چىدىمىساڭ ئۆلىۋال ( سەنسىز 0903 )

sansiz0903

	چىدىمىساڭ ئۆلىۋال سەنسىز0903 بىراۋ تاپسا يۈز ئابرۇي، چىدىمىساڭ ئۆلۈۋال، ئامەت كەلسە ياخشىغا، چىدىمىساڭ ئۆلۈۋال. يولدا ماڭسا ئاشىقلار ھەسەت قىلىپ، تولغىنىپ، ئىزدەپ قۇسۇر، يامان گەپ تاپالمىساڭ ئۆلۈۋال. خوش بولىدۇ بىراۋنىڭ كۈلپەت چۈشسە بېشىغا، كېچە-كۈندۈز ئويلايدۇ، توپا چاچسام ئېشىغا. قوندۇرمايدۇ چىۋىننى ھەتتا گۈلە-قېقىغا. ياخشىلارغا ئورىلار قازالمىساڭ ئۆلۈۋال. ھالال ئىشلەپ پۇل تاپسا، ئۇخلىيالماي تولغىنىپ، ئاھ ئۇرىسەن ھەر دەقىق كىچىدىمۇ ئويغىنىپ. ئۆتەر كۈنۈڭ بىر ئۆمۈر، ئاقنى قارا كۆرسىتىپ. ياخشىلارغا پەشۋانى ئاتالمىساڭ ئۆلۈۋال. كۆرسىتىسەن تۆگە دەپ، ھەتتا كىچىك تۈگمىنى، بىلىمەن دەپ داڭلايسەن، ھەممە ئىشنىڭ ئېپىنى. ئۆتەر كۈنۈڭ لالمىدەك، تۇتماي ئىشنىڭ بېشىنى. سەندە نەشتەر بار، لېكىن چاقالمىساڭ ئۆلۈۋال. دەسسەپ خازان قىلغۇڭ بار بىر چىرايلىق مايسىنى، چېلىپ ھىيلە كانىيى، ئاپتاپ دەيسەن سايىنى. يۇۋاشلارنى بۇزەك قىپ، ئۇرالمايسەن نوچىنى، ھەققانىيەت تېمىنى، چاقالمىساڭ ئۆلۈۋال. پۇت قويىسەن ياخشىغا، كۈندە قىلماق بولۇپ قەست، ھەسەت قىلىپ كەينىدىن، گەپ تاپىسەن ئېگىز-پەس. ئايەم بولار سەن ئۈچۈن، ئۆزگىلەرنى باسسا نەس. مۇھەببەتكە ئىغۋانى، تېرالمىساڭ ئۆلىۋال. بېغىدىكى باغۋەننىڭ، تۇرسا مېۋە مەي بولۇپ، سېسىتقۇڭ بار تۇيدۇرماي، ئۆزگىرىپلا قۇرت بولۇپ. يازدا ئۆسكەن كۆچەتنى، ئۈششۈتكۈڭ بار جۇت بولۇپ. بوران  بولۇپ ئورماننى، يۇلالمىساڭ ئۆلىۋال. ئەسەرلىرىمنى رۇخسىتىمسىز كۆچۈرمەڭ!

جۇلالىق

	بۇنداقلار چىدىمىسا ئۆلۈۋېلىشقىمۇ جۈرئەت قىلالمايدۇ. چۈنكى ئۆلىۋالسا باشقىلار ئېرىشكەن ياخشىلىققا كىم ھەسەت قىلىدۇ؟

Jilwe

	سەنسىز ئۇكە ، بەلەن جۇما يارايسىز ! كۆكۈيۇندەك ئىلىپ ، ئىلىپ تۇرۇپ يازغىنىنى قارا .... ئايدارنىڭ يىتەكچىلىكىدە ئىمزا قويۇپ بىرىڭ دەپ ئىزدەپ بارمايلى يەنە ...

Aydar

	جىلۋە خېنىم :كۆكۈيۈن دىگەن ئىشەكنىڭ ساغرىسىدىن كەتمەيىدىغان نەرسە، سەنسىزنى قالايماقان ئوخشاتماڭ جۇمۇ

سامسىپەز

	ھىم... لېكىن  بەزى ئادەملەر ئىشەكتەكلا....كۆكۈيۈن ئۇقماي چېقىپ سالسىمۇ بىرنىمە دېگىلى بولمايدۇ... شۇڭا دەيمەن، جىلۋىنىڭ ئوخشاتقىنمۇ خاتا ئەمەستەك...

sansiz0903

	سامسىپەز ئاكىمىزنىڭ ئىنكاسلىرى ئوتۇندەك بەزى ئادەملەر  راس ئىشەكتەك بوپ كەتتى..

Aydar

	شۇنى دەيمەن، ئىشەكلىكىنى بىلەرمۇ ئۇلار؟

ئاھۇ

	بۇ شېئىرنى يەنە بىر قېتىم كۆرگۈنىمدىن خوشالمەن.

Jilwe

	ماڭا بوھتان چاپلىماڭلار ئەزىزلىرىم ، كۆڭۈل رەنجىشتىن بەكلا قوقىمەن ، < دىل ئازار ، خۇدا بىزار > دىگەن گەپ بار ئەمەسمۇ . سەنسىزنىڭ قەلەم قۇۋۋىتىگە قاراتقان مۇبالىغەم خالاس ، يىزىپ شۇنداق كەلتۇرۋىتىپتۇ . ئەمدى ئىشەك مەسىلىسىگە كەلسەك : ئۆزىنىڭ ئىشەكلىكىنى بىلىپ بولغۇچە يىپىپ ، يۇغرۇپ ئۈلگۈرىدۇ ، شۇڭا نىمىگە ئوخشايدىغانلىقىنى باشقىلار بىلىپ بولالماسلىقى مۇمكىن، ئۆزى بىلەلىسىلا كۇپايە .... ئەمما ، شۇ ، لېكىن ، ئەپسۇس ..............