپ تۇرمۇشىنى ياخشىلىدى، مىجەزىدە قىسمەن كەسكىنلىكلەرنى ھىسابقا ئالمىغاندا چوڭ ئۆزگىرىشمۇ يوق، ئەمما بىز كېيىن بىلسەك، ئۇ خىزمەتكە چىققان مۇشۇ 10 نەچچە يىلدىن بېرى شەھەرنىڭ چەت يېزىلىرىدا ئولتۇرۇشلۇق نامرات ئىككى ئۇيغۇر ئوقۇغۇچىنىڭ ۋە ئىككى خەنزۇ ، خۇيزۇ ئوقۇغۇچىنىڭ تۇرمۇش خىراجىتى ھەققىتىنى بېرىپ كېلىۋېتىپتۇ. ياخشى ئىش قىلماق تەس، ئۇنى ئۇزۇن مۇددەت داۋام قىلماق تېخىمۇ تەس.  بىز ئۇنى كېيىن بىلدۇق، زور كۆپچىلىكىمىزدە ئۇنىڭغا قارىتا قايتىدىن ئويلىنىش پەيدا بولدى.  مەيدىسىگە ئۇرۇپ، ئۆزىنى "ئەركەك" ھىسابلاپ كۈندە ھاراق ئىچىپ ئۇرۇش جىدەل بىلەن ئۆتىۋاتقان شۇ "مەردانىلار" ئەركەكمۇ ياكى 10 يىلدىن بېرى باشقىلارغا ياردەم بېرىپ، ئۈن تىنسىز ھازىرغىچە داۋام قىلىۋاتقان "غىتمەك" دوستۇم "ئەركەك"مۇ؟  مەن ئەلۋەتتە بۇ دوستۇمغا مەمنۇنلۇق بىلەن نەزەر سالىمەن . چۈنكى ئۇ  ھەقىقىي " ئەركەك" . شۇڭا ئەرلەر ئالدى بىلەن ھەقىقى ئەركەكلىكىمىزنى بۇرتىمىزدا ئىپادە قىلماي بۇرچىمىزدا كۆرسىتەيلى !

kamiran

	سايەنىڭ  ئىنكاسى  تېمىدىنمۇ  ياخشى  چىقپتۇ

tiwix

	سايە  داۋاملىق  ئىنكاستەكلا  ئىنكاس  يازىدۇ  دىسە