مۇنبەر مەسئۇللىرىغا بىر پارچە ئوچۇق خەت!

ئايدىل

	ئايدىل دوستىمىزنىڭ ئەمگىكى ۋە مۇنبەرنىڭ تەرەققىياتى ئۈچۈن مۇنازىرىنى تېما ئۈستىدە ئېلىپ بارساق،بۇ تېمىدا تەكلىپ -پىكىرلەردىن باشقا ھەر قانداق شەخسى پاراڭ ۋە  ئىنكاسلار ئۆچۈرىلىدۇ.(مەرۋەرى) ئەسسالامۇ ئەلەيكۇم مۇنبەر مەسئۇلى ۋە جاپاكەش باشقۇرغۇچىلار! مەن يەتتە قىزلىرىمنىڭ كونا ئەزاسى شۇنداقلا قىزغىن ئىشتىراكچىسى بولۇش سۈپىتىم بىلەن مۇنبەرنىڭ يېقىنقى بىر مەزگىللىك ئەھۋالىدىن تولىمۇ ئەپسۇسلاندىم ۋە كۆڭلۈم يېرىم بولدى، چۈنكى تور قايتا ئېچىلغاندىن كېيىنكى تۇنجى <<خانىم - قىزلار مۇنبىرى>> بولغان بۇ مۇنبەر باشلىنىشىدا تولىمۇ قىزغىن كەيپىيات بىلەن مېڭىۋاتقان، قەدەمدە بىر ئىجادىي تېما ۋە ئېسىل ئىنكاس، تەكلىپ پىكىرلەرنى ئۇچراتقىلى بولاتتى، شۇ سەۋەپلىك قىسقىغىنە ۋاقىتتا ئەزا سانى ۋە تېما سانىدا بولسۇن شۇنداق زور يۈكسىلىشلەر بولغان ئىدى، بىلمىدىم مۇشۇ ئىككى- ئۈچ ھەپتە مابەينىدە كونا ئەزالارنى تۈزەك كۆرگىلى بولمايدۇ تېما ئەمەس بىرەر ئىنكاسمۇ يازماپتۇ  (ئەلۋەتتە مۇنبەر مەسئۇللىرى ۋە نۇرغۇنلىغان ئالىي باشقۇرغۇچىلارمۇ مۇشۇنىڭ ئىچىدە). ئەلۋەتتە، مۇنبەر مەسئۇلى ۋە باشقۇرغۇچىلىرىمىزنىڭ ئۆز ئالدىغا ئائىلە، تۇرمۇش، خىزمەت ۋە ئادىمگەرچىلىك بېرىش -كېلىشلىرى بولىدۇ، ئەمدى مېنىڭ بۇ يەردە دىمەكچى بولغىنىم سىلەرنى كۈندە كىرىپ ئولتۇرۇڭلار دىمەكچىمۇ ئەمەس، چۈنكى پېقىرمۇ ئايدا بىر ياكى ئىككى، جىق بولسا ئۈچ قېتىم كىرىپ زىيارەت قىىلىپ تۇرىمەن، جىق نەرسە يازالمايمەن، دىمەكچى بولغىنىم مۇنبەرنىڭ قۇرغۇچىلىرى بولمىش مەسئۇللار ۋە باشقۇرغۇچىلار بىر يەرگە باش قوشۇپ قانداق قىلغاندا مۇنبەرنىڭ بۇنىڭدىن كېيىنكى تەرەققىياتىنى ياخشىلىغىلى بولىدۇ ۋە قانداق ياخشى ئۇسۇللار بار دېگەن توغرىسىدا پىكىرلىشىپ باقساڭلار بولسا، مۇنبەردىكى ئىجادىيەتچىلەرنىڭ قىزغىنلىقىنى يۇقىرى كۆتۈرۈش ئۈچۈن كونا بولسىمۇ ئەسەرلەرنى بېلەت تاشلاش ئۇسۇلى بويىچىمۇ ياكى باشقىچەرەك ئۇسۇلدا بولامدۇ، ئەيتاۋۇر بىر ئۇسۇلدا باھالاش ۋە مۇكاپاتلاش پائالىيىتى ئېلىپ بارساڭلار، ئەگەر ئۆزۈڭلارنىڭ بۇ توغرىسىدا ئايرىم پىلانلىرىڭلار بولسا بۇ تەكلىبىمنى ئارتۇقچە بولۇپ قاپتۇ دەپ كۆرمەسكە سالساڭلارمۇ بولىدۇ. ئۇنىڭدىن باشقا مەن ئەسەرلىرىنى ئەڭ ياقتۇرۇپ ئوقۇيدىغان ئايدار، سايە، خەندان، دىدار، ئۆتكەن كۈنلەر، كەننان، قاتارلىق دوستلارنىڭ مۇنبىرىمىزنىڭ گۈللىرى سۈپىتىدە داۋاملىق بىزنىڭ چاڭقىغان دىللىرىمىزغا يېڭى- يېڭى تېمىلارنى سۇنۇپ تۇرسا دەيمەن. ئەگەر يۇقۇردىكى گەپ-سۆزلىرىمدە كۆڭلىڭلارغا كەلگۈدەك گەپ- سۆزلەر بولسا كەچۈرۋېتىشىڭلارنى ئۈمۈت قىلىمەن. ھازىر رىقابەتكە تولغان مۇشۇنداق دەۋىردە بىزدەك خانىم- قىزلارنىڭ ئۆز قەلىب ئۈنچىلىرىنى تىزغىدەك مۇشۇنداق سورۇننى تاپماق تولىمۇ تەس، ئىشتىن ھېرىپ كېلىپ قازان بېشىدىن بىكار بولۇپ ، ئۆزىڭىزگە تەۋە بولغان ئاشۇ كىچىككىنە ۋاقتىڭىزدا ئويلىغانلىرىڭىزنى، يولۇققان قىيىن مەسىلىلىرىڭىزنى دوستلار بىلەن ئورتاقلاشقىدەك مۇشۇنداق بىر سورۇننىڭ بارلىقى سىز ۋە بىزگە چوڭ ئىش. ھاردىڭىزمۇ ؟ چارچىدىڭىزمۇ ؟ كىچىككىنە كۆڭۈل سىرلىرىڭىز بارمۇ؟  شۇ سىرلىرىڭىزنى ئەڭ يېقىنلىرىڭىز بىلەن ئورتاقلاشقىڭىز بارمۇ؟ تۈگىمەس ئائىلە ئىشلىرى، تۇرمۇش غەملىرىدىن ھالسىرىغان ۋاقىتلىرىڭىزدا ئۆزىڭىزگە تەۋە بىر بوشلۇقتا چارچىغان نېرۋىلىرىڭىزنى ئارام ئالدۇرغىڭىز بارمۇ؟ كەسپىڭىزدىكى ئۇتۇقلىرىڭىز ، ئەقىللىق كاللىڭىزدىكى ئۇنچىلەردىن مارجان تىزىپ ھەمشىرىلەرگە سۇنغىڭىز بارمۇ؟

مەرۋەرى

	مەن ئاۋال سىزنىڭ مۇنبىرىمىز ئۈچۈن بەرگەن قىممەتلىك تەكلىپ- پىكىرىڭىزنى قوللايمەن ۋە چىن قەلبىمدىن رەھمىتىمنى بىلدۈرىمەن، قالغان قاراشلىرىمنى ۋە ئويلىغانلىرىمنى كەچتە ئىشتىن چۈشۈپ كىرىپ يوللاي.

جۇلالىق

	ئايدىل خانقىزنىڭ مۇنبەر ئۈچۈن كۆڭۈل بۆلگىنىگە ۋە تەكلىپكلەرنى بەرگىنىگە تەشەككۈرلەر بولسۇن. يېقىندىن بۇيان كەمىنە "جۇلالىق"مۇ مۇنبەرگە كۆپ كىرەلمىدىم. كىرسەممۇ تېمىلارنى كۆرۈپلا ئىنكاس يېزىپ چىقىپ كېتىمەن تېما يوللاشقا ۋاقتىم يەتمەي قالدى. ئالدىراشچىلىقلارمۇ تۈگىدى. ئون كۈندىن بۇيان مۇنبەرنىڭ كەيپىياتى سەل جىمغور بولۇپ قالدى. بۇنى توغرا چۈشۈنۈشكە بولىدۇ. ئەزالارنىڭمۇ بەزىدە ئالدىراش ئىشلىرى بولىدۇ. بۇ ۋاقىتلىق ئىش بۇرۇنقى قىزغىنلىقىمىزنى ھامان تېپىۋالىمىز. ئايدىل خانقىزنىڭ مۇنبەردىكى ئىجادىي تېمىلارنى باھالاپ چىقىپ مۇكاپاتلاش توغرىسىدىكى تەكلىپى بەكلا ئورۇنلۇق بوپتۇ. باشقۇرغۇچىلار مەسلىھەتلىشىپ قارار چىقىرايلى. يەتتە قىزلىرىم مۇنبىرىدىكى ھەر بىر ئەزا مۇنبىرىمىزنىڭ گۈللىرى بىز ئۈچۈن قەدىردان ئەزىزلەر! يەتتە قىزلىرىم مۇنبىرى مۇنبەر مەسئۇلى،ئالىي باشقۇرغۇچى،باشقۇرغۇچى، ئەزالار ھەممىسى باراۋەر ئورۇندا تۇرىدىغان دېمۇكراتىيەنى يۈرگۈزۈۋاتقان ھەمدە مۇنبەردە ھوقۇق تالىشىش كۈرىشى، بىر-بىرىگە چوڭچىلىق قىلىدىغان ناچار قىلىقلار يوق بىردىن-بىر مۇنبەر. يەتتە قىزلىرىم مۇنبىرىنى قوللاپ كەلگەن دوستلارغا چىن كۆڭلىمىزدىن رەھمەت ئېيتىمىز!

مەرۋەرى

	ئەسسالامۇ ئەلەيكۇم ئايدىل خانقىز! مېنىڭ تەكلىبىمنى رەت قىلماي مۇنبىرىمىزگە قىممەتلىك ۋاقتىڭىزنى چىقىرىپ كىرىپ تۇرغانلىقىڭىزغا شۇنداقلا بۈگۈنكىدەك مانا مۇشۇنداق ئېسىل تەكلىپ- پىكىرلەرنى بېرىپ، مۇنبەرنىڭ كەلگۈسى تەرەققىياتىغا كۆڭۈل بۆلگەنلىكىڭىزگە كۆپ تەشەككۈر! يۇقۇردا جۇلالىق سىڭلىمىزمۇ بىر قۇر چۈشەنچە بېرىپ ئۆتۈپتۇ، شۇڭا بۇ يەردە مەن ئارتۇقچە چۈشەندۈرمەي، مەن پەقەت مۇنبەردە پائالىيەت ئۆتكۈزۈش توغرىسىدىكى پىلانىمنى دەپ باقسام باشقا دوستلارنىڭمۇ كۆز قارىشىنى ۋە ياخشى تەكلىپلىرىنى بېرىشىنى چىن قەلبىمدىن ئۈمۈت قىلىمەن! مەن بۇرۇنلا مۇنبەردە سىز ئېيتقاندەك بىرەر پائالىيەت ئۇيۇشتۇرۇشنى ئويلاشقان، ئەمما ئەسەرلەرنى باھالاش پائالىيىتى بارلىق مۇنبەرلەر يولغا قويۇپ بولغان كونا پائالىيەت بولۇپ قالدى دەپ ئويلاپ، ئۆز كۆڭلۈمدە ئالدىراشلىقلىرىم تۈگىسە مۇنبەردىكى بارلىق ئەزالارنىڭ تاللىشىغا قويۇپ بىرەر يېڭى تۈردىكى پائالىيەت ئېلىپ بارساقمىكىن دەپ ئويلىغان ئىدىم. سىز يۇقۇردا ئېيتقاندەك تور قايتا ئېچىلغاندىن كېيىن يەتتە قىزلىرىم مۇنبىرى تۇنجى ئېچىلغان <خانىم - قىزلار مۇنبىرى> بولغاچ، ئۆز كۆڭلۈمدە  پائالىيەتنىمۇ يېڭىچە، مەلۇم بىر خاسلىققا ئىگە بولغان ئاساستا ئېلىپ بارساق، دوستلارنىڭ قىزغىنلىقىنى تېخىمۇ يۇقۇرى كۆتۈرەمدىكىن دەپ ئويلاپ كەلگەن، ھەمدە بەزىبىر باشقۇرغۇچىلا ربىلەن چ چ دا مەسلىھەتلەشكەنمۇ بولدۇق، ئەمما مەن ئويلىغان شۇ يېڭىچە پائالىيەت ۋۇجۇتقا چىقماي مۇشۇ كەمگە كەلدۇق. ئەمدى ئاساسلىق مەقسەتكە كەلسەك: بارلىق باشقۇرغۇچى ۋە دوستلارنىڭ مۇشۇ تېمىغا ئىنكاس يېزىش ئارقىلىق بىرەر پائالىيەتنى ئوتتۇرغا قويۇشىنى ، ئاندىن ئاۋازغا قويۇش ئارقىلىق قايسى پائالىيەت يۇقۇرى ئاۋازغا ئېرىشسە شۇ پائالىيەتنى بېكىتسەك دىگەن ئۈمىدتىمەن، قېنى دوستلار مۇنبەرنىڭ كەلگۈسى تەرەقىياتى ئۈچۈن ئۆزۈڭلارنىڭ قىممەتلىك تەكلىبىڭلارنى ئايىمىغايسىلەر!

sansiz0903

	مەنمۇ يەتتە قىزغا بولغان ئانچە-مۇنچە كۆز قارىشىمنى ئوتتۇرىغا قويۇپ ئۆتسەم. كۈندە دىگۈدەك يەتتە قىز مۇنبىرىگە كىرىپ تۇرىمەن. كۆرۈپ تۇرىمەن. ئىنكاس يېزىشقا مۇۋاپىق تېما بولسا ئىنكاسمۇ يېزىپ تۇردۇم. بىراق مۇنبەردىكى مۇنۇ يىتەرسىزلىكلەر مىنىڭ دىققىتىمنى تارتتى... 1. مۇنبەرنىڭ  بەت سېستىمىسىنى يىڭىلىساق، ھازىر پۈتۈن مۇنبەرلەر ئىشلىتىۋاتقان 7.0 بەتنى ئىشلەتسەك. 2. مۇنبەرنىڭ رەڭدارلىقىنى ئاشۇرۇش ئۈچۈن تېمىلارغا رەڭ بىرىپ، ئوتتۇرىغا تەڭشەپ، بېزەپ چىقارساق. بىر قىسىم تىمىلاردا ئاپتور يوللىغان بويىچە (رەڭ بىرىلمىگەن شېئىرلار ئوتتۇرىغا تەڭشەلمىگەن، ماۋزۇ چوڭايتىلمىغان) ھالەتتە چىقىرىپ قويۇلغان بۇنى ۋاقتىدا بىر تەرەپ قىلساق. 3. ئەڭ ھالقىلىق مەسىلە، مۇنبەرنىڭ نادىر تېمىغا بولغان كۆز قارىشى ئىنتايىن تۆۋەن ئىكەن. مەن مۇنبەرگە كىرگەندىن باشلاپ بىرەر نادىرلانغان تېمىنى ئاساسى جەھەتتىن كۆرمىدىم. باشقىلار نادىر تېما يوللىيالمىدىمۇ ياكى، راستىنلا مۇنبەرنىڭ نادىر تېمىغا بولغان كۆز قارىشى شۇ دەرىجىدە تۆۋەنمۇ..؟ بۇنداق بولسا  ئەزالارنىڭ كەيپىاتى زور دەرىجىدە چۈشۈپ كىتىدۇ. تاققا-تۇققا، گاراڭ-گۇرۇڭ سۆزلەپ قويدۇم. بۇنى ئەمەلىيەتكە ئايلاندۇرۇش بىكەت باشلىقلىرىغا باغلىق.

Aychiwer

	ئاۋۇ ئاخىرىدىكى قىزىل رەڭلىك بويالغان تەكلىپلەر --- بەك يارىدى . ئۆزى بىلەن ئۆزى مۇڭدىشىدىغان ئاياللارمۇ ئاز ئەمەس . ئەمەلىيەتتە بۇ مۇنبەر دەل ئاشۇنداقلارنىڭ سىردىشى بولۇشى كېرەكتى . بۇندىن كېيىن بوپ قالار. مېھرى ئىسسىق مۇنبەر بۇ . بۇرۇنقى ئانا يۇرت مۇنبىرىنى ئەسلەپ قالىمەن بۇ يەرگە كىرسەم .

مەرۋەرى

	ئانا- يۇرت مۇنبىرىدەك بولمىسىمۇ، ئەمما سىزنى ۋە سىزدەك دوستلىرىمىزنى قىزغىن قارشى ئالىمىز ۋە ئېسىل نادىر تېمىلىرىڭلار بىلەن ئورتاقلىشىشقا ھەر ۋاقىت تەيياربىز!!

Erkman

	بۇ يېپىق خەتكە http://www.yeeyan.org/ ماۋۇ ئۇلىنىشتىن قىززىق-قىززىق تېمىلارنى تەرجىمە قىلىپ يوللىسىڭىزلەر تازا قىزامدۇ-نېمە؟

Qismet

	sansiz0903 بۇ يازمىنى 2010-يىلى 10-ئاينىڭ 31-كۈنى 13:14 دە يوللىغان مەنمۇ يەتتە قىزغا بولغان ئانچە-مۇنچە كۆز قارىشىمنى ئوتتۇرىغا قويۇپ ئۆتسەم. كۈندە دىگۈدەك يەتتە قىز مۇنبىرىگە كىرىپ تۇرىمەن. كۆرۈپ تۇرىمەن. ئىنكاس يېزىشقا مۇۋاپىق تېما بولسا ئىنكاسمۇ يېزىپ تۇردۇم. بىراق مۇنبەردىكى مۇنۇ يىتەرسىزلىكلەر مىنىڭ دىققىتىمنى تارتتى... 1. مۇنبەرنىڭ  بەت سېستىمىسىنى يىڭىلىساق، ھازىر پۈتۈن مۇنبەرلەر ئىشلىتىۋاتقان 7.0 بەتنى ئىشلەتسەك. 2. مۇنبەرنىڭ رەڭدارلىقىنى ئاشۇرۇش ئۈچۈن تېمىلارغا رەڭ بىرىپ، ئوتتۇرىغا تەڭشەپ، بېزەپ چىقارساق. بىر قىسىم تىمىلاردا ئاپتور يوللىغان بويىچە (رەڭ بىرىلمىگەن شېئىرلار ئوتتۇرىغا تەڭشەلمىگەن، ماۋزۇ چوڭايتىلمىغان) ھالەتتە چىقىرىپ قويۇلغان بۇنى ۋاقتىدا بىر تەرەپ قىلساق. 3. ئەڭ ھالقىلىق مەسىلە، مۇنبەرنىڭ نادىر تېمىغا بولغان كۆز قارىشى ئىنتايىن تۆۋەن ئىكەن. مەن مۇنبەرگە كىرگەندىن باشلاپ بىرەر نادىرلانغان تېمىنى ئاساسى جەھەتتىن كۆرمىدىم. باشقىلار نادىر تېما يوللىيالمىدىمۇ ياكى، راستىنلا مۇنبەرنىڭ نادىر تېمىغا بولغان كۆز قارىشى شۇ دەرىجىدە تۆۋەنمۇ..؟ بۇنداق بولسا  ئەزالارنىڭ كەيپىاتى زور دەرىجىدە چۈشۈپ كىتىدۇ. تاققا-تۇققا، گاراڭ-گۇرۇڭ سۆزلەپ قويدۇم. بۇنى ئەمەلىيەتكە ئايلاندۇرۇش بىكەت باشلىقلىرىغا باغلىق. ئەسسالامۇ ئەلەيكۇم، يەتتە قىزلىرىمدىكى قېرىنداشلىرىم، سىلەرگە ئاللاھنىڭ سالامى بولسۇن! كەمىنە قىسمەت ھەرقايسىڭىزلار كۆرۈۋاتقان مەزكۇر تورنىڭ قۇرغۇچىسى، ھازىرقى تېخنىكى بولۇش سۈپىتىم بىلەن ئىنىم سەنسىزنىڭ پىكرىگە پەقەت تېخنىكىلىك مەسىلىلەر تەرەپتىن مەسئۇللۇق نۇقتىسىدىن جاۋاب بېرىمەن. باشقا پىكىرلەرگە پەقەت شەخسىي پىكرىمنى قويۇپ ئۆتىمەن، تەپسىلىي جاۋابنى مۇنبەر مەسئۇللىرى ۋە باشقۇرغۇچىلار جاۋاب بەرگەي. 1. مۇنبەرنىڭ  بەت سېستىمىسىنى يىڭىلىساق، ھازىر پۈتۈن مۇنبەرلەر ئىشلىتىۋاتقان 7.0 بەتنى ئىشلەتسەك. جاۋاب: ئەزىزلەر كۆرۈپ تۇرۇۋاتقاندەك بۇلتۇر 3-ئاينىڭ 21-كۈنى بېكىتىمىز قۇرۇلغاندا مۇنبەر سىستېمىسىغا Discuz مۇنبەر سىستېمىسىنىڭ 6.1 نەشىرىنى تاللىغان ئىدۇق. شۇ چاغدا Discuz 7.0 مۇ تارقىتىلىپ بولغان تۇرۇقلۇق، كەسپىي كومپيۇتېر خادىمى بولمىش قىسمەت نېمىشقا Discuz 6.0 ياكى Discuz 7.0 نى تاللىماي، Discuz 6.1 نى تاللايدۇ؟ قىسمەت Discuz 6.1 غا قارىغاندا Discuz 7.0 ئىقتىدارى يۇقىرى ئىكەنلىكىنى بىلمەيدىغان بولغىيمىدى؟ زىنھار ئۇنداق ئەمەس، ئەمىسە مەسىلە نەدە؟ بۇنى يەتتە قىزلىرىم مۇنبىرىنىڭ خاراكتېرى بەلگىلەپ قويغانىدى. يەتتە قىزلىرىم مۇنبىرى خانىم-قىزلارنىڭ مۇنبىرى بولغانلىقى ئۈچۈن، قىزىل گۈلدەك كۆزنى چېقىپ تۇرىدىغان شۇ گۈزەل قىزلارغا بېغىشلانغان بېكەتكە گۈزەل بېكەت سىستېمىسى ئىشلىتىش ئەقەللىي تەقەززا ئىدى. Discuz 7.0 دەك پەن-تېخنىكا بەتلىرىگە بەكرەك ماس كېلىدىغان نەشىردىن Discuz 6.1 دەك تاتلىق كۆرۈنۈشتىكى مۇنبەر سىستېمىسىنى ئىشلىتىش ئالدىنقى تاللاش بولۇپ قالغان ئىدى. Discuz 7.0 نى زىننەتلەپ خانىم-قىزلارغا ماس كېلىدىغان كۆرۈنۈشتە ئېلان قىلىش قىسمەتنىڭ قولىدىن كەلمەسمىدى؟ زىنھار ئۇنداق ئەمەس. Discuz 7.0 نىڭ ھازىرقى بەت كۆرۈنۈشىدەك ئىسسق، تارتىملىق قىلىپ Discuz 6.1 كۆرۈنۈشىدە لايىھىلەشكە %100 ئىمكانىيەت بار. مەسىلە شۇ يەردىكى بۇنىڭ زۆرۈرىيىتى بارمۇ؟ بىر نىشانغا يېتىشتە ئىككى يول بولسا، ھەر ئىككى يولدا يەتكەن نىشاننىڭ قىممىتى ئوخشاش بولىدىغان بولسا كەمىنە قىسمەت ئىككىلەنمەي تۇرۇپ ئاسان يولنى تاللايدۇ. سەنسىز ئىنىمنىڭ بۇ پىكرى مۇنبەر سىستېمىسى ئېھتىياجىمىزدىن چىقالمايۋاتىدۇ دېگەن مەنىنى بېرەمدۇ - قانداق؟ ئەگەر مۇنبەر ئىقتىدارى ئاجىز، يەنە مۇنداق ئىقتىدارلار بولۇشى كېرەك دېيىلسە، كەمىنە قىسمەت مەسئۇللۇقىدىكى شىنجاڭ كومپيۇتېر ھەۋەسكارلىرى گۇرۇپپىسى بۇ ئىقتىدارنى (ئاللاھ خالىسا) 2 كۈن ئىچىدە تاماملاشقا كېپىللىك قىلىدۇ. بۇ يەردە بۇلتۇرقى بىر ئەزايىمىزنىڭ پىكرى بىلەن 6-5 سائەت ئىچىدە مەسلىھەت بېرىش سۇپىسى قۇرۇپ چىققىنىمىزنى ئەسلەپ ئۆتۈش ئارتۇقچە بولماس. 2. مۇنبەرنىڭ رەڭدارلىقىنى ئاشۇرۇش ئۈچۈن تېمىلارغا رەڭ بىرىپ، ئوتتۇرىغا تەڭشەپ، بېزەپ چىقارساق. بىر قىسىم تىمىلاردا ئاپتور يوللىغان بويىچە (رەڭ بىرىلمىگەن شېئىرلار ئوتتۇرىغا تەڭشەلمىگەن، ماۋزۇ چوڭايتىلمىغان) ھالەتتە چىقىرىپ قويۇلغان بۇنى ۋاقتىدا بىر تەرەپ قىلساق. جاۋاب: بۇ مەسىلىگە مۇنبەر مەسئۇللىرى ۋە باشقۇرغۇچىلار جاۋاب بەرگەي. 3. ئەڭ ھالقىلىق مەسىلە، مۇنبەرنىڭ نادىر تېمىغا بولغان كۆز قارىشى ئىنتايىن تۆۋەن ئىكەن. مەن مۇنبەرگە كىرگەندىن باشلاپ بىرەر نادىرلانغان تېمىنى ئاساسى جەھەتتىن كۆرمىدىم. باشقىلار نادىر تېما يوللىيالمىدىمۇ ياكى، راستىنلا مۇنبەرنىڭ نادىر تېمىغا بولغان كۆز قارىشى شۇ دەرىجىدە تۆۋەنمۇ..؟ بۇنداق بولسا  ئەزالارنىڭ كەيپىاتى زور دەرىجىدە چۈشۈپ كىتىدۇ. جاۋاب: بۇ پىكىرنى مەن چۈشەنمىدىممۇ ياكى سەنسىز ئىنىم بېكەت باش بېتىدىكى نادىر تېمىلار قاتارىىنى كۆرمىدىمۇ؟

sansiz0903

	ئاللا....ئاللا.... مەن مەقسىتىمنى قسىمەتكامغا چۈشەندۈرەلمەي، قىسمەتكام ماڭا چۈشەندۈرۈپ بولالماي ساراڭ بوپتىمىز ساراڭ ... كەچۈرۈڭلار ئاسما ئىشتان كىيىدىغان كىچىك بالىنىڭ ئېغىزىدىن گەپ دىگەن سەل چېچىلاڭغۇ چىقىپ قالىدىكەن. ئۆھھۆ....ئۆھھۆ.. دىمەكچى بولغىنىم... بەتنىڭ تېما يوللايدىغان يىرىنى باشقا مۇنبەرلەرگە ئوخشاش قىلساق، (دىمەكچىمەنكى،رەڭ بىرىش، ئوتتۇرىغا تەڭشەش، چوڭايتىش) دىگەندەك ئىقتىدارلارنى ئىشلەتسەك، ئاخىرىغا رەڭ كودى، ئوتتۇرىغا تەڭشەش كودى چىقماي، بىۋاستە ئۆزگەرسە، ئوتتۇرىغا تەڭشەلسە. بۇنداق بولغاندا بىر قىسىم مۇنبەرگە كىرىشنى يىڭى ئ.ۆگەنگەن، ياكى تەجرىبىسى بىر قەدەر كەمچىل ئەزالارغا ياخشى پۇرسەت بولاتتى... ئۆھھۆ... ئۆھھۆ قىسمەتكامنىڭ ئەڭ ئاخىرىدا چۈشۈنەلمىگىنى.... مەن مۇنبەرگە كىرگەندىن بۇيان نادىر تېما قاتارىدا ئايدار ھەدىمىزنىڭ (يەتتە قىز مۇنبىرىدىكى ئاجايىپ ئىشلار) دىگەن تېمىسىنىلا كۆرۈپ شۇنداق دىدىم.  ئەمەلىيەتتە تازا زەن سېلىپ قاراپ باقسام، نادىر تېمىلار شۇ تېمىنىڭ ئاخىرىغا تىزىلىپتۇ. بۇ نىمە ئۈچۈن؟ باشقا مۇنبەرلەردە بىر نادىر تېما چىقسا، بۇرۇنقى نادىر تېمىنىڭ ئالدىغا چىقىدۇ. كەينىگە چىقىپ قالمايدۇ. بۇنداق بولىۋەرسە، باشقىلار، بۇ مۇنبەرنىڭ نادىر تېمىسى بەك ئازكەن، ياكى نادىر تېمىغا بولغان كۆز قارىشى تۆۋەنكەن دىگەن قاراش كىلىپ چىقىدۇ. مەسىلەن ئالايلۇق. مىنىڭ  (شېئىر يېزىشنى ئۆگەنگىڭىز بارمۇ دىگەن رەھمەتلىك، توكۇر تېمام گەرچە نادىرلىغۇدەك بولمىسىمۇ، جۇلالىق ھەدەمنىڭ ئىلتىپاتى بىلەن نادىر تېما قاتارىغا چىقىپتۇ- يۇ،  نادىر تېما رەت قاتارىدا يىگىرمە نەچچىنچى ئورۇنغا ئۆتۈپ قاپتۇ. ) بىر تېمىنىڭ تىزىم نۇمۇرى 421 بولسا، يەنە بىر  نادىر تېمىنىڭ تىزىم نۇمۇرى 422 بولسا، چوقۇم 422 ئالدىغا تىزىلىشى، 421- نۇمۇرلۇق نادىر تېما كەينىگە ئۆتۈپ ئورۇن بوشۇتىشى كېرەك ئىدى. ھازىر پۈتۈن مۇنبەرلەردە شۇنداق. بىراق بىر قىسىم كىيىن يوللانغان نادىر تېمىلار ئاخىرىغا چۈشۈپ، بۇرۇنقى نادىر تېمىلار ئالدىغا ئۆتۈۋالسا باشتا سۆلەپ ئۆتكىنىمدەك خاتا چۈشەنچە كىلىپ چىقىدۇ. شۇڭا نادىر تېمىنىڭ شۇ مەسىلىسىنى، كۆرۈش سانىغا ئەمەس، تېما تىزىم نۇمۇرىغا ئاساسەن  رەت تەرتىپ بىكىتىلسە دىگەن قاراشتىمەن. يەنە بىر مۇھىم گەپ: تاققا-تۇققا پىكىر بىلەن نادىر تېمىلارنىڭ شەنىگە داغ چۈشەرمەكچى ئەمەسمەن. كىچىككىنە ئەرزىمەس پىكىرنى ئوتتۇرىغا قويۇپ ئۆتتۈم. بۇمۇ يەتتە قىز مۇنبىرىنىڭ رەڭدارلىقى ئۈچۈن... كەلگۈسى تەرەققىياتى ئۈچۈن... ئاكا-ھەدىلىرىم تەلەپ-پىكرىمنى توغرا ھەزىم قىلغاي! [ sansiz0903 بۇ يازمىنى  2010-يىلى 11-ئاينىڭ 1-كۈنى 09:15  دە تەھرىرلىگەن. ]