كــەمـبـەغـەلـلـەرنىڭ رومانتىكىلىقى !

guljetin

	كــەمـبـەغـەلـلـەرنىڭ رومانتىكىلىقى  ! ئاشۇ كۈنلىكى كەچقۇرۇنلىقى بىريىگىتنىڭ بىرقىزنى ھاپاش قىلىپ ئاسما كۆۋرۈككە چىقىپ كېتىۋاتقانلىقىنى كۆرۈپ قالدىم .  ئۇلارنىڭ ئۈستىۋىشىدىن قارىغاندا يېزىدىن شەھەرگە كەلگەن ياش ئەر-خۇتۇن ئىشلەمچىلەردەك قىلاتتى . قىز يىگىتنىڭ دۈمبىسىگە چىڭ يېپىشىۋالغان ، يىگىت بولسا چىلىق - چىلىق تەرگە چۆمۈلۈپ كەتكەنىدى . مەن تېزدىن بېرىپ يىگىتنى يۆلىدىم ۋە كۆيۇنگەن ھالدا : _ بۇقىز ئاغرىپ قالغان ئۇخشىمامدۇ ؟ سىزگە دوختۇر ماشىنىسى چاقىرىپ بېرەي ، _ دىدىم . بىز كۆۋرەك ئۈستىگە چىققاندا ، قىز تۇيۇقسىز يىگىتنىڭ دۈمبىسىدىن سەكرەپ چۈشۈپ ، كۈلۇپ تىلىقىپ قالدى . _ كەچۈرۇڭ ، كەچۈرۇڭ ، _ دېدى ، يىگىت ئالمان- تالمان كەچۈرۈم سوراپ ، _ سىزگە كۆپ رەخمەت ، بىز ئەسلى ئويۇن ئويناۋاتقانتۇق . _ نېمە ، ئۇيۇن ئويناۋاتقانتۇق ؟ _ بۇ گەپنى ئاڭلاپ سەل ئوڭايسىزلىنىپ قالدىم ، غۇژژىدا ئاچچىقىم كەلدى . بىرھازادىن كىيىن ئاران دېگەندە كۈلكىسىنى باستى ، ئۇماڭا ، بۈگۈن ئۇلارنىڭ توي قىلغانلىقىنىڭ ئۈچ يىللىقى ئىكەنلىكىنى ، شۇڭا كەچقۇرۇنلىقى رۇخسەت سوراپ چىققانلىقىنى ئېيتتى . _ ئۇنىڭ پۇلى يوقلىقىنى بىلگىنىم ئۈچۈن ، سوۋغات ئېلىپ بەر دىمىدىم ، _ دىدى قىز  ، _ لېكىن ئۇنىڭ كۈچى بار ، شۇڭا مېنى كۆتۈرۈپ چىقىشنى تەلەپ قىلدىم ، ئۇمېنى كۆتۈرۈپ ئۈچ قىتىم بېرىپ _ ئەكىلىپلا ھېرىپ ھالىدىن كەتتى ، كەلگۈسىدە توي قىلغىنىمىزغا 30يىل بولغاندا ، ئۇنىڭغا 30رەت كۆتۈرتىمەن ، شۇچاغدا ئۇ كۆرگىلىكىنى كۆرىدۇ . قىز سۆزلەپ يەنە كۈلۈپ كەتتى ، يىگىت بولسا بىرچەتتە ساددىلارچە كۈلۇمسىرەپ تۇراتتى . مېنىڭ نەزىرىمدە ئۇ قىز چىرايلىق ئەمەس ، ھەتتا سەت دېيىشكە بولاتتى . لېكىن شۇ پەيىتتە بۇسەت سەھرا قىزى كۆزۈمگە سۆيگۈ لىباسى كىيگەن نازىنىنلاردەك كۆرۈنۈپ كەتتى . كىشىلەر ئادەتتە رومانتىكىلىقنى گۈل ، شام نۇرى ، قەھۋەخانا ، مۇزىكا دېگەندەكلەر بىلەن باغلىۋىلىپ ، دۇنيادا  پۇل بىلەن قىلچە ئالاقىسى بولمىغان رومانتىكىلىقنى خىيالىغا كەلتۈرۈپمۇ قويمايدۇ . بىز سۆيگىنىمىزگە قىممەت باھالىق نەرسىلەرنى ئىلىپ ئېلىپ بەرمىسەكمۇ ، ھېچ بولمىغاندا ھاپاش قىلىپ ئايلىنىپ كەلسەكمۇ بولىدىغۇ!! مەنبە: شەبنەم تورى

nazinin

	كۆپىنچىمىز تۇرمۇشىمىزدا رومانتىك دەقىقىلەرنىڭ بولۇشىنى ئارزۇ قىلىمىز ،بولۇپمۇ خانىم -قىزلار دەل مۇشۇنداق . يۇقۇرىدىكى قىسقا ھىكايىدە بايان قىلىنغاندەك رومانتىكلىكنى پەقەت ئىقتىسات بىلەنلا سېتىۋالغىلى بولمايدۇ ،مانا مۇشۇنداق دىلىمىزنى سۆيۈدۈرىدىغان كىچىك ئىشلارمۇ بىزگە رومانتىك تۇيغۇ ئاتا قىلالايدۇ .