كۈلپەت...R

رەھمەتۇللاھ

	ئانامنىڭ ئېيتىشىچە مەن تۇغۇلغاندىن باشلاپ تىنىم تۇلىمۇ ئاجىز بالا ئىكەنمەن. ئانامدىن بىر مىنۇت، بىر قەدەممۇ ئايرىلمايدىكەنمەن. ئانام كاپراتسىيەنىڭ ئىشلىرى بىلەن مىنىڭ بۇنداق چاپلىشىۋېلىشىمدىن بەزى بىزارلىق ھېس قىلىدىكەن. قۇرسىقىمنى توقلاپ، ئاستىمنى قۇرۇقداپ قۇيۇپ ئىشقا كىتىپ كەچتە كەلسە يىغلاپ ئۈنۈم پۈتۈپ كىتەركەن. لېكىن، ئانامنى كۆرۈپلا توختايدىكەنمەن. ئانام بۇ بالا مۇشۇنداق يىغلاپ يا ئۆزىنىڭ يا مىنىڭ بېشىمغا چىقىدۇ دەيدىكەن. ئۆزۈمنىڭ شۇۋاقىتتىكى ھالىتىمنى كۆز ئالدىمغا ئەكىلىپ باقتىم. ئىھتىمال مىنىڭ قۇرسۇقۇم توق، ئاستىم قۇرۇق بولغان بىلەن 9ئاي 10 كۈن تىڭشاپ ياتقان يۈرەكنىڭ سۇقىشى مەندىن يىراقلاپ كەتكەنلىكتىن يىغلىغان بولغىيدىم. ئىھتىمال 9 ئاي 10 كۈن نەم ئىچىدە ياتقان ئانا باغرىدىن قۇرۇق يەرگە چۈشۈپ قالغانلىقىم ئۈچۈن يىغلىغان بولغىيدىم. ئانامنىڭ شۇ ۋاقىتتىكى گىپى مۆجىزىلەرچە رىئاللىققا ئايلاندى مەن راستىنلا ئۆزۈمنىڭ ھەم ئانامنىڭ بېشىغا چىقتىم. يىغلا-يىغلا مەن چوڭ بولدۇم، ئەمما، 9 ئاي 10 كۈن تىڭشاپ ياتقان يۈرەكنىڭ سۇقىشىنى بىر يۇلىلا ئۇنۇتتۇم. سېغىنماس بولدۇم، يىغلىماس بولدۇم، كۆزلىرىم قۇرۇپ كەتتى. ئەمما يىغلاش نۆۋىتى ئانامغا كىلىپ قالدى. ئوخشىمايدىغىنى  ئۇنىڭ ماڭا ھەمراھ بولغىدەك ۋاقتى يوقلىقىدىن يىغلاپ قالغان بولسام مىنىڭ ئۇنىڭغا ھەمراھ بولغۇدەك ۋاقتىم بار ئەمما ھەمراھ بولغۇم يوقلىقىدىن يىغلاپ قالدى. تېلفۇندا بۈركۈتۈم بالام، بۇلبۇلۇم بالام كۈزۈمدىن ئۇچتىڭىز، دەپ يىغلىسا بىنگال تىللىق بىرى گەپ قىلىۋاتقاندەك تىڭشاپ تۇرۇپ تېلفۇننى قۇيۇپلا يۇلۇمغا ماڭدىم. ھېسياتسىز . . . يۈرۈگۈم قۇرۇپ كەتكەن ئىدى. ئانا يىغىسى ئىرىتەلمىگۈدەك دەرىجىدە . . . سەككىز ياش . . . ئېيتىڭلارچۇ، سەككىز ياشلىق بالىنىڭ جېنىنى ئالقىنىغا تۇتقۇزۇپ ئۆيدىن چىقىرىپ قويسا بۇ جاننى قانداق جان ئىتىدۇ ؟  ئايىغىمنى كىيەلمىگەن ئىدىم چۈنكى پۇتلىرىم چاك-چاك يېرىلىپ كەتكەنلىكتىن ئاياغ تىگىپ كەتسىلا ئېچىشىپ كىتەتتى. ئاياغنى قۇلۇمغا ئېلىپ قۇرۇپ كەتكەن ئېرىقتىن ئىچىدىكى قۇمغا دەسسەپ ئۆيگە كىلەتتىم. چۈنكى قۇم قۇياش نۇرىدا ئازراق ئىسسىغان ئىدى. 24 سائەت ئىچىدىكى ئەڭ چوڭ غېمىم قۇرسۇقۇمنى بىر توقلىۋېلىش ئىدى. ئاخىرى مەن بۇ يۇرتتىن ۋاز كەچتىم بېشىمغا كەلگەننى كۆرمەكچى بولدۇم. ئىسمىنى كۆپ ئاڭلىغان بىر يۇتقا چىقتىم يېنىمدا 80 يۈەن پۇل بارئىدى. ئۇ يۇرتتا 80 يۈەن بىلەن 12 كۈننى ئۆتكۈزدۈم. 13-كۈنى يانچۇقتا بىرموچەن پۇل قالمىدى. مەن قۇرساق توقلاشنىڭ غېمىدا بازارنى بىر ئايلىنىپ چىقتىم. ئېيتىڭلارچۇ 12 ياشلىق بالا قانداق قۇرساق توقلايدۇ ؟ ساق بىركۈن بازار ئايلىنىپ قىلىدىغان ئىش تاپالماي، يەيدىغان نەرسە تاپالماي ئاچ قۇرساق پېتى قايتىپ كەلدىم. كىنولاردا كۆرگەن بوتولكا تىرىپ جان باقىدىغان تىجارەتنى مەن قىلالمىدىم. شۇ كىچىسى نۇرغۇن نەرسىلەرنى چۈشەپ چىقتىم.ئاللا بۇرۇن ئىسىمدىن كۆتۈرلۈپ كەتكەن ئانامنىڭ ئەمچىكىدىن ئاققان سۈتنى، زاغرا نان، بىدە سالغان ئاش، قېتىققا چىلىغان نان، ھەممىنى كۆرۈپ چىقتىم. يېرىم كىچىدە ئويغىنىپ كەتتىم ئۆيدىكى داستىخاننى ئېچىپ تىرنىقىمغا ئىلگۈدەك ئۇۋاقلارنىڭ ھەممىنى تىرىپ يەپ چىقتىم. بۇ كىچىمۇ تاڭ ئاتتى. ئەمما پۇت- قۇلۇم بۇشاپ كەتكەن ئىدى. كارۋاتقا تاشلانغان پېتى ياتتىم. قۇرسۇقۇم سىزىمىنى يۇقاتقان ئىدى بەلكىم نىرۋام يۇقاتقاندۇ ئىشقىلىپ نىمىشقا يېقىلىپ قالغىنىمنى ئەسلىيەلمىدىم لېكىن بېشىمنىڭ ئاغىرىشى قاتتىق تۇتۇپ كەتكەن ئىدى. شۇنداق بىر چۈشكمىۇ ئوخشىمايدىغان، ئۈلۈمگىمۇ ئوخشىمايدىغان، رىئالىققىمۇ ئوخشىمايدىغان بىر تۇيغۇ ئىچىدە ياتقىنىمدا بىراۋلارنىڭ گەپ سۆزلىرى، ئېغىزىمغا بىر نىمىلەرنى قۇيۇپ، كۆزلىرىمنى يىرىپ، مىدىرلاتقىنىنى بىلدىم. تازىلىقچى بالىنى دىيشىچە بىر يېرىم كۈن يېتىپتىمەن. ئاندىن ئۇ بالا ئەنسىرەپ باشقىلارنى چاقىرىپ مىنى قۇتقۇزۇۋالغان ئىكەن. مەن شۇ ۋاقىتتا ئىككى يېرىم كۈن ئاچ يۇرۇپتىكەنمەن. شۇنىڭدىن كىيىن ئەۋرەز يۇلى كولاپ، دوپپا سېتىپ، ئاياغ مايلاپ، ياغلىق سېتىپ جان ئېلىشنى ئۈگەندىم. دادام ئالقىنىمغا تۇتقۇزۇپ ئۆيدىن چىقىرۋەتكەن جاننى جان ئىتىشنى ئۈگەندىم. باشقىلار نىمە ئىش قىلىسەن دەپ سورىسا قۇرساق باقىمەن دەيتتىم ھېلھەم شىركەت قۇرۇپ تىجارەت قىلىشتىكى مەقسىدىڭ نىمە دىسە، يەنە شۇ جاۋاپنى بىرىمەن. قۇرساق باقىمەن، ئۆزۈمدىن  ئاشسا مەندەك ئاچ قالغانلارنىڭ قۇرسىقىنى باقىمەن. بىراق بۇ جان بۇ كۈلپەتكە ھامى، ئاغرىققا ھامى جان يەنە ئاغرىق تېپىۋالدى. بۇرۇن قۇرساق ئاچلىقتىن ئاغرىغان بولسا ئەمدى قەلب ئاچلىقتىن ئاغرىدى. ئىشەن دىدى ئىشەندۇق، سۆي دىدى سۆيدۇق، ۋاز كەچ دىدى  ۋاز كەچتۇق، تىرىش دىدى تىرىشتۇق، ئەمما ئىشىنىپ ئاچقان قەلب دېرىزىمىزدىن قۇياش نۇرى ئەمەس، بۇران چاپقۇن كىردى. سۆيگەن يۈرەكلىرىمىز تاپىنى ئاستىدا پىتەك بولدى. ۋازكەچكەنلىرىمىزنىڭ ئورنىنى سۆيگۈ بىلەن ئەمەس قان-زەرداپ بىلەن تۇلۇقلىدى. تىرىشىپ ياماشقان ھەربىر داۋان زىخ بۇلۇپ بارماقلارنى ياردى. ئاھ . . .  ھەسرىتا يا يىغلىيالماي، يا كۆلەلمەي مەجنۇنلارچە بىر ھالەتتە تۇرۇپ قالدۇق. بۇ يۈرەك نىمە قىلسۇن ؟ نىمە قىلالىسۇن ! باغرىمىز ئالقانچىلىكلا بار،ئۇ ئۇنچىۋىلا شاخ تىكەننى سىغدۇرالمايتتى.  بۇ سۆيگۈلىرىمىز غۇبارسىز ئىدى، ئىزا-ئاھانەتكە لايىق ئەمەس ئىدى. بۇ ھاياتنى ئادىل كۈلگەنگە تەبەسسۇم قىلىدۇ دەپ ئاڭلىغان. ئەمما، تەبەسسۇم قىلساق شاللاق بولدۇق. قاپاق تۈسەك مۇزلۇق بولدۇق. بىر قېتىم كۈلسەك توققۇز قېتىم يىغىسىنى يىغلىدۇق. بىرتال مانتا يىسەك توققۇزقېتىم تاش چاينىدۇق. ئەجەبا ئىنسان كۈلپەتكە مەڭگۈلۈك قەرىزمۇ ؟ ئاق كۈڭۈللۈك راستىنلا ئۇلۇغ بولىدىغان ئىش بولسا مەن يەنە بىر قۇياش بولغان بولاتتىم. ئەمما ئاق كۈڭۈللۈكۈم يەنە بىر قاراڭغۇ ئۆڭكۈر بولدى  . . .

Aydar

	يائاللا، يىغلاتتىغۇ ماۋۇ تېما. كىچىك ۋاقتىمدا بەك ئاجىز ئىكەنتۇقمەن. ئاۋال تىلىم چىقىپ ئاندىن مېڭىپتىكەنمەن. خېلى يىللارغىچە ئاپام ئىنىم-سىڭلىمنى ئېلىپ مومامنىڭكىگە كەتسە يىغلاپ-يىغلاپ ئۇخلاپ قالىدىكەنتۇقمەن. ...ئەسلىمىلىرىم قوزغىلىپ كەتتى جۇمۇ...

رەھمەتۇللاھ

	ناخشا چىقىۋاتامدۇ ئەزىزلەر  . . . شۇنچىلىك ئاڭلىدىمكى بۇ ناخشىنى، باغرىمنى يىرتىۋەتتى

tagguli

	ۋاھ..........  ۋەدىرىخا............!!!!  نىمىگە  كۆنمەيسەن   ، ئەي     ئۇلۇق ئىنسان ،  چىدا  چىدا    ھەممە   ئۆتۇپ  كىتىدۇ  ........  مانا    مەن  شۇنداق   دەيمەن  ئۇز  ئۇزىمگە..............ھەيييييييييييي

شەريفە

	گەرچە كىچىك ۋاقتىىمدا بۇنداق ئشلارنى كۇرۇپ باقمىغان بولساممۇ چوڭ بۇلۇپ كورمىگەنلىرىم ئاز قالدى،ئوقۇۋېتىپ يېغا تۇتىۋالدى.

شەريفە

	رەھمەتۇللاھ يوللىغان ۋاقتى  2014-يىلى 1-ئاينىڭ 15-كۈنى 00:43 ناخشا چىقىۋاتامدۇ ئەزىزلەر  . . . شۇنچىلىك ئاڭلىدىمكى بۇ ... ناخشا چىقىۋاتىدۇ.بەك مۇڭلۇق ئىكەن.

گۈلئايىم

	ئادەم قانچە ئاق كۆڭۈل بولغانسىرى زىممىسىدىكى يۇكمۇ شۇنچە ئىغىر بولىدۇ دەيدىكەن كونىلار، نۇرغۇن گەپ-سۆزلەر قۇرۇق شۇئاردىنلا ئىبارەت ئىكەن، ئاق كۆڭۈل يۇۋاش ئادەمنى ھەممە ئادەمنىڭ بوزەك تاپقۇسى كىلىدىكەن... بەك جىق سۆزلىرىم بار ئەمما دىيەلمەي ۋاتىمەن

ئابىدۇ

	ھايات قىسمەتلىرى شۇنداق ھەر خىل بولىدىكەن، كىممۇ بىر ئۆمۈر خۇشال-خۇرام ئۆتەلىسۇن..

مايسىخان

	نىمە دەي، مېنىڭمۇ نەچچە كۈنلەر بولدى پىغانىم ئۆرلەپلا قاپتىكەن، بۇ يازما چاناقلىرىمدىن چىقالماي تۇرغان ياشنى بىراقلا تاشتۇرۋەتتى. مەن بەش ئوغۇل ئىچىدە بىر تال قىز بولغىنىم بىلەن باشقا ئائىلىدىكى قىزلاردەك ھەدىدىن ئاشقان دەرىجىدە ئۇنچە بەك ئەركە ئەمەستىمكەن، بەش ئوغۇل ئۇتتۇرىسىدىكى قىز بولغاچقىمۇ مېنىڭ مىجەزىممۇ خېلى بىر چاغلارغىچە ئوغۇل مىجەزكەنتۇق. مەن تاكى چوڭ بولۇپ دادام يىقىلىپ، تۇرمۇشۇمدىن زەربە يىگەن شۇ مىنۇتلارغىچە تۇرمۇشتا ھېچقانداق بىر قىسىلچىلىق تارتىپ باقماپتىكەنمەن. يۇقۇردا روھچىننىڭ يازمىسىنى ئوقۇپ، ئۇنىڭدىكى شۇ 12 ياشلىق بالىنى كۆز ئالدىمغا ئەكىلىپ بەك بىئارام بولدۇم، 12 ياش دېگەن ئاتا-ئانىسىنىڭ باغرىدا ئەركىن يايرايدىغان چاغلار ئەمەسمىدى؟ 12 ياش دېگەن ئانىسىنىڭ تەييار تامىقىنى ئەركىلەپ ئولتۇرۇپ يەپ ئىسسىق كاڭدا قىيسىيىپ ئۇخلاپ شېرىن چۈش قوينىغا غەرىق بولىدىغان چاغلار ئەمەسمىدى؟ ھەي پەلەك كىملەرنى قانداق كويلاردا چېنىقتۇردىغانسەن؟ ئىشقىلىپ ئۇكام مەن سىزنىڭ بۇنداق چىنلىق پۇراپ تۇرىدىغان يازمىلىرىڭىزنى بەك ياقتۇرۇپ ئوقۇيمەن، ئاللاھ سىزگە تېخىمۇ كۈچ-قۇۋۋەت ئاتا قىلسۇن، سىزدىكى ئەشۇ پەرزەنت ئىشقىدا كۆيۈدىغان شۇ يۈرىكىڭىز جاسەرتكە تولسۇن، ئائىلىڭىزگە بولغان مەسئۇلىيەتچانلىقىڭىزغا ئىنشائاللاھ كۆز تەگمىسۇن، ئائىلىڭىزگە بەخت تىلەيمەن، ئىشلىرىڭىز روناق تاپسۇن ئۇكام. ئاق كۆڭۈللىكىڭىزدىن بەك ۋايسىماڭ، ئەمما ئاق كۆڭۈللىكنى كۆتۈرەلەيدىغان ئادەمگە قىلىڭ، بولمىسا بۇ ئاق كۆڭۈللىكىڭىز سىزنى چارچىتىپ قويىدۇ، بۇلار مېنىڭ بېشىمدىن ئۆتكەچكە دەۋاتىمەن، بولۇپمۇ ئەر كىشىلەرنىڭ بەك ئاق كۆڭۈللىكى نۇرغۇن كىشىلەرنى ھالسىرتىۋېتىدۇ.

ئەسمەتۇللاھ

	كىچىكلىكتىكى يىغلاڭغۇلۇققا كەلسەك ئاللا، بىر قۇساقتىن چۈشكەندەك ئوخشايدىكەنمىز. ئانام دىمىگەن بىلەن خۇلۇم- خوشنا، تۇنۇش- بىلىشلىرى مىنىمۇ ئانىسىنىڭ بېشىنى يەيدۇ دەيمىشكەن. بىچارە ئانام يىغامنى توختىتالماي ئالدىمغا بىر تاشنى قۇيۇپ بەرسە، شۇ تاشقا ئۈسۈپ يىغلاپ ھالىمدىن كەتكەندە توختايدىكەنمەن. ئەمما، ئەقىل تېپىپ مۇشۇ ياشقا كەلگىچە كۈزۈمگە قاراپ تۇرۇپ كىچىكىڭدە مۇنداقتىڭ دىگىنىنى ئۇقمايمەن. بىز تۆت بالا، كىيىمنىڭ چىرايلىقى مىنىڭ، گۆشنىڭ قارىسى مىنىڭ، ئۇيۇنچۇقنىڭ ئەڭ ئىسىلىمۇ مىنىڭ ئىدى. تا ھازىرغىچە شۇنداق بۇلىۋاتىدۇ. ئانا، نىمانچە قىلىپ كىتىسىز ماڭا، يا بىر ئەجرىڭىزنى قايتۇرالمىسام، تىللاپ قۇيىڭە بەزىدە دىسەم، نىمىشقا تىللايتتىم، سەن كەلسەڭلا ئۆي بازارغا ئايلىنىدۇ، سەن بەك شوخ بالام، كۆز تەگمىسۇن دەپ كىتىدۇ. نەچچە قېتىم سىرتقا چىقىپ يىغلىۋەتتىم. ئانا، پەرزەنىتلىرىڭنىڭ بەختى ئۈچۈن ئۆمرۈڭ ئۇزۇن بولسۇن، ھەممە ئانىلار مەڭگۈ سالامەت بولسۇن