يىغلىمىدىم(ئاھۇ)

ئاھۇ

	يىغلىمىدىم باغرىڭدىكى جاراھەتكە باغرىمنى ياقسام. باغرىمدىكى ھەسرەتلىرىم كۆكتىن پەسلىدى. چاچلىرىمنى يۇلۇپ تۇرۇپ سۇ بولۇپ ئاقسام، ئاھ،ئەزىزىم تورۇق ئېتىڭ ئاچچىق كىشنىدى. ئالقىنىمدىن ئالقىنىڭغا سىيرىلغان تىزىق ، يۇلتۇز بولۇپ يوللىرىڭغا چېچىلىپ كەتتى. چېپىپ كەلدىڭ ئات ئۈستىدە مەغرۇرسەن مەغرۇر، يول بويىدا چىنار شاخى قايرىلىپ كەتتى . ۋاقىرىدىم قايرىلمىغىن ئارقىڭغا جېنىم ، بۇندىن ئېغىر كۈلپەتكىمۇ چىدىغان ئەرسەن. چىدا مېنىڭ پەريادىمغا نالىلىرىمگە، مېنى ئەزىز قىلغان شۇنداق بىر قارا يەرسەن. دۇئا بىلەن ئالقىنىمنى كۆتۈردۈم تاغدەك ، يىغلىمىدىم ،يىغلىمىدىم ئىشەنگىن ماڭا. كۆك ياغلىقىم بەلۋىغىڭنىڭ بۇرىچى تۇرۇپ، سېنى ھىجىر دەشتلىرىگە تاشلامدىم يانا . بوينىڭدىكى تاشنى بىردىن ئالدىڭ قۇمۇرۇپ، مەن يىقىلدىم،مەن يۈكۈندۈم مىڭ پارە بولۇپ. ئۇنۇتمىغىن قىلىچىڭنىڭ دەستىسى ئۆزۈم، سېنى كۈتۈپ مۇشۇ پېتى كەتسەممۇ قۇرۇپ. قەھرىڭ  بىلەن قەدرىڭ بىلەن چۇلۋۇرنى تارتتىڭ، نۇر چاقنىدى ھىلال بولغان ئاينىڭ يۈزىدە . يىغلىمىدىم رازى بولدۇم ئاياللىقىمدىن، بىر تامچە ياش قېتىپ قالدى ئاتنىڭ كۆزىدە...

Aydar

	ئاھۇخاننى باياملا ئويلاپ تۇراتتىم. شېئىرلىرىڭىزنى سېغىندىم جۇمۇ....

ئەسمەتۇللاھ

	مەن يىغلاي دىدىم شېئىرنىڭ پاساھىتىدىن

kamiran

	شېئر يازمىغىلى ئەمەس ،شئېر ئوقۇمىغىلىمۇ خېلى كۈنلەر بولۇپـتۇ

گۈلئايىم

	بەكمۇ يىقىملىق چىقىپتۇ بۇ شىئېر، ھارمىغايسىز ئاھۇ

مايسىخان

	ياغاچ ئۇشتايمۇ ئاھۇ ...توۋا ئۆزىنى ياخشى كۆرگەن، ئۆزى ياخشى كۆرگەنلەرنى مۇشۇنداقمۇ تاشلىۋېتەمدۇ دەيمەن، تاس قالدۇق قەشقەردىكى تورداشلارغا مۇراجەتنامە چىقارغىلى، ئۇنداق قىلمىسىلا، بىزدىن رەنجىپ قالغانمۇ يا ھېچ بىلمىدۇق، تۇيۇقسىز يوقاپ كەتتىڭىز، ئادەمنى سېغىندۇرۇپ

ئاھۇ

	ئەسسالامۇ ئەلەيكۇم ئەزىزلەر!مەنمۇ سىلەرنى ئەسلەپ تۇردۇم....ياد ئەتكىنىڭلارغا رەھمەت...بىر مەزگىل يوقاپ كەتكىنىم ئۈچۈن ئۆزرىلىكمەن

مايسىخان

	ئاھۇ يوللىغان ۋاقتى  2014-يىلى 1-ئاينىڭ 16-كۈنى 09:41 ئەسسالامۇ ئەلەيكۇم ئەزىزلەر!مەنمۇ سىلەرنى ئەسلەپ تۇرد ... ئۆزرە قۇبۇل، ئەمدى ئۇنداق قىلىشقا بولمايدۇ

گۇلخان

	ئاھۇ راستلا بەك ئالدىراش بوپ كەتكەن چىراي.لېكىن يەنىلا بىزنى ئۇنتۇماپتۇ،

پەرىزات

	شىئېر بەك ياخشى چىقىپتۇ ،بۇلۇپمۇ ئاخىرقى مىسراسدىن قەلبىم بەكلا لەرزىگە كەلدى . رەخمەت جېنىم