خوتۇنۇم مۇنداق دەيدۇ

saltanat

	خوتۇنۇم مۇنداق دەيدۇ         ئاپتورى:ئايبېك ئۆمەر ئۇيغۇرى                                خوتۇنۇم مۇنداق دەيدۇ ماڭا:                                 بولسا بادام دوپپا كىيىۋال،                                  قەلبىڭگىمۇ بۈگۈنكى كۈندە،                                   يارىشىملىق ساقال قويۇۋال،                                    تونۇۋالاي ئېزىقماي تۈندە.                                   خوتۇنۇم مۇنداق دەيدۇ ماڭا:                                    خوشاللىق دەو كۈلىۋەرمىگىن،                                     قەھرىڭنىمۇ كۆرسەتكىن ھەتتا.                                     بېلىڭنى بەك پۇكۈۋەرمىگەن،                                      بالىلارغا بولىسەن شوتا.                                     خوتۇنۇم مۇنداق دەيدۇ ماڭا:                                      سۆيۈندۈرگىن مېنى ئەڭ ئاۋال،                                      يۈرەك پىز-پىز كۆيسۇن -ئۆچمىىسۇن.                                       بالا ئۈچۈن قوياش بولۇۋال،                                        نۇرلار دىلدا قالسۇن كۆچمىسۇن.                                     خوتۇنۇم مۇنداق دەيدۇ ماڭا:                                       باق ھاياتقا ئۇيغۇر كۆزىدە،                                       نامرات بولۇپ چەكسەڭمۇ ئازاپ.                                       ئۇزۇڭ تاپقىن نېسىۋەڭنىمۇ،                                       شۇ چاغ ئەلگە قالىسەن ياراپ.                                       خوتۇنۇم مۇنداق دەيدۇ ماڭا:                                       تۈلكە ۋە شىر توسىسىمۇ يولنى،                                       تېتىپ ياشا سەنمۇ تۇز بولۇپ.                                       ئورۇندۇقتىن ئايرىلساڭ ئايرىل،                                        سۆيۈنسۇن ئەل ساڭا قول قويۇپ.                                       خوتۇنۇم مۇنداق دەيدۇ ماڭا:                                       ئۆكۈنمىگىن ئىچمەي مەسىت بولۇپ،                                       ئۇچراپ قالسا زەرىچچە توسۇق.                                       ئەقىل كېرەك ئىزدىسەڭ ئۇتۇق،                                        ئەركەك دېگەن سىنىلار شۇنداق.

جۇلالىق

	ئەرنى راۋرۇس بىر يىگىت قىلىپ يېتىشتۈرۈپ چىقاي دەيدىغان ئايالكەن.

saye

	ئەرنى ئەر قىلغانمۇ خاتۇن،يەر قىلغانمۇ خاتۇن دەپ بىكار ئېيتمىغان كونىلار. -مۇۋەپپەقىيەت قازانغان بىر ئەرنىڭ كەينىدا ھامان بىر ئايال بولىدۇ. - مەغلۇپ بولغان ئەرنىڭچۇ؟ -بىرقانچە ئايال بولغان بولىدۇ . ئاياللار ئەرلەرنىڭ ھايات سەپىرىدە ئەڭ يېقىن بولغانلىقى ئۈچۈن، ئۇلار ئەرلەرگە قەلبداش ۋە نەپەسداش . ئەرلەرنىڭ كۆڭلىدىكىنى بىلىپ تۇرىدۇ، چۈشۈنۈپ تۇرىدۇ. قىسقىسى بىر جان بىر تەن بولۇپ كېتىدۇ . ئىشەنمىڭىسز قاراپ بېقىڭ، ئۇزۇن ۋاقىت ئۆي تۇتقان ئەر ئاياللارنىڭ چىرايى بىر بىرىگە ئوخشىشىپ كىتىپ بارمامدۇ؟ ئاياللارنىڭ كۈزىتىش ئىقتىدارىنىڭ ئەرلەرگە قارىغاندا كۈچلۈك ئىكەنلىكى پاكىت تەلەپ قىلمايدىغان ھەقىقەت. ئۇلار ئائىلىدە بىر ياخشى خاتۇن، تۇرمۇشتا بىر ياخشى ھەمراھ ، كەسپتە بىر ياخشى مەسلىھەتچى بولالايدۇ. پەقەتلا سىز ئۇنى سىرداش دوست دەپ قارىسىڭىزلا. شۇنداقلا ئەرلەرمۇ ئاياللارنىڭلا ئەمەس شۇ ئائىلىنىڭ بىر تۈۋرىكى بولىدۇ، مەسئۇلىيەتچان ئەرلەر بەخىتلىك ئائىلىنىڭ كاپالىتى، كۆيۈمچان ئەرلەر مۇھەببەتلىك تۇرمۇشنىڭ قوغدىغۇچىسى، پەرزەنتلەر شۇ بەختلىك تۇرمۇشنىڭ غۇنچىسى . دىمەك، ھەممىمىز ئۆز يانلىرىمىزدىكى شۇ سۆيۈملۈك ئاياللىرىمىزنى ۋە ئەرلىرىمىزنىڭ مەۋجۇدلىقىنى ئېتراپ قىلايلى، ئۇلارنىڭ تۇرمۇشىمىزنىڭ بىر قىسمىغا ئايلىنىپ  كەتكەنلىكىگە ئىشىنەيلى . ھۆرمەت ۋە ساداقەت بولسىلا بۇ ئائىلە روناق تاپماي قالمايدۇ.

خۇشچىراي

	سايە ئىنكاسىڭىزنى ئوقۇپ تولىمۇ مەمنۇن بولدۇم .

tiwix

	ھەممىمىز ئۆز يانلىرىمىزدىكى شۇ سۆيۈملۈك ئاياللىرىمىزنى ۋە ئەرلىرىمىزنىڭ مەۋجۇدلىقىنى ئېتراپ قىلايلى، ئۇلارنىڭ تۇرمۇشىمىزنىڭ بىر قىسمىغا ئايلىنىپ  كەتكەنلىكىگە ئىشىنەيلى . ھۆرمەت ۋە ساداقەت بولسىلا بۇ ئائىلە روناق تاپماي قالمايدۇ. تولىمۇ  يارقىن  چاقىرىق   .......ھەممە  بىرلىكتە  بۇنىڭغا  .ئاكتىپلىق  بىلەن  ئاۋاز  قوشايلى