(ئاھۇ) يامغۇر يېغىۋاتىدۇ

ئاھۇ

	يامغۇر يېغىۋاتىدۇ تاملارنىڭ كۆيىشىنى قىلىمەن قىياس ، كىملەردىندۇر ئالغۇم بار قىساس ! سەن ئىكرانغا قاراپ ئولتۇرىسەن ، يىغلاۋاتقان دېڭىزنى كۆزلىرىڭگە سىغدۇرىسەن ... چىراقلار ياندى! سەلدەك ئېقىپ چىقتى ئادەملەر توپى، سەن چىقمىدىڭ... لەيلەپ يۈرەر، بوشاپ قالغان ئورۇندۇق ئارا قەلبىڭدىكى جاراھەت، قەلبىمدىكى ھارارەت .... ئاياق تېۋىشىڭنى ئاڭلىدىم ، ئىشىككە قولۇمدىكى كۈنلۈكنى يوشۇرغاچ، بوغۇزىمدىكى يىغىنى يۇتقاچ قارىدىم. سەن چىقمىدىڭ... پەلتۇيۇمنىڭ ياقىسىنى كۆتۈرۈپ قويدۇم مەن بىلىمەن، سېنىڭ ئولتۇرغىنىڭ توتىنجى رەت،بىرىنجى ئورۇن. ئوڭ يېنىڭغا قارىساڭ ئەگكۈڭ كەلمەس قىسمەتكە بويۇن. قولۇڭدىكى بىرتال گۇل، تىزىڭغا بېشىنى قويۇپ ئۇخلاپ قالار، ھېجران لەمپىلەردىن چىپىلداپ ئاقار. ئىشىك بېشىدىكى لامپۇچكىغا، جىمجىت قاراپ تۇرۇپ قالدىم . يانچۇقۇمدىن سەن ئىبەرتكەن قەلەمنى ئالدىم. ئىلان تاختىسىدىكى كېنو ئىسمىنى سارغىيىپ كەتكەن تاملارغا يازدىم . جېنىم ! يېزىۋىتىپ، مېھرىم بىلەن نەچچە رەت ئازدىم . ئېقىپ ئۆتتى ئالدىمدىن كېمە، نەمخۇش چاچلىرىمغا ئۇرۇلدى شامال. ئۇنىڭدا كۆرگۈنۈم، توپان بالاسىدا ئامان قالغان، ئۆز باغرىغا پىچاق سالغان، مۇھەببەتتەك ئۇلۇغ،ئۆلۈمدەك گۈزەل يالغۇز بىر ئايال.....

otkankunlar

	تەنھا بىر ئارال يامغۇر پەسلىگە ئىنتىلگەن ئايال، ئۇ چۈش كۆرىۋاتىدۇ قۇياش تېخى پاتمىغان چاغدا. يىنىك تىنىپ، ئۇيقىغا قېنىپ، رۇخسارىغا قىزىل گۈلنىڭ تامچىسى ئېقىپ. بارماقلېرىم كونۇپكىدا ئوينايدۇ ئۇسۇل، ھەرىپلەرنى تىزىپ قاتارغا. ئىغاڭلايدۇ دېڭىزدا كېمە لەيلەپ ئۇچۈپ شامال ئوينايدۇ تەپ تارتماي ئايال چېچىنى. كېچە قۇياش ئاي  سۆيۈشكەن چاغدا يۈلتۈز كۆز قىسىپ تاماشا قىلىدۇ يۈلتىزنى يىغىپ. ئاندىن مەن سەن ئۇلار بامداد نامىزىغا كېتىدۇ تاراپ.

خۇشچىراي

	ئىككىڭلار بىر بىرىڭلاردىن ئىلھام تېپىپ ياخشى شېئېرلارنى يېزىۋاتىسىلەر جۇمۇ .

ئاھۇ

	ئۆتكەن كۈنلەرنىڭ ئىلھامىغا بەرىكەتلەر بولغاي!

جۇلالىق

	ئىككەيلەننىڭ قەلىمىگە بەرىكەتلەر تىلەپ ئاستا چىقىپ كېتەي، چاچما شېئىرغا  ئىنكاس يېزىشقا ئاجىزلىق قىلدىم.

Aydar

	جۇلالىق: چاچما شېئىر يازالمىسىڭىز چېچىلمىغان شېئىر يېزىڭ. ئىشقىلىپ بۇ شېئىر ئىلھام قوزغايدىغان شېئىر جۇمۇ.

جۇلالىق

	شېئىر يېزىشقا قەلەم ئاجىزلىق قىلىدۇ ھەدە. ئوقۇرمەن بولاي.

ئاھۇ

	شېئىر يازىدىغان شائىرلاردىن،شېئىر يازمايدىغان شائىرلار كۆپ