سىزگە ئايالىڭىز كېرەكمۇ؟ ئاشنىڭىزمۇ؟

قەھۋە

	مانا، تېما يازسا "ئارمان-تاشقىن"دەك يازسا، ئىنكاس يازسا "سايە"دەك يازسا. كىشىنىڭ ھاردۇقى چىقىپلا كېتىدۇ جۇمۇ.      سايەنىڭ يازغانلىرىنى ئوقۇغان كىشى بېشىىدىن خېلى قىسمەت ئۆتۈلگەن بالىكەن، دەپ ئويلاپ قېلىشى مۇمكىن. ئەمما بېشىدىن كەچۈرمىش ئۆتمىگەنلەرمۇ نۆۋەتتىكى  رەڭدار تۇرمۇش كارتىنىلىرىدىن خېلى تەجىرىبىلەرگە ئىگە بولۇپ كېتىدۇ. زاماننىڭ تەرەققى قىلىشىغا ئەگىشىپ كىشىلەرنىڭ ھەر خىل شەيئىگە بولغان تەلەپ ۋە ئېھتىياجى سەرخىللىشىپ كەتتى. شۇنىڭدەك ئەرنىڭ ئايالغا، ئايالنىڭ ئەرگە بولغان ئېھتىياجى بارغانسىرى بىر-بىرىنى قاندۇرالمايۋاتقاندەك، ئەلۋەتتە قىسمەن ئائىلىلەردە شۇنداق.  شۇنچىلىك كۆيۈپ-پىشىپ، نەچچە يىل مۇھەببەتلىشىپ توي قىلىشقان ئەر-ئاياللارمۇ ھېچ سەۋەبسىزلا مۇناسىۋىتى يىرىكلىشىپ، تالاغا قارايدىغان ئەھۋال بولىدىكەن. ئەمەلىيەتتە سۈرۈشتۈرۈپ كەلسە تۇتامغا چىققۇدەك سەۋەپ يوق، پەقەت سىرتتىكىلەرنى كۆرۈپ باققۇسى كېلىدىكەن. بۇ ئەھۋال ئاياللار ئۈچۈن ئىنتايىن ئېغىر ئازاب. مەيلى يولدىشى بولغان ئادەم قىمار ئوينىسۇن، ھاراق ئىچسۇن، نەشىكەشلىك قىلسۇن، ئەمما بۇلارنى قۇبۇل قىلىپ كېتەلەيدۇكى، "ئاشنا"نى ھەرگىز قۇبۇل قىلالمايدۇ. قۇبۇل قىلالىشى ناھايىتى تەس، قۇبۇل قىلالىشى مۇمكىن بولسا پەقەت ۋە پەقەت پەرزەنتى ئۈچۈن قۇربانلىق قوي بولۇپلا تۇرۇپ بېرىدۇ، خالاس.!     بەزى ئەرلەر ئاشنا تۇتقىنى بىلەن ئايالىدىن، بالىلىرىدىن، ئائىلىسىدىن ئايرىلىپ قالغۇسى يوقكەن. كۆپىنچە ئەرلەرنىڭ شۇنداق قىلىۋاتقىنىنى كۆرۈپ تۇرىۋاتىمىز. ئۇنىڭدەك ئەرلەر ئۈچۈن ئائىلىدە ئېرىشىپ بولالمىغان ۋە ياكى تېخىمۇ كۆپ ھېسسىي تۇيغۇ ۋە گۈزەل جامال، پەرى سۈپەت سىماغا ئېرىشكۈسى كېلىدىغان بولۇشى مۇمكىن. ئۆز ئايالى شۇنچە پاكىزە، ئىشچان، ۋاپادار بولسىمۇ، باشقا ئاياللار بىلەن بىلىپ-بىلمەي ئالاقە قىلىدىغان ئەرلەر مەۋجۇت. ئەمما ئۇلارنىڭ ئاياللىرىدا خاتالىق يوق، سەۋەنلىكمۇ يوق، شۇنداق ياخشى ئۆتۈشۈپ تۇرۇپمۇ باشقا ئاياللارغا ئىنتىلگۈسى كېلىپ تۇرىدىكەن. توي قىلمىغان چېغىمدا بۇنداق ئىشنى كۆرۈپ، ئاڭلاپ بەك ئازابلانغان ئىدىم، شۇنچىلىك ئىشەنچىلىك ئەرلەرمۇ ھامان ئىشەنچىسىز يەرلىرىنى ئاشكارىلايدىكەن. بىر تۇققىنىمىزنىڭ يولدىشى ئاشنا تېپىۋېلىپ بەك جاپا تارتتى، ئۆي تۇتۇشلىرى، تاماق ئېتىش، بالىلارنى تەربىيلەش جەھەتتە بىر قوللۇق ئېلىپ ماڭاتتى. ئىۋەن تاپقىلى بولمايتى، چىرايىمۇ چىرايلىق، پاكىز ئىدى. تۇيۇقسىز نېمە بولغىنىنى بىلمەيلا قالدۇق، ئاللىبۇرۇن ئاشنا تېپىۋالغانىكەن.  2  يىل تىركىشىپ يۈرۈپ ئاخىرى 18 ياشلىق ئىككى قىزىنى يىتىم قىلىپ ئاجرىشىپ كەتتى، ئايالى سىز قاچان قايتىپ كەلسىڭىز مەن يەنىلا سىزنى قۇبۇل قىلىمەن، دىگەن گەپنىمۇ قىلدى، بۇ گەپنى قەلپتىن چىقىرىپ دېمەك ئەلۋەتتە ناھايىتى قىيىن. غورۇرنى قويۇپ تۇرۇپ دەيدىغان گەپ. ئەمما يولدىشى يەنىلا سۈكۈتتە تۇرىۋېلىپ يۈرۈپ ئاشنىسى بىلەن كېتىپ قالدى. ئەرلەرنىڭ بۇزۇلغۇسى كەلگەندە كۆزىگە ھېچنىمە كۆرەنمەيدىغان بولىدىكەن.         مېنىڭچە ئەرلەر ئايالىدىن ئېرىشەلمىگەنلىرىگە ئاشنىسى ئارقىلىق تولۇقلاش قىلىدۇ. ئەرلەرنىڭ ئاشنا تېپىۋېلىشى 感情的需要 بولۇشى مۇمكىنمىكىن، دەيمەن. ئەرلەر ئاياللارنى مەڭگۈ قانائەت قىلمايدۇ، دەيدىكەن. ئەسلىدە قانائەت قىلمايدىغىنى ئەرلەردۇر. ئائىلىسىدىن، شۇ خىل مۇھىتتىن قانائەت قىلمىغاچقا ئاشنا تۇتىشى مۇمكىن. ئاشنا تۇتقان ئەرلەر كۆڭلىدە سېلىشتۇرۇش ئېلىپ بارماي قالمايدۇ. ئايالى شۇنچىلىك ئىشچان، ۋاپادار، رايىش، ئۇنىڭدىن ۋازكەچكۈسى كەلمەيدۇ. ئاشنىسى بولسا خۇلقى بار، لىزىم، گۈزەل، ئۇنىڭ پەقەت ئاچچىقىنى كەلتۈرمەيدۇ، دىرىكىنى قىلمايدۇ. شۇڭا  ئۇنىڭدىنمۇ ئەسلا ئايرىلغۇسى كەلمەيدۇ. چەتئەللىشىش مەدەنىيەتلىكىنىڭ ئۇلغىيىشى بىلەن ئىدىيمىز بارغانچە ئېچىلىپ، شەيئىلەرنى تېزلا قۇبۇل قىلالايدىغان بولۇپ كەتتۇق، ئاشنىمۇ شۇنىڭ ئىچىدە. مۇشۇ سەۋەبلىك ياشاۋاتقان مۇھىتىمىزمۇ ناھايىتى ئېغىر بۇلغىنىۋاتىدۇ. ھەر خىل ئىجتىمائىي ئالاقە جەريانىدا نۇرغۇن دوست-بۇرادەرلەر بىلەن تونۇشۇش، سىردىشىش پۇرسىتىگە ئىگە بولدۇق، بۇ ئۆز نۆۋىتىدە پايدا يەتكۈزگەندەك قىلسىمۇ سوبىكتىپ جەھەتتە بىزگە زىيان ئېلىپ كېلىۋاتىدۇ. ھەر خىل مۇھىت، شەيئى، ئادەملەر كۆزىمىزنى ئېچىۋاتىدۇ. ئەلۋەتتە بۇ شۇ كىشىنىڭ ساپاسى، ئېتقادى، ئائىلە تەربىيسى دېگەنلەر بىلەن مۇناسىۋەتلىك.     ئەرلەر ئايالى بىلەن ئاشنىسى ئىچىدە  قايسىنى تاللاشنى ئۆزى بىلىدۇ.  بىلىمى بار، ساپالىق، دىيانەتلىك ئەرلەر ئۆز ئايالىنى تاللىشى مۇمكىن، ئەكسىچە قاراقوساق، تەربىيە كۆرمىگەن، ئېتقادى كەمچىل، كاللىسى ئاددى ئەرلەر ئاشنىسىنى تاللىشى مۇمكىن، ئاشۇ ئاشنىسىنىڭ بىر كۈنلەردە ئۆزىگە ئاشنا بولغاندەك باشقا ئەرلەرگىمۇ ئاشنا بولۇپ يۈرىيدىغىنىغا كاللىسى يەتمەيدۇ-دە.     ئەڭ ياخشىسى، ئۇلۇغ ئاللا ئەرلەرنىڭ كۆڭلىگە ئىنساب بەرسۇن، ئاياللارنىڭمۇ ھەم شۇنداق. مىللىتىمىزنى ئۇنداق ئاسان تۈگەشتۈرىۋەتمىگەي. ئۇ ئالەمگە ئېتقادىمىز بىلەن كېتىپ قېلىشىمىزغا نېسىب قىلغاي!!! ئارمان-تاشقىنغا تەشەككۇر! [ Coffee بۇ يازمىنى  2010-يىلى 11-ئاينىڭ 5-كۈنى 15:59  دە تەھرىرلىگەن. ]

مەرۋەرى

	مانا مانا تېما ، مانا ئىنكاس دېگەن، قەھۋە خانقىز ئەسلىگە قايتتى، بۇرۇنقى يەتتە قىزلىرىمدىكى قەھۋەنى ئەمدى كۆردۈم، ھېلى ئالدىرىماي ئوقۇي...

خۇشچىراي

	ئىنكاسنى ياىشى يازدى دەپ سايىنى ماختاپ ئاندىن ئۈزىڭىزمۇ تازا بىر كەلتۈرۈپسىز غۇ ئىنكاس دىگەننى قەھۋە .

قەھۋە

	مەن ۋاقتىم بولسىلا ئاددى ئىنكاس يازمايمەن، بولسا پىكرىمنى كۆپرەك بايان قىلىشنى ياخشى كۆرىمەن. ئەمما بەزىدە ۋاقت ۋە ھېسسىيات چەكلىمىسى تۈپەيلى كۆپ يېزىپ بولالمايمەن. مەرۋەرى خېنىم، ئىنكاسلارنى خېلى تەپسىلى يېزىۋاتىمىز جۇمۇسىلا. دىققەت قىلىپ نازارەت قىلالا!

nafisa

	ئاللا ئىنسانلارغا ئىككى قولنى تۇتۇشقا ،ئىككى قۇلاقنى ئاڭلاشقا ،ئىككى كۆزنى كۈرۈشكە ياراتقان ،نىمشقا پەقەت بىرلا يۈرەكنى ئاتا قىلغان ؟ چۈنكى بىرلا ئادەمنى سۆيسۇن دەپ .

دىلەيسەم

	نەفىسە قىزنىڭ قىسقا، ئەمما مەنىلىك بۇ ئىنكاسى تېمىغا جاۋاپ بوپتۇ ، تەشەككۈر نەفىسە!

manzlim

	بۇ تىما ۋە ئىنكاسلارغا قارسام مەن بويتاقنىڭ قۇلقې سەل تىچمۇ نىمە؟ ئائىلسې بارلا ئەنسىرەپلا  يۇردىغان گەپكەنغۇ...

قەھۋە

	ئەنسىرىمەڭ مەنزىلىم! تۇرمۇش دېگەن بەك گۈزەل، ئىككى كىشلىك دۇنيادىن بالدۇرراق بەھىر ئېلىڭ. گەپ سىزنىڭ تۇرمۇشتا قانداق يولنى تۇتالىشىڭىزدا.

arzuyum

	بۇ تېما ھەقىقەتەن كىشلىك تۇرمۇشنىڭ تولىمۇ نازۇك مۇناسىۋەتلىرىنى ئېچىپ بېرىپتۇ.

neyime

	سايەنىڭ ئىنكاسىنى ئوقۇپ بەك ھاياجانلاندىم ،دىمىسىمۇ سايە خۇددى مەرىم دىگەندەك 70ياشلىق نۇرغۇن ئىسسق سوغۇقنى بىشىدىن ئۆتكۈگەن چوڭ ئادەملەردەك يىزىپسىز ،شۇنچىلىك تەپسلى ،ھەقىقەتەن ئەرلەرنىڭ كۆڭلىگە ئىنساپ بەرسۇن ،ئۇنىڭغا قوشۇپ ئاۋۇ نىم بولسا بولمامدۇ دەپ ئارلىشىدىغان ئاياللارمۇ شۇنىڭ ئىچىدە ...