مەن مىللىتىمدىن پەخىرلەندىم، سىزمۇ پەخىرلىنەمسىز..........

peacelife212

	مەن مىللىتىمدىن پەخىرلەندىم،سىزمۇ پەخىرلىنەمسىز...... ئەتراپىمىزدا يەنىلا ياخشى نىيەتلىك كىشىلەر جىق....... يوللىغۇچى : ئىسەنلىك1976 (مەنبە :   ئۈزەمنىڭ كۆرگەنلىرى )        مەن ئۇنىڭ بىلەن بىرلا قېتىم كۈرۈشكەن، كىشىلىك تۇرمۇش ئەنە شۇنداق ، ئۇ ماڭا تېلفۇن قىلدى،« سىز بىلەن كۈرۈشەي دىگەن ،بۈگۈن زادى كۈرۈشمىسەم بولمايدۇ»....دىدى، چاخچاق قىلىپ، مەنمۇ ئۇنىڭ بىلەن كۆرىشىمەن دەپ كۈرۈشۈپ بولالمىغان ئىدىم،  ئالاھەزەل 40 مىنۇتلاردىن كېيىن غەربى شىمال يولىدا ئاپتۇۋۇز بېكىتىدە كۈرۈشتۇق، قىزغىن قۇچاقلىشىپ  كۈرۈشۈپ كەتتۇق، ئۇ ئاسپىرانت ئوقۇغۇچىسى ئىدى، ماڭا 300 سومنى تۇتقۇزدى، مۇشۇنى سىز ياردەمگە مۇھتاج ، ئىختىسادتا قىينىلىپ قالغان قېرىنداشلىرىمىزغا يەتكۈزۈپ بەرگەن بولسىڭىز دىدى، قەلبىم شۇنچىلىك سۈيۈنۈش ئىلكىدە ئىپتىخارلاندىم، بىرىنچىدىن، بىر قېتىم كۈرۈشۈپلا ئۇنىڭغا ئىشەنچ، سەمىمىلىك تۇيغۇسى بىرەلەپتىمەن، ئىككىنچىدىن تېخى ئوقۇغۇچى تۇرۇپ، 300 سوم پۇلنى ئاجىزلارغا ياردەم قىلىش ئۈچۈن ئاتاپتۇ، بۇ نىمە دىگەن ئىسىل ،خالىس،مەرتلىك، ئاق كۈڭۈللۈك ھە؟، ئاللاھ رەھمەت قىلسۇن دەپ ، ئۇنىڭغا بولغان قايىللىقىمنى شۇ بىر ئېغىز گىپىم بىلەن ئىپادىلىدىم، قەلبىمدە ئۇنىڭغا ئىسىل تىلەكلەرنى تىلىدىم، مىللىتىم ياشلىرىدىن، ئوغلانلىرىدىن پەخىرلەندىم، مىللىتىمنىڭ پارلاق كەلگۈسىنى كۆرگەندەك بولدۇم. يەنە ئىككى دوستۇم بىرسى ئاتۇشتىن، بىرسى ئىچكىردىن كارتامغا پۇل سالدى، مۇشۇ پۇللارنى ئېىتىياجلىق كىشىلەرگە بەرسىڭىز دەپ، شۇنچىلىك سۈيۈندۈم، بىز ئاغزىمىزدا دىسەكلا ئەمەس، ئەمەلىي ھەركىتىمىزدە ئىپادىلىشىمىز كېرەك. گەپنى ھەممە ئادەم قىلالايدۇ، ئەمما، ئەمەلىيەتتىكىنى ھەقىقى ئىنسانلارلا قىلالايدۇ.    جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........      ئۇ بىر مېىيپ بالا، ماڭالمايدۇ، ئۆزى چوڭ-كىچىك تەرەتنى جايىغا ،خالاغا كىرىپ  قىلالمايدۇ، پەقەت جايىدا ياتىدۇ، قولىدىن، بېشىدىن  باشقا  بەدىنىنىڭ بويۇن ئاستىنى مىدىرلىتالمايدۇ، كېچىسى ئۇنىڭغا ئوكسىگىن تۇڭى ھەمرا، قىش پەسلى ئۇ سىرتلارغا چىقالمايدۇ، تاكى بىرەرسى كۆتۈرۇپ تۇرغۇزمىسا، قار مەنزىرىسى ، سىرتتىكى دەل -دەرەخلەرنى كۆرەلمەيدۇ، لېكىن، ئۇنىڭ قەلبى بىغۇبار، پاكىز، ئاق كۆڭۈل، ئۇ مىنىڭ ئۇندىدارغا چىقارغان كىچىك بىر بالىنىڭ ياردەمگە مۇھتاج ئىكەنلىكىنى كۈرۈپ، ئىنىسىدىن 50 يۈەن چىقارتىپتۇ، شۇنچىلىك سۈيۈنۈپ كەتتىم، ئۇنىڭ ئاقكۆڭۈل، سېخىلىقىدىن ، بىر قىسىم ساق، ئەمما قەلبى مەجرۇھ كىشىلەرگە قارىغاندا، سىماسى بۈيۈك تاغدەك كۈرۈندى. جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........       ئۇ بىر ياش، بۇ يىل ئوقۇش پۈتتۈرگەن، ئۇ ئۆز قېنى ئارقىلىق بىر بىمارغا، قان يوق سەۋەبلىك ۋاقتىدا ئوپىراتسىيە قىلىنالماي قالغان بىر بوۋايغا ئۆز ئىختىيارلىقى بىلەن خالىس قان تەغدىم قىلدى.  ئۇنىڭ قېنى ئالاھىدە، ئاز تېپىلىدىغان قان تىپى ئىدى، نۇرغۇن ئادەم پۇل ئىئانە قىلالىشى مۇمكىن، ئەمما، ۋاقتى كەلسە، قېىنىنى بىرەلمەسلىكى مۇمكىن، ئۇنىڭ ئاقكۆڭۈل، سەمىمى قەلبى بۇرۇنلا مىنى قايىل قىلغان ئىدى، بۇ قېتىممۇ مىنى قايىل قىلدى، جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........       قان قۇسقان شۇ رەھمەتلىك ئىنىمىزغا 24 سائەتكە يەتمىگەن ۋاقىت ئىچىدە نۇرغۇنلىغان پۇلنىڭ يىغىلغانلىقىنى ئۈندىداردىن  كۈرۈپ، جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ  يەتتىم، مىللىتىمدىن، ئۇيغۇرلىقىمدىن پەخىرلەندىم ...........      ھەر قېتىم ئاپتۇۋۇزغا چىققىنىمدا شۇ ئۇرۇندۇقتا ئولتۇرغانلارنىڭ ئاجىزلارغا، بالا كۈتۈرىۋالغانلارغا، چوڭلارغا، ياشانغانلارغا، ياكى  قولىدا نەرسىسى جىقراق كىشىلەرگە ئۇرۇن بىرىۋاتقان ئاشۇ قېرىنداشلىرىمىزنى كۈرۈپ، جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........         ھەر قېتىم ئۇندىدارىمدا ياردەمگە مۇھتاج كىشىلەرنىڭ مۇراجىئەتنامىلىرى دوستلۇق چەمبىرىكىدىن كۈرۈپ ھەمبەھىرلەپ قويغىنىمدا ،بىردەمدىلا نۇرغۇن قېرىنداشلىرىمىزنىڭ ۋاقىت ئاجرىتىپ ئۆزلىرىنىڭ دوستلۇق چەمبىرىكىگىمۇ ھەمبەھرلەپ قويغىنىنى كۆرگىنىمدە، باشقىلارغا ياردەم بىرىش روھىنىڭ بارلىقىدىن شۇنداق سۈيىنىمەن، بالا تېپىش ۋە ياكى بالا يۇقۇتۇش، نەرسە كېرەك تېپىش ۋە يۇقۇتۇش ھەققىدىكى مۇراجىئەتنامىلارنىڭ بىردەمدىلا تىز تارقىلىۋاتقانلىقىدىن، يەنىلا كىشىلەر قەلبىدە ئاقكۈڭۈللۈكنىڭ ئىزناسىنى كۆرگەندەك بولىمەن.  قانغا مۇھتاجلىق ھەققىدىكى ئۇچۇرلارنىڭ شۇنداق تىز تارقىلىشىدىن ۋە ئۇنىڭغا نۇرغۇن قېنى ماس كېلىدىغان قېرىنداشلىرىمىزنىڭ شەخسىيەتسىز ھالدا خالىس ياردەم قىلىۋاتقانلىقىدىن بەكمۇ سۈيۈنىمەن، جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........      بىر سوم پىلانىنىڭ قۇرغۇچىسى ئەيساجاننىڭ باشلامچىلىقىدا ۋە يېتەكلىشىدە نۇرغۇنلىغان كىيىم-كىچەكلەرنىڭ توپلىنىپ، جەنۇپتىكى ئاجىز،قىيىنچىلىقى بارلارغا يەتكۈزىلىشى ، بىلىپ ئەترىتىدىكىلەرنىڭ دوختۇرخانىدىكى بىمارلارغا يەتكۈزگەن ساخاۋىتى، ئېھسان گۇرۇپپىسىدىكىلەرنىڭ يەتكۈزگەن مېھرىبانلىقى، ئەلئابىدە گۇرۈپپىسىنىڭ خەير-ئېھسانى، شۇلارغا ئۈن-تىنسىز، خالىس ئۆزلىكىدىن كارتىلىرىغا پۇل ئۇرۇپ، ئۆيىدىكى ئارتۇق كىيىم -كېچەكلەرنى ئەۋەتكەن، بانكىدا ئۆچىرەت ساقلاپ پۇل ئەۋەتكەن، ئىسسىق-سوغاق دىمەي پۇل سېلىۋاتقان ، قېرىنداشلىرىمىزغا ياردەم دەپ ئاللاھ رىزالىقىنى كۆزلەپ، ئىنسانپەرۋەرلىك، قېرىنداشلىق، مېھرىبانلىق مىلودىيىسىنى ياڭرىتىپ مېڭىۋاتقان ئاشۇ مېھنەتكەش ئەزىزلەردىن، جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........       نەچچە يىلنىڭ ئالدىدا خانتەڭرى تورىدا شەكىللەنگەن مېھرىبانلىق سىمفونىيىسى ھازىرغىچە ياڭرىماقتا، ھەر يىلى نورۇزنىڭ ئالدى -كەينىدە، مېھرىبان، كۈيۈمچان ھەدىمىز دىلبەر ناسىرنىڭ يېتەكچىلىكىدە  65-مەكتەپتىكى ئائىلىسىدە قىيىنچىلىقى بار ئوقۇغۇچىلارغا قىلىنىۋاتقان شەخسىيەتسىز ياردەملەر،  ئاشۇ ساخاۋەتچى ئانىلارنىڭ ھەر قېتىم ئۇنتۇپ قالماستىن ، ساخاۋەت ئۈچۈن ئايرىم تۇتۇلغان كارتىغا ھەر ئايدا پۇل ئىئانە قىلىشى، ھەقىقەتەن كىشىنىڭ قەلبىنى ئىللىتىدۇ، ئۇلارغا بولغان قايىللىق تۇيغۇسىنى ئاشۇرىدۇ. جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........      ئۇ مېنىڭ ساۋاقدىشىم، ئۇ بىر ئادەتتىكى ئانا، ئۇ ئاق قان كېسىلىگە گىرىپتار بولغان بىر بوۋاقنىڭ ئاتا-ئانىسىنىڭ خەن تىلىنى بىلمەسلىك سەۋەبلىك دوختۇرخانىدا قىينىلىپ قېلىشىدىن ئەنسىرەپ، ئۇلارغا شەخسىيەتسىز ھالدا ، خوتەندىن ئۈرۈمچىگە ، ئۈرۈمچىدىن شاڭخەيگە، ئاشۇ بوۋاقنىڭ ئانىسى بىلەن بىرگە بېرىپ، ئۆزىنىڭ ئىككى نارەسىدە بالىسىنى قويۇپ قويۇپ، ئۇلارغا بىر تەرەپتىن دوختۇر بىلەن بوۋاقنىڭ ئانىسى ئوتتۇرىسدا تەرجىمانلىق كۆۋرۈكلۈك رولىنى ئويناپ، بىر تەرەپتىن ئۇلارنىڭ كۆڭلىنى ئاۋۇتۇپ، بوۋاقنىڭ ئاتا-ئانىسىغا ئىلھام بېرىپ، ئۇلارنىڭ دىلىنى سۈيۈندۈرگەن ئاشۇ قېرىنداشلىرىمىزدىن ،  جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........       نۇرتاي ھاجىمدەك ئوغلانلىرىمىزدىن، مىللەت ئۈچۈن، ئەل ئۈچۈن، يېتىم-يېسىرلار ئۈچۈن، سىلە-رەھىمنى ئۈزۈپ قويمىغان، ياخشىلىقنى ئۆزىگە مۇجەسسەم قىلغان ئوت-يۈرەك ئوغلانلىرىمىزدىن،   جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........       ئۈرۈمچىنىڭ نۆلدىن تۆۋەن 20-،30-گىرادۇسلۇق سوغۇقلىرىدا، قار-مۇز ئۈستىدە ، ئۈستىدە لەپىلدەپ قار يېغىۋاتقان، ئاستىدىن يەرنىڭ سوغۇقى جاندىن ئۈتىۋاتقان ئاشۇ سوغۇقلاردا يۈزلىگەن، مىڭلىغان چوڭ-كىچىك، ياش-قېرى، ھەر ساھەدىكى ئەركەك زاتى قېرىنداشلىرىمنىڭ جۈمئە نامازلىرىنى تەئىدىل-ئەركان بىلەن ئوقۇپ، ئاللاھتىن يۇرت-ئەلنىڭ ئامانلىقى، قېرىنداشلىرىمىز ئۈچۈن خالىس دۇئا قىلىۋاتقان قوللىرىنى كۆرگىنىمدە، بەگەك قوللىرى بىلەن مەسجىت قۇرۇلىشىغا، مەسجىت ئالدىدىكى قوللىرىنى سۇنۇپ، ئىلتىجالىق بىلەن تىكىلگەن كۆزلەرگە، قوللارغا ، ئاشۇ ئاجىز، يېتىم-يېسىر قېرىنداشلىرىمىزنىڭ مۇھتاجلىق ھالدا ئېچىلغان   قوللىرىغا  بەگەك قوللىرى بىلەن خالىس پۇل بېرىۋاتقان ئاشۇ مەرت-سېخى كىشىلىرىمىزنى ھەر جۈمئە كۆرگىنىمدە ،  جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........       مۇشۇ قاتتىق سوغۇق ،قەھرىتان قىشتا يوقسۇللۇق سەۋەبلىك كۆمۈر،ئۇتۇن ئېلىشقا ئامالسىز قالغان قېرىنداشلىرىمىزغا ، ئۇندىداردىكى قېرىنداشلىرىمنىڭ تۇنۇمايمەن، بىلمەيمەن دىمەستىن، ئاكتىپلىق بىلەن، رازىمەنلىك بىلەن قىلغان ياردەملىرىنى كۈرۈپ،  جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........      قار ياغماقتا، ئۈرۈمچىنىڭ قەھرىتان ئېيىدىكى سوغۇقى ئادەمنىڭ يۈزىگە نەشتەردەك ئۇرۇلاتتى، قارامايدىكى قېرىنداشلاردىن ئەۋەتىلگەن ئىئانە قىلىنغان بەش سومكا كىيىم-كېچەكنى خوتەنگە ئەۋەتمەكچى بۇلۇپ، ئۇلارنى ئەنسار ئايرۇپىلان بېلىتىنى سېتىش ئورنىدىن ئاچىقىپ، بىر ماشىنىنى كىرا قىلىپ، ئەمىن تىز يەتكۈزۈش ئورنىغا ماڭدىم،( بەش سومكىنى جەنۇبى شەھەر قاتناش بېكىتىدىن سالسام، ئاز بولغاندىمۇ 200 سوم توشۇش كىرا ھەققى ئالاتتى)  كىچىك ماشىنا بىلەن  بىردەمدىلا ئەمىن تىز يوللاش ئورنىغا يىتىپ كەلدۇق، يۈك توشۇيدىغان قېرىنداشلىرىمغا بۇ بەش سومكا خالتىنىڭ قارامايدىكى قېرىنداشلارنىڭ، خوتەندىكى يوقسۇل قېرىنداشلارغا ئىئانە قىلغان كىيىم-كېچەكلىرى ئىكەنلىكىنى ئېيتىۋېدىم، يۈك تۇشۇغۇچى قېرىندىشىم  سومكىنىڭ سانىنى ئېلىپلا، بەش دەپ يازدى، ئەمما، پۇل سانىنى يازمىدى، ھەمدە كۈلۈمسىرەپ تۇرۇپ،« ئىئانە قىلىنغان نەرسىگە پۇل ئالمايمىز » دىدى، قەلبىم بىر خىل مېھىر-شەپقەت،  ئىللىقلىق تۇيغۇسىدا شۇررىدە ئىرىپ كەتكەندەك بولدى. ئۇ مىنى تۇنۇمايتى، مەنمۇ بىرىنچى قېتىن بېرىشىم ئىدى، بىز پەقەت تىلىمىز ئوخشاش قېرىنداشلاردىن ئىدۇق،  نىمە دىگەن ئالىجاناپلىق بىزدىكى، نىمە دىگەن سېخىلىق، مەرتلىك، ئاق كۆڭۈللۈك، سەمىمىلىك، پاك ئېتىقاد، سەمىمى ئىللىق چىراي، ئاتەش قەلبلەر، شەخسىيەتسىز، خالىس روھ، تىزىملىتىپ بۇلۇپ، سىرتقا چىقتىم، ئەمىن تىز يەتكۈزۈش ئورنىنىڭ قۇرغۇچىسىغا، ئەمىندىكى يۈك تۇشۇغۇچى قېرىنداشلىرىمىزغا، باشقا ئىش بىجىرگۈچى خادىملارغا چىن دىلىمدىن قايىل بولدۇم، سۈيۈندۈم، ئۇلارغا ئاللاھنىڭ سالامى بولسۇن، بەرىكىتى بولسۇن، ئىشلىرىڭلار روناق تاپسۇن......... يەر ئاپپاق قار ئىدى، ئىزغىرىن شامال يۈزلەرگە ئۇرۇلاتتى، كۆزلىرىمدىن ئىختىيارسىز ھالدا ئىپتىخارلىق، خوشاللىق يېشى سىرغىپ چۈشتى، ئىچ-ئىچىمدىن ئۆز مىللىتىمگە، ئۇيغۇرۇمغا، قېرىنداشلىرىمغا بولغان ھۆرمىتىم قايىللىقىم، مېھرىم، ھەسسىلەپ ئاشتى. ئاللاھ بىزدىكى بۇ مېھرى-مۇھاببەتنى ئايرىۋەتمىسۇن، بىزدىن ئۈمۈتنى، بىر بىرىمىزگە خالىس ياردەم بىرىدىغان، پۈتۈن دۇنيا ئىنسانلىرىدا كەم تېپىلىدىغان ئىنساپ، تەۋپىق، ئاقكۆڭۈللۈكنى ،مەرتلىكنى سېخىلىقنى ئايرىۋەتمىسۇن.  جەمئىيىتىمىزدە، ئەتراپىمىزدا يەنىلا ياخشى نىيەتلىك كىشىلەرنىڭ كۆپ ئىكەنلىكىنى تېخىمۇ تۇنۇپ، ھىس قىلىپ يەتتىم، مىللىتىمدىن، ئۇيغۇرلىقىمدىن پەخىرلەندىم ...........        مەن مىللىتىمدىن پەخىرلىنىمەن، سىزمۇ پەخىرلەندىڭىزمۇ ؟!!! سىزمۇ پەخىرلىنىڭ ،ئۇمۇ پەخىرلەنسۇن، ھەممىمىز پەخىرلىنەيلى، بىزنىڭ ئىپتىخارلىنىشقا تىگىشلىك نۇرغۇن ئارتۇقچىلىقىمىز بار، ئەۋزەللىكىمىز بار، بىز مىللىتىمىزدىكى كىچىك دائىرىدىكى  ئىللەتنىلا ئەمەس، مانا مۇشۇنداق مېھرى-مۇھەببەتنى، ئىللىقلىقنى، سېخىلىقنى، مەرتلىكنى، ئەقىدە-ئىماننى، تەۋپىق،ھىدايەتنى ھىس قىلايلى، كۈرەيلى، تۇنۇپ يېتەيلى،  بىزگە ئۇمۈد، خاتىرجەملىك، نۇسرەت، نىجادلىق ، گۈزەل كەلگۈسى يار بولسۇن.....     يېزىلغان ۋاقتى : 2014-يىل 1-ئاينىڭ 28-كۈنى، كېچە  سائەت 9     شەھرى - ئۈرۈمچى

پەرىزات

	شۇنداق تەسىرلەندىم ،شۇنداقلا مىللىتىمدىن ،ئۇيغۇرۇمدىن پەخىرلەندىم .

kvyqi

	ئۇيغۇر........بۇ مىللەت ھەقىقەتەن تىلسىم بىر مىللەت...قىنى قايسى بىر مىللەتنى ئۇنىڭغا ئوخشىتالايسىز؟    مەن پەخىرلىنىمەن

گۇلخان

	مەنمۇ پەخىرلىنىمەن مىللىتىمدىن،قەۋم -قېرىنداشلىرىمدىن.دوستلىرىمدىن،......قەلبى ساپ ئىنسانىي مىھرى مۇھەببەت بىلەن تولغان  ئەتراپىمدىكى نۇرغۇن ئادەملەردىن. دۇنيا يەنىلا مىھرى مۇھەببەتكە تولغان..ىنسانىي ،تەمەسىز مىننەتسىز سۆيگۈ بىلەن تولغان. ھەممىلا ئادەمدىن قاخشاۋىرىدىغان ئادەملەرگە شۇنى دىگۈم كىلىدۇ.تۇرمۇش بىر ئەينەككە .ئوخشايدۇ،سەن ئۇنىڭغا كۈلۈپ قارىساڭ ئۇمۇ ساڭا كۈلۈپ قارايدۇ.....

سۇمرۇغ

	بەكمۇ تەسىرلىك يازما ئىكەن . مەنمۇ مىللىتىمدىن ،ئۆزۈمنىڭ «ئۇيغۇر »ئىكەنلىكىمدىن ،بەكمۇ پەخىرلىنىمەن !